عاوز اجيب 316

**semonmak** · 26-07-2011 09:23 AM

بص يا باشا العربية دى على حد علمى جديدة تبدأ من 240 الف او ازيد شوية
ده ممكن تعرفوا من ورق العربية طبعا انت بتقول العربية ماشية 2800 كم
يعنى شبه مش ماشية اصلا يعنى ممكن تنزل من سعرها 10 الالاف او 15 انت وشطارتك

بالنسبة لقطع غيارية يعنى هو طبعا فيها حاجات غالية كتير
انما الاساسيات اللى بتتغير باستمرار مش غالية قوى فى العادى زى التيل والبيجوهات والفلاتر والطنابير
اسعارها فى المعقول الى حد ما وارخص كمان مقارنة بموديلات تانية المانى زى المرسيدسس والاوبل والفولكس فاجن وفرنساوى زى الرينو ويابانى زى المازدا والهوندا
وده شىء كويس فيها
أما اكسسوار العربية غالى جدا
قطع غيار العفشة سعرها معقول وليس مبالغ فيه

**Atefossama** · 26-07-2011 12:12 PM

الف شكر بس اصلي بعت عربيتي و با داور علي عربية يكون توكيل كويس و عربية قوية في حدود ٢٠٠ الف
مش متواجد كل ما ادخول اي منتدي لا العربية فيها مشكلة او التوكيل في مشكلة لو حد يعرف بديل
و ينصحني اكون شاكر جدا

**sheko_2000eg** · 26-07-2011 10:06 PM

ربنا يرزقك انشاء الله

**semonmak** · 27-07-2011 12:51 PM

ما هو للأسف مفيش توكيل عدل فى مصر غير قليل
غير كده اسعار التوكيل مغالى فيها شوية لو جيبتها
بعد ما تخلص الضمان فكك من التوكيل وروح على منصور
على الاقل فى الحاجت البسيطة يعنى لما تعمل السرفيس مش لازم توكيل
لانك هتدفع الضعف فى كل شىء سواء فلتر زيت او هوا او بنزين او بيجوهات او اتيال او طنابير
وكل الكلام ده ممكن تغيروا عندوا وانت واقف فى تلت ساعة وبنص التمن اما لو عطل جامد لا قدر الله ابقى روح هناك