الموضوع: أجيب بطارية دلوقتى ولا لسة؟

المشاركة الأصلية كتبت بواسطة hm414

هوا انا هقولك الكلام الجميل اللي انا فهمته
فهمت ان حضرتك تجربتك كانت كويسه وربنا سترها معاك وممكن كمان انت شاري العربية متغيرلها دينمو
لكن موضوع ان البطاريه الاكبر كتير ده افضل مش علمي اطلاقا ومش مقتنع لمجرد تجربة عمليه واحده تناقض الكلام العلمي

وفي الآخر الكل وضح وجهة نظره وعدم اقتناعي لا يعني مطلقا اني صح او ان حضرتك خطا
كل الفكره اني مش مقتنع
ههههههههههههههههه


تحياتي

اولا يعجبني الناس العاقلة الغير متعصبة
ثانيا العربية انا شاريها مش متغير فيها دينامو او اي حاجة
ثالثا انا ممكن اقول لك على اكتر من 20 عربية فالعيله بموديلات مختلفة من اول 132 الى مرسيدس من معارفي عاملين نفس الحوار بالظبط
رابعا لو تتكرم اديني مصدر لكلامك العلمي عشان انا حقيقي عاوز اقرا واعرف حاجة جديدة عن جد....وعلى فكرة كتالوج العربية عندي مكتوب فيه ان العربية بتنزل ببطارية اقصاها 38 امبير واللي جاية فالعربية 55 امبير وكانت الاصلية الياباني بتاع بلدها....

المشاركة الأصلية كتبت بواسطة mesaharaty

العربية ممكن توصل لأربع مرات مارش وممكن من أول مرة ومالهاش نظام معين لكن فى الحقيقة أنا مشترى العربية من سنة وماغيرتش طقم الكهربا ولا الفلاتر (تنضيف بس) وحاليا بتنتش فى المشى واشتريت امبارح طقم كهرباء من سوزوكى سنتر (شكله مضروب) وحاركبهم يوم الجمعة إن شاء الله .

لو بتنتش يبقي الكندنسر ...
وفي كندنسر اسمو denso ب35 جنية جامد جدا عند سوزوكى سنتر

اسمحو لى ادلى بدلوى فى موضوع البطارية، تركيب بطارية ذات سعة اكبر بكثير من السعة الأصلية لبطارية العربية يؤثر بكل تأكيد على الدينامو ، وبالتجربة ، الموضوع مش تانك بنزين، الفكرة ان البطارية بيكون لها رقمين، رقم بالأمبير ساعة يمثل سعة البطارية ورقم بالأمبير فقط يمثل اقصى قدرة يمكن ان تعطيها البطارية لحظيا، والرقمين مرتبطين ببعض ومرتبطين بمجموع مساحة اسطح الاقطاب الرصاصية للبطارية المعرضة للحامض ، كل ما البطارية مساحة السطح الرصاصى المعرض للحامض كبرت كل ما ماكانت قدرتها فى تخزين الطاقة اعلى، وكل ما كانت قدرتها على اعطاء الطاقة لحظيا اعلى وكلما كانت- وهذا هو المهم فى موضوعنا-تحتاج لقدرة اكبر لشحنها لأن المساحة الكبيرة للقطب الرصاصى المطلوب اكسدته بفعل التيار الكهربائى تضع حمل اكبر على الدينامو المولد للتيار، وبالتجربة لو بطارية السيارة الأصلية مثلا 40 امبير والدينامو اثنائ الشحن بيقرا 14 فولت، لو حطيت عليها بطارية 100 أمبير الدينامو اثنائ الشحن مش بيعدى ال 12 فولت(معناها انه تقريبا مش بيشحن البطارية لأنه علشان يشحنها لازم يكون الفولط بتاعه اعلى من فولط البطارية) , والانخفاض ده فى فولط الدينامو معناه معروف لأى حد درس هندسة آلات كهربية، هو التحميل الشديد على الدينامو (زى بالظبط لما تكون ماشى بالعربية وقارص على الموتور على الآخر وماشى 140 ، قوم قابلك مطلع جامد تلاقى السرعة نزلت من 140 ل 100 برغم انك لسة قارص على الموتور، التحميل على المولد الكهربى يؤدى لانخفاض الجهد بنفس الطريقة التى يؤدى بها التحميل على محرك السيارة الى انخفاض السرعة) والتحميل على الدينامو بالشكل ده معناه سرعة تآكل البلى وسرعة الاحتياج لتغيير الجزء الألكترونى وسخونة شديدة للدينامو تؤدى الى سرعة تفحم ورنيش البوبينة والمخدات مما يؤدى الى حدوث دوائر قصر بها وتلفها، يعنى من الآخر قصف عمر الدينامو، لذلك ينصح خبراء السيارت فى العادة ان لو ناوى تكبر قدرة البطارية اكثر من 20% من قدرتها الأصلية انك تغير الدينامو بواحد قدرته بالأمبير اعلى بنفس النسبة

كلام اصلي يا هندسه
طب دلوقتي فى حاجه عندي ان طرف من اطراف البطاريه ملح جامد ومش عايز يتفك
اللى اعرفه انه اغسله بماء بيغلي وانضفه وبعدين افك صح ولا ايه نظام لان تقريبا صاموله قربت تتاكل؟
غير ان كمان فى سلك عالمه كوبري لان ساح وطوله قصر وقف عربيه خالص وعملت كوبري منه للبطاريه وماشي كدة فى تعقيب؟

المشاركة الأصلية كتبت بواسطة mesaharaty

يا سلام على الأستاذية العالية

بس محدش رد عليا فى موضوع إن (( البطارية بتفور))
اللى أنا فاهمه إن مية النار ابتدت تنزل وبتاكل فى أى معدن أو كاوتش يقابلها
هل كده خلاص البطارية بتودع ولا فيه أمل تتصلح

أرجو المشاركة

شوف الدينامو الاول ممكن يكون بيشحن زيادة وهو اللى بيفور البطارية

المشاركة الأصلية كتبت بواسطة sab3aawy

اسمحو لى ادلى بدلوى فى موضوع البطارية، تركيب بطارية ذات سعة اكبر بكثير من السعة الأصلية لبطارية العربية يؤثر بكل تأكيد على الدينامو ، وبالتجربة ، الموضوع مش تانك بنزين، الفكرة ان البطارية بيكون لها رقمين، رقم بالأمبير ساعة يمثل سعة البطارية ورقم بالأمبير فقط يمثل اقصى قدرة يمكن ان تعطيها البطارية لحظيا، والرقمين مرتبطين ببعض ومرتبطين بمجموع مساحة اسطح الاقطاب الرصاصية للبطارية المعرضة للحامض ، كل ما البطارية مساحة السطح الرصاصى المعرض للحامض كبرت كل ما ماكانت قدرتها فى تخزين الطاقة اعلى، وكل ما كانت قدرتها على اعطاء الطاقة لحظيا اعلى وكلما كانت- وهذا هو المهم فى موضوعنا-تحتاج لقدرة اكبر لشحنها لأن المساحة الكبيرة للقطب الرصاصى المطلوب اكسدته بفعل التيار الكهربائى تضع حمل اكبر على الدينامو المولد للتيار، وبالتجربة لو بطارية السيارة الأصلية مثلا 40 امبير والدينامو اثنائ الشحن بيقرا 14 فولت، لو حطيت عليها بطارية 100 أمبير الدينامو اثنائ الشحن مش بيعدى ال 12 فولت(معناها انه تقريبا مش بيشحن البطارية لأنه علشان يشحنها لازم يكون الفولط بتاعه اعلى من فولط البطارية) , والانخفاض ده فى فولط الدينامو معناه معروف لأى حد درس هندسة آلات كهربية، هو التحميل الشديد على الدينامو (زى بالظبط لما تكون ماشى بالعربية وقارص على الموتور على الآخر وماشى 140 ، قوم قابلك مطلع جامد تلاقى السرعة نزلت من 140 ل 100 برغم انك لسة قارص على الموتور، التحميل على المولد الكهربى يؤدى لانخفاض الجهد بنفس الطريقة التى يؤدى بها التحميل على محرك السيارة الى انخفاض السرعة) والتحميل على الدينامو بالشكل ده معناه سرعة تآكل البلى وسرعة الاحتياج لتغيير الجزء الألكترونى وسخونة شديدة للدينامو تؤدى الى سرعة تفحم ورنيش البوبينة والمخدات مما يؤدى الى حدوث دوائر قصر بها وتلفها، يعنى من الآخر قصف عمر الدينامو، لذلك ينصح خبراء السيارت فى العادة ان لو ناوى تكبر قدرة البطارية اكثر من 20% من قدرتها الأصلية انك تغير الدينامو بواحد قدرته بالأمبير اعلى بنفس النسبة

ربنا يبارك فيك :) .