ألف مليون مبروك و ربنا يباركلك فيها و يكفيك شرها
عرض للطباعة
ألف مليون مبروك و ربنا يباركلك فيها و يكفيك شرها
يا رب اللهم امين.. الف شكر ليكوا كلكوا علي الدعوات الحلوة دي و كل سنة و انتول طيبين بمناسبة رمضان.. المهم احب اطمنكوا و اشكر توكيل شركة الامل فرع القطامية مشكلة الموتور بتاعي اتحلت و العربية بقت ما شاء الله زي الفل دلوقتي و ظبط العربية تاني علي الجهاز مع التكييف بجد انا بحب العربية دي اوي
عنيا يا باشا .. بس كده.. انا رحت علي الساعة 11 كده قعدت شوية علي ما الدور بتاعي جه.. جالي مهندس اسمه محمد عبد العزيز محترم جدا و فاهم شغله قالي ايه الموضوع.. قلتله السحب بتاع العربية بيقل مع التكييف و ده طبيعي .. قلتله ايوة ده طبيعي بس مش طبيعي ان العربية تتخنق و يبقي سحبها بطئ و مخنوق المهم كتب ملاحظة تظبيط الموتور علي الجهاز مع التكييف و كان في مشكلة ان الفرامل مش كويسة كتب ظبط و شد الفرامل و بعدين المرايات كانت بتتهز كتبله تثبيت المرايات الجانبية .. المهم دخلت العربية قعدت ساعتين و كنت انا قاعد مع الناس تحت كالعاده مبقعدش في الاستراحة المهم خلصت العربية و استلمتها و جربت كل الملاحظات اللي قلت عليها و لاقيته اصلا ناسي التكييف علي 4 .. المهم دورت و طفيت التكييف لحد ما العربية شدت شوية و شغلته محستش بفرق في السحب تقريبا المهم زودت التكييف لحد 4 لقيته ما شاء الله زي الفل مفيش خنقة.. المرايات الجانبية اتربطت و اتزبطت و كله تمام و الفرامل اتشدت و حسيت انوا ربط العفشة تاني مش عارف ليه لاني حسيت بنعومة غريبة كده.. المهم بقي كان في اعضاء كتير بتشتكي من وجود صهد بيطلع والتكييف شغال المهم الموضوع ده حصلي بس انا اكتشفت و هيا اجتهادات شخصية طبعا تتحمل الخطأ و الصواب و طبعا و العياذ بالله من قولت انا ان الصهد ده بيطلع من التابلوه مش من ارضية العربية .. المهم بقي هقول علي الحل و يا ريت تجربوه و تقولولي صح و لا لا .. هات بكرة التكييف علي اخر وضع علي الشمال .. دي خلت العربية ثلاجة ماشاء الله و كمان الصهد راح خالص و مبقاش في صهد .. اتمني اني افيدكوا و اكون افدتكوا علي قد خبرتي الصغيرة و اسف علي الاطالة
ربنا يبارك ليك فيها يا باشا .. ويكفيك شرها .. ودايماً تبقى مبسوط منها .
بالنسبة للصهد أو السخونة اللي حضرتك ذكرتها ده بيختفي لما تقفل تدوير الهواء بتاع التكييف وتخليه من داخل العربية فقط وليس من خارج العربية (في الحالة دي حتزيد برودة التكييف) .. بالإضافة إلى التوجيه يكون مش على الأقدام .
بفرض أنك حتى لو مش فاتح التكييف وتوجيه التكييف على الأقدام وتدفق تجديد الهواء على وضعية من الخارج حيجيب سخونية الموتور على الأقدام .. أرجو أني أكون قدرت أوصل الفكرة بشكل جيد .
لا الموضوع بعيد عن ان الهواء من خارج او من داخل العربية .. انا كنت عاملها من داخل العربية بس الوضع كان علي الاقدام و علي الوجه و ده كان بيطلع صهد من التابلوه لان خامات التابلوه بتمص حرارة اوي .. بس فاعملت الوضع علي الوجه فقط و طبعا الهواء من داخل العربية و حلت مشكلة الصهد دي خالص و التكييف شغال علي واحد العربية بتبقي ثلاجة ما شاء الله بدون مبالغة .. ارجو اني اكون وصلت الموضوع و اني اكون افدت الناس