أجيب بطارية دلوقتى ولا لسة؟

**mesaharaty** · 25-07-2011 02:45 PM

كنت عاوز أعرف يعنى إيه (( البطارية بتفور))
اللى أنا فاهمه إن مية النار ابتدت تنزل وبتعمل تآكل فى أى حاجة تقابلها
وأنا كنت سألت صديق لى عنده محل بطاريات وكاوتش صيانة وبيع فقال لى إن البطارية كده فيها ربع ضارب ولابد من تغييرها
فما مدى مصداقية هذا الكلام ؟

ولو كان ولابد من شراء بطارية جديدة فإيه الأنواع الجيدة وسعرها وفين بتتباع وعاوز أعرف سيارتى بطاريتها كام أمبير (ضرورى) (أنا ناوى على الجافة بإذن الله) علشان أقول له يحضرهالى
علما بأن العربية بتدور معايا بحالات يعنى مرة تدور من أول مرة ومرة تدور من رابع مرة وهكذا

الف شكر للمساهمات المحترمة
كل عام وأنتم بخير

**mesaharaty** · 25-07-2011 03:51 PM

مش متأكد
أنا لسه سائل عند ممدوح غطاطى وكيل فارتا قاللى ان الماروتى ns 40 أمبير والسعر 385 + البطارية القديمة

عاوزين بس نتأكد من حتة الأمبير دى

**dr.hazem** · 25-07-2011 08:30 PM

بطارتنا 40 امبير
ممدوح غطاطي مغالي في الاسعار
انا جبت بطاريتي الجافه هانكوك كوري من مؤسسة الايمان اولاد بيومي في الدقي جنب جاد اخدتها ب 280 وخد القديمه وبضمان سنه
الكلام ده بتاريخ 10 \2010 ولحد دلوقتي شغاله زي الفل

الجافه احسن 100 مرة
لو ناوي تركب تكييف ممكن تشوف حاجه اعلى من ال40 امبير بس متزودش عن 48 امبير....

تحياتي

**dr.hazem** · 26-07-2011 03:01 AM

المشاركة الأصلية كتبت بواسطة love7amada

ليه الواحد ميزودش عن 48 امبير
؟؟

هشرحلك الموضوع ببساطه
البطاريه ده خزان كهربي
هشبهالك بحاجه من واقع حياتنا
ماتور الميه
لو انت ساكن في الدور العاشر وعندك ماتور بيقدر يطلع الميه للدور ال15 هتبقى الحياه قشطه والماتور هيعيش ومش هتشتكي منه
انما لو الماتور اللي عندك اخره الدور الثامن وانت ساكن في العاشر فالماتور ده هيموت نص عمر

الماتور في حالتنا هنا هو الدينمو والدور اللي ساكنين فيه هو البطاريه
في الماروتي البطاريه 40 امبير
عادة مصنعي السيارات بيعملو ان الدينمو يستحمل يخزن الكهربا في بطارية اعلى بحوالي 10 امبير
وفي حالتنا هنا
الماروتي 40 امبير ولو هنقول الدينمو يستحمل يخزن كهربا بزياده 10 يبقى بطارية 50 امبير
وده اللي خلاني بقول متزودش عن 48
وعلى فكره
في الهند
الماروتي المكيفه بطاريتها 42 امبير...

تحياتي

**mesaharaty** · 26-07-2011 09:40 AM

يا سلام على الأستاذية العالية

بس محدش رد عليا فى موضوع إن (( البطارية بتفور))
اللى أنا فاهمه إن مية النار ابتدت تنزل وبتاكل فى أى معدن أو كاوتش يقابلها
هل كده خلاص البطارية بتودع ولا فيه أمل تتصلح

أرجو المشاركة

**dr.hazem** · 26-07-2011 10:03 AM

المشاركة الأصلية كتبت بواسطة mesaharaty

يا سلام على الأستاذية العالية

بس محدش رد عليا فى موضوع إن (( البطارية بتفور))
اللى أنا فاهمه إن مية النار ابتدت تنزل وبتاكل فى أى معدن أو كاوتش يقابلها
هل كده خلاص البطارية بتودع ولا فيه أمل تتصلح

أرجو المشاركة

عزيزي
لو فعلا مية النار بتنزل من البطاريه لاي سبب كان غيرها سريعا

انا اشتريت عربيتي مستعمله وللاسف شكل صاحبها الاولاني حصل معاه الكلام ده قبل ما اشتريها منه وكانت مية النار واكله البويه وعملت صدا تحت البطاريه وفي جزء من داخل الرفرف!!

ولذلك لو فعلا مية النار بتنزل جوه انصحك انك تغيرها فورا وقبل متركب الجديده نظف مكان مية النار كويس وادهن شحم مكان المية اللي جت على هيكل العربية...

بالمناسبه انا مش عارف مصطلح البطاريه بتفور لكن اعتقد ان طالما العربية عندك ممكن توصل لاربع مرات مارش عشان تدور فده كتير بالذات لو كهربتك سليمه وبوجيهاتك كويسه وغالبا يبقى البطاريه بتودع..

تحياتي

**mesaharaty** · 26-07-2011 10:25 AM

المشاركة الأصلية كتبت بواسطة hm414

عزيزي
لو فعلا مية النار بتنزل من البطاريه لاي سبب كان غيرها سريعا

انا اشتريت عربيتي مستعمله وللاسف شكل صاحبها الاولاني حصل معاه الكلام ده قبل ما اشتريها منه وكانت مية النار واكله البويه وعملت صدا تحت البطاريه وفي جزء من داخل الرفرف!!

ولذلك لو فعلا مية النار بتنزل جوه انصحك انك تغيرها فورا وقبل متركب الجديده نظف مكان مية النار كويس وادهن شحم مكان المية اللي جت على هيكل العربية...

بالمناسبه انا مش عارف مصطلح البطاريه بتفور لكن اعتقد ان طالما العربية عندك ممكن توصل لاربع مرات مارش عشان تدور فده كتير بالذات لو كهربتك سليمه وبوجيهاتك كويسه وغالبا يبقى البطاريه بتودع..

تحياتي

العربية ممكن توصل لأربع مرات مارش وممكن من أول مرة ومالهاش نظام معين لكن فى الحقيقة أنا مشترى العربية من سنة وماغيرتش طقم الكهربا ولا الفلاتر (تنضيف بس) وحاليا بتنتش فى المشى واشتريت امبارح طقم كهرباء من سوزوكى سنتر (شكله مضروب) وحاركبهم يوم الجمعة إن شاء الله .

-

الموضوع: أجيب بطارية دلوقتى ولا لسة؟

LinkBack

أدوات الموضوع

عرض

أجيب بطارية دلوقتى ولا لسة؟ - انشر الموضوع فى :

-

-

-

-

-

-

المواضيع المتشابهه

عايز أجيب بطارية..همتكم معانا

أجيب منين بطارية للبطة و بكام ؟

عايز أجيب بطارية ,,, أجيب إيه ومنين؟

إيه الحل دلوقتى أجيب عربية منين؟؟؟

عايز أجيب بطارية لعربية لادا؟

الكلمات الدلالية لهذا الموضوع

المفضلات

المفضلات

ضوابط المشاركة