مشكله جديده رعشة جامده جدا مع التكييف وخنقه فى اداء العربية

**tekoooooo** · 25-07-2011 04:03 PM

السلام عليكم ورحمة الله وبركاته

كنت عامل تقييمى للعربية بعد سفرية مطروح وقولت ان الكييف جيد وده اللى كان حاصل وفجاءه وانا رايح الشغل
اول يوم بعد اجازة المصيف وطبعا مش طايق الحر لانى كنت بطغتى باليل فى مرسى مطروح قولت اشغل التكيف
واذ فجاءة بعد تشغيل التكييف بحوالى ربع ساعة لاقيت الكمبوريسور لما بيشتغل العربية كلها بتترعش كأنك مركب فيها
فايبريشن بتاع موبيل والسحب بيتخنق كأنك بدلت العربية بعربية ثانية خالص مش عارف ده ايه بقى هوا انا فقرى ولا ايه
ولا قليل البخت يلقى العظم فى الكرشه
على العموم الحمد لله الذى لايحمد على مكروه سواه

**cementman** · 25-07-2011 04:10 PM

انت مونت بنزين قريب؟
لأن المشكلة ممكن يكون سببها البنزين

**tekoooooo** · 25-07-2011 04:20 PM

المشاركة الأصلية كتبت بواسطة cementman

انت مونت بنزين قريب؟
لأن المشكلة ممكن يكون سببها البنزين

مونت امبارح من بنزينة وطنية بمون منها على طول
وبعدين لما تطفى التكييف العربية برجع زى الفل مافيش فيها اى حاجة

**Moonlover87** · 25-07-2011 07:29 PM

أنا حصل معايا حاجة شبه كده كان التكييف كويس جدا و فأجة لقيت العربية متلخفنة خالص و السحب زى الزفت روحت التوكيل قالولى دا شحن فريون زياده و ظبطوه

**ayman1204** · 25-07-2011 09:06 PM

لا فعلا التكيف بياثر على سرعه العربية وسحبها وساعات بتحصل الرعشة دى عندى بس دا لما ابقى طالع بالعربية بس يعنى وانا مدى الاول

**nooraanoor** · 26-07-2011 06:09 AM

أنا كمان رعشة عصاية الغيارات بتزيد عندى مع المكيف وطبيعى إن السحب بيتأثر بتشغيل المكيف بس الوضع عندك محتاج التوكيل واحتمال الفريون الزياده احتمال وارد جدا زى ما قال الزميل Moonlover87

**a7madahly** · 26-07-2011 07:04 AM

على فكره الموضوع دا بيحصل عندى لو وقفت بالعربيه شويىه والتكييف شغال او الطريق واقف لفتره طويله وماشى على الاول والتانى كتير.اعتقد انها مشكله عامه

**ahmadalsattar** · 26-07-2011 09:03 AM

المشاركة الأصلية كتبت بواسطة a7madahly

على فكره الموضوع دا بيحصل عندى لو وقفت بالعربيه شويىه والتكييف شغال او الطريق واقف لفتره طويله وماشى على الاول والتانى كتير.اعتقد انها مشكله عامه

نفس الكلام عندى برضه

**akerima** · 26-07-2011 11:01 AM

يا جماعة دي مش مشكلة ولا حاجة دا طبيعي جدا وبيحصل في اي عربية بس الاختلاف بيبقي في احساسك بيها من عربية للتانية يعني اما الكومبريسور بيبقس عفي ماشاء الله زي عندنا نحس بيها اوي ولما يبقي علي اده بتحصل برضة بس متحسش بيها اوي والكلام دا تحس بية بس لو انت ماشي علي سرعة قليلة او واقف بالعربية لكن وانت ماشي علي سرعة مستحيل تحسها - عموما الموضوع دا حيقل احساسك بية جدا بعد ال 10000 الولانية وبعد ال 20000 مش حتحس بية اساسا ولا حياثر معاك في العربية ولا سحبها ويا ريت تقرا الموضوع دا

http://www.nilemotors.net/Nile/214263-17000.html

**zaza2020** · 26-07-2011 11:12 AM

نفس الملاحظات دى بتحصل معايا برضه وخصوصاً زى ما أحمد قال وانا واقف أو ماشى على الأول . أنا عامل 3200 لغاية دلوقتى وكنت ناوى اقولهم على الملحوظه دى فى التوكيل فى صيانة 5000