الموضوع: شهادتى من وسط أهالى العباسيه اللى بيقولوا عليهم بلطجيه

المشاركة الأصلية كتبت بواسطة amahmed

كلامك يثبت ان اهل العباسية كانت مشحونة و جاهزة للتعامل مع مسيرة السبت و وجود مندسين - زي الشخص اللي اتكلموا عليه من ارض اللواء و جاي يضرب مع اهل العباسية - بدأ الشرارة من كل ناحية

و للاسف لمدة 6 ساعات لم يتدخل احد من الجهات المسئولة....

أهالى العباسيه مشحونه من أعتصامات التحرير زى معظم المصريين

اللى قاعدين فى التحرير عايزين أيه , مجلس رئاسى ولا دستور أولا ولا أيه

محدش يضحك على نفسه ويقول أنهم عايزين مصلحة البلد

لو اللى فى التحرير على حق ليه الأخوان والسلفين عاملين مظاهره الجمعه اللى جايه فيها 10 مليون فى المحافظات

أحنا زهقنا وقرفنا من اللى عملين نفسهم ثوار

روح التحرير وشوف المناظر والشعارات وقول هما دول اللى نزلوا فى 25 و 28 يناير

أحنا مش مشحونين من كلام الجيش ولا الروينى , أحنا قرفنا من اللى عاملين نفسهم أوصيا على البلد وعايزين حكومه على مزاجهم وأنتخابات على مزاجهم ومجلس رئاسى على مزاجهم ( ده لو متفقين أصلا على حاجه من دى )

ليه محدش عايز يحترم الاستفتاء وأرادة الشعب

مش هما بيقولو علينا الجهله والغوغاء اللى قلنا نعم فى الاستفتاء .. هنوريهم الغوغاء والجهله كلامهم هيمشى ولا لأ طالما أن 77 % من الشعب جهله وغوغاء

مش بتوع التحرير بيقولو حريه الاعتصام والتظاهر , أحنا كمان حريه التظاهر

مش اللى فى التحرير بيمنعوا أى حد يخش الميدان الا اللى على مزاجهم ... خلاص أحنا كمان نعدى اللى على مزاجنا

مش دى الحريه اللى بينادوا بيها

المشاركة الأصلية كتبت بواسطة ahmed-moga

استاذ عادل اولا اذي حضرتك بقالك فتره مش بتشارك
بس احب ان اوضح لك وللجميع شيئ انني لست انتمي لاي حزب سياسي او ديني الموضوع ليس اكثر من انني أحب بلدي مصر وأدعو من الله عز وجل لها بكل خير والسلامه من كل شر واتمني لها من كل قلبي ان تكون خير بلد في الوجود فيها يحصل كل مواطن علي حقه من عيش عيشه كريمه عيشه لايوجد فيها اهانه او مهانه وعدم امتهان للكرامه او فساد او فتنه بيننا جميعا كأخوه مصريين ابناء وطن واحد والله علي ماأقول شهيد
وزي ماحضرتك قولت ده مجرد تحليل تفسيري ورؤيتي لهذا الحدث المهين يحتمل الصواب ويحتمل الخطأ وقد تثبت الأيام او السنين صحة او خطأ تفسيري هذا

مع خالص تحياتي وتقديري لك ولجميع اهالي منطقة العباسيه الشرفاء

الأهالى: المعتدون (بلطجية) استأجرهم ضباط (الوايلى)

آخر تحديث: الاثنين 25 يوليو 2011 9:45 ص بتوقيت القاهرة


مجدى سمعان -



أكد عدد من أهالى العباسية أن من هاجموا المتظاهرين أمس الأول هم مجموعة من البلطجية ومسجلى خطر من منطقة العباسية والمناطق المجاورة مثل الوايلية والدويقة، استقدمهم ضباط قسم الوايلى للتحرش بالمتظاهرين.

ووصف نشأت حسن، صاحب محل قطع غيار سيارات أسفل كوبرى العباسية، ما حدث بأنه كان أشبه بحرب شوارع وقال لـ«الشروق»: «ضباط مباحث قسم الوايلى قاموا باستئجار البلطجية ومسجلى خطر بالمنطقة للاعتداء على المتظاهرين».

وعلق محمود أحمد حسن، صاحب محل آخر شارك فى الحديث: «لما كان الدكتور شرين (يقصد شرين أحمد فؤاد، عضو مجلس الشعب السابق) بيعمل مؤتمرات كانوا هما اللى بينظموا» وأشار إلى أن إمام مسجد النور، خاطب المعتدين، وقال لهم فى الميكروفون: «حافظوا على شباب التحرير» لكنهم لم يستجيبوا. وأضاف حسن أن أهالى العباسية غير راضين عما حدث، وكانوا يحاولون إقناع البلطجية بالعدول عما يفعلوه لكنهم كانوا مصرين، وكانت «لديهم حالة إصرار وحماس غريب، حتى أنهم لو كانوا يحاربون إسرائيل ما كانوا بتلك الحماسة».

وروى حسن أن المتظاهرين حين وصلوا إلى ميدان العباسية، كان الجيش يغلق مدخل الميدان، وكان هؤلاء يقفون خلف الجيش، وحين رأى المتظاهرون حالة التحفز، هتفوا: «يا أهالى العباسية، المظاهرة دى سلمية» مؤكدا أن البلطجية كانوا متحمسين للاعتداء على المتظاهرين.

وقال حسن إنه يعرف كثيرا من البلطجية الذين ارتكبوا الاعتداء بالاسم، لكنه فضل عدم ذكر أسمائهم. وأشار إلى أنه حين كان يسألهم: «يا ابنى انت بتضرب ليه، دى ناس عاملة مسيرة سلمية» فكانوا يردون: «إحنا بندافع عن الجيش» وتابع: «شباب العباسية لا يفعل هذا، هؤلاء بلطجية كانوا مجهزين ومستعدين، فى حين كان شباب التحرير، لا يحملون معهم سوى الأعلام واللافتات»
وتساءل: «إذا كان الأهالى من اعتدوا، فلماذا لم يحدث الاعتداء فى غمرة أو فى الأماكن التى مرت بها المظاهرة؟، من وجهة نظرى، فقد كان هناك كمين مجهز للمظاهرة، حوصرت المظاهرة ما بين حواجز الجيش وما بين البلطجية المجهزين».

ويحكى نبيل أمين، صاحب محل مواجه لجامع النور، أن البلطجية كانوا متجمعين خلف حواجز الجيش أمام مدخل كوبرى العباسية، وتجمع بعض الأهالى للتعرف على ما يحدث وسبب إغلاق الشارع، مشيرا إلى أن بعض ضباط الجيش كانوا يحرضون الأهالى ضد المتظاهرين. وقام البلطجية بمحاولة استفزاز المتظاهرين بإلقاء زجاجات مياه فارغة ثم بدأوا بإلقاء الطوب، والتفوا من خلف حواجز الجيش وهاجموا المظاهرة التى كانت تقف أمام مسجد النور من الجنب والخلف،وخاصة من شارع غرب القشلاق. ولفت إلى أن المتظاهرين حاولوا الاحتماء بالمسجد إلا أن الجيش طردهم، فقاموا بالصلاة فى الشارع وأثناء الصلاة هدأت المواجهة قليلا».

شارع غرب القشلاق، هو الشارع الذى احتمى به البلطجية للاعتداء على المتظاهرين، وبالرغم من قيام الحى بكنس الشارع من الطوب والزجاج المكسور، إلا أن آثار المواجهة مازالت باقية، خاصة معرض سيارات تم تكسير ما به من سيارات كانت تقف أثناء المواجهة.

احترامى لرأيك وأسف لأنفعالى

الشهادات دى كدب والنهارده هقولكم الناس اللى أساميها موجوده دى حقيقين ولا لأ

والله العظيم شارع غرب القشلاق ده هو الى كنت واقف فيه والطوب بيتحدف علينا وكل العربيات الى فيه اتكسرت

لو عايزين تقولو عليا بلطجى وضباط الشرطه مأجرينى أنا وكل اهالى الشارع الى كانو معايا قولو

المشاركة الأصلية كتبت بواسطة amahmed

ماشي كلامك استاذ adelseliem .. انا شخصيا مش عايز مجلس رئاسي بس مش معني ذلك ان استخدم ايدي في التعبير عن رأيي .. علي رأي المخلوع خليهم تسلوا .. و من حقهم يعبروا عن رأيهم

+ صياغة كلام حضرتك تدل علي ان المجلس العسكري ده طفل صغير و ان هذا القلة ترغمه علي اصدار قرارات تختلف مع ما اراده الاغلبية و انه يحتاج دعم من الاغلبية

و ده غير منطقي .. يعني حد ضرب المجلس علي ايده علشان يقول مبادئ فوق دستورية او 50% انتخاب بالنظام الفردي و 50% انتخاب بالقايمة و ضوابط لاختيار اعضاء لجنة تأسيس الدستور

مش ده المجلس اللي قال نحن لا نتخذ قرار الا بعد دراسة مستفيضة و تشاور مع القوي السياسية و في الاخر يحط قانون لانتخابات المجلس لم يُرضي اي قوة سياسية و شمل التعديلات التي رفضتها القوي و المجلس قالهم حنغيرها لم اعترضوا قبل اصدار القانون

اذا كان لنا مشكلة فهي مع المجلس العسكري مش مع المعتصمين و لا افراد من الشعب و من حقنا و واجبنا نعبر عن رأينا بكل سلمية و ادب .. لكن مش دورنا اننا ننفذ القانون و لا ندافع عن المؤسسة العسكرية لانها قادرة علي ذلك بنفسها و تحت ايدها كل الامكانيات التي تساعدها علي ذلك

ارجوك اهدئ لو كل الناس في نفس انفعالك حنوصل لفتنة و اقتتال بين الشعب و محدش حيكون عارف ميين الصح و ميين الغلط

الله سبحانه و تعالي قال :{ادع إلى سبيل ربك بالحكمة والموعظة الحسنة وجادلهم بالتي هي أحسن}(النحل/125)
و ده الدين الذي يجب الدفاع عنه بكل غالي و نفيس و بالرغم من ذلك يطلب منا الله سبحانه و تعالي الرفق و اللين في الحوار و يقول سبحانه و تعالي ( ولو كنت فظا غليظ القلب لانفضو من حولك) .. فما بالنا بالسياسة و الاراء

معلش لانفعالى بس حط نفسك مكانى ويتقال عليك بلطجى وقابض فلوس

وكل الناس الى وقعت قدامى من الطوب الى عارفهم بالاسم يتقال عليهم بلطجيه علشان يبان ان الثوار على حق

المشاركة الأصلية كتبت بواسطة adelseliem

احترامى لرأيك وأسف لأنفعالى

الشهادات دى كدب والنهارده هقولكم الناس اللى أساميها موجوده دى حقيقين ولا لأ

والله العظيم شارع غرب القشلاق ده هو الى كنت واقف فيه والطوب بيتحدف علينا وكل العربيات الى فيه اتكسرت

لو عايزين تقولو عليا بلطجى وضباط الشرطه مأجرينى أنا وكل اهالى الشارع الى كانو معايا قولو



معلش لانفعالى بس حط نفسك مكانى ويتقال عليك بلطجى وقابض فلوس

وكل الناس الى وقعت قدامى من الطوب الى عارفهم بالاسم يتقال عليهم بلطجيه علشان يبان ان الثوار على حق

+1111111
شكرا لشهادتك وكشف الحقيقة
6 ابريل تعرضت لخسارة فادحة يوم 23 يوليو و فقدت اي تعاطف من جانب الشعب
و كما توقعت سيقومون بحملة كبيرة علي مواقع الانترنت و نشر قصص و فيديوهات لمحاولة تحسين صورتهم و تأليب الرأي العام ضد الجيش و الشرطة
هذا ما تدربوا عليه باعتراف اعضاء الحركة و هم يجيدون استخدام الانترنت و الميديا لحشد الجماهير

المشاركة الأصلية كتبت بواسطة ahmed-moga

اللي شاف المقطع

في الدقيقه 1:2 من هذا الشخص وما الذي في يده ومن الذي سمح له بالوقوف علي المدرعه اليست الذي بيده فلوس وماذا فعل البلطجيه المأجوريين حين شاهدوها مش قالوا الفلوس اهية وبعديها صقفوا جامد وهيصوا اليس تفسير ذلك هو تحميس البلطجيه المأجورين من مناطق آخري بحصولهم علي هذه الأموال
ولاحظوا الناس الموجوده انهم قسمان قسم قبل المدرعات والأسلاك الشائكه والقسم الآخر المتظاهرين بعد المدرعات والشرطه العسكريه والأسلاك الشائكه

والشخص الذي يرتدي تي شرت اسود وكان يعطي للذي يصور ضهره ماذا كان يقول لهم اليس يحذر الأهالي وكيف كان يثيرهم ومن معه لما فعله المتظاهرين البلطجيه من تخريب وتكسير وحرق وتحطيم للسيارات والمحلات وهذا يؤكد بالفعل ان مسيره يوم الجمعه لم تكن الا بداية المخطط وكان بها بلطجيه فعليين و الذين اتوا بالليل وقاموا بالفعل بحرق وتكسير السيارات والمحلات وضرب الأهالي كما حضرتك وضحت والبشمهندس عمرو شرف للأحداث التي حدثت مساء الجمعه

الفلوس اللى بتقول عليها مبلغ قليل علشان يتوزع على المجموعه دى كلها
يعنى ده كلها 300 او 500 جنيه على بعض .. قول يا عم 1000 جنيه برضه ماتكفيش علشان توزعها على الناس دى كلها ... و مع قليل من الخيال الفلوس دى ممكن تكون مع بلطجى قبضو عليه و هو بيوريهالهم كدليل اثبات
لكن علشان يعملها من اجل تحفيذ البلطجيه فكان يعملها قبل بدايه الاحداث يعنى قبل الساعه 6 .. وواضح من الظلام اللى موجود ان المقطه ده اتصور بعد المغرب يعنى بعد الساعه 8 تقريبا
اما الاخ ابو تيشرت اسود كان بيحاول يذكر الناس باللى حصل علشان يقولوه و يوثق و الاسلوب ده عادى و مافيهوش حاجه
بس واضح ان حضرتك بتطوع الامور علشان تشوفها من وجهة النظر اللى ترضيك

المشاركة الأصلية كتبت بواسطة ashouhdy

تحليلك خيالى شوية ... كانوا مع بلطجى !!!\\

طب وطلع فوق المدرعة عادى كدة وبيشاور بفلوس

والتصفيق و الهداف عشان لقم فلوس مع بلطجى !!!

طيب ماشى حمشى فى تحليلك انتا
حبة "البلطيجه" اللى قدامه قد ايه ... قول 30 واحد (انا واخد رقم قليل اوى بس خلى علينا)
و هو ماسك فى ايده قد ايه (تقديرى 500 جنيه .. بس ماشى ياعم خليها 1000 جنيه ) يبقى كده نصيب البلطجى منهم قد ايه 33 جنيه على الاكثر ؟؟؟؟؟؟؟؟
المقصود ان الفلوس اللى ماسكها دى ماينفعشى تتوزع على الناس دول ... و كمان هو كان ماسكهم فى كبشه كده لكن انا اعرف اللى عاوز يورى فلوس بيمسكهم وهى مفروده ( زى اللى بينقط فى الافراح البلدى ) و على فكره احتمال بقى ماتكونشى فلوس اصلا
وياسيدي ادى لنك لنوت بتاعت عمرو غريبه عضو 6 ابريل و اللى بيقر ان اللى هاجموهم من اهالى العباسيه ... شهد شاهد من اهلها

المشاركة الأصلية كتبت بواسطة khaled_sabry

وياسيدي ادى لنك لنوت بتاعت عمرو غريبه عضو 6 ابريل و اللى بيقر ان اللى هاجموهم من اهالى العباسيه ... شهد شاهد من اهلها

Log In | Facebook