الموضوع: احنا والسعودية - حسنة وانا سيدك

انا مقاتش اننا بنشحت يا استاذ mhefny
انا قلت ان السعودية هي الدولة الوحيدة اللي صدقت في مساعدتها لينا
الباقي كله كلام في الهوا
ده اولا
ثااااانيا : انا السعودية ملهاش فضل عليا زي ما حضرتك بتخمن
انا لا عمري رحتها ولا حد من اهلي راحها
ثاااااااالثا : الراجل - وزير الخارجية - (اللي حضرتك اغتبته ووصفته بالمنحط رغم انك لا تعرفه ولا عمرك شفته .. بس لمجرد انه قال كلمة معجبتكش) الراجل ما اجرمش لما قال كده
واذا كان عليه انه يوزن كلامه زي ما ناس بتقول
فانا مش شايف في كلامه اخلال بدور مصر ولا تاريخها اللي محدش يقدر ينكره ولا حتي السعودية نفسها مهما ساعدتنا او وقفت جنبنا
السعودية يا سيدي الفاضل عارفها دورها وحجمها كويس
مش مستنية حد يقولها
لمن لا يعلم : السعودية بتساعدنا بتوصية قدييييييييمة من الملك فيصل رحمه الله بالوقوف خلف مصر وبجانبها لان بها تحيا الامة العربية والاسلامية وتنهض
ده كلام احد اكبر واشرف ملوك السعودية

يعني الناس مش بيمنوا علينا

علي فكرة انا محبتش اي سعودي اتعاملت معاه في حياتي

وكل اللي سافروا وعاشوا هناك فترة رجعوا يحكوا عن الامراض الاجتماعية وحالة البعد عن الدين والتغريب اللي تعيشها السعودية دلوقتي

انا مش بمدح فيهم
ولا باحتقر او بهمش من دور بلدي
انا بقول خلينا واقعيين

لما نبقي كبار
نبقي نغفر ونسامح ونعاتب ونمنع ونمنح زي ما احنا عاوزين

لكن احنا من سبعينات القرن الماضي واحنا من سئ الي اسوأ

يبقي برضه نعند ونقعد نقول مصر الشقيقة الكبري

يا اخي ده انت لو ليك اخ
هجرك واختفي دوره من حياتك لمدة 40 سنة
هيفضل برضه ليه نفس الدور والمساحة عندك

اكيد هيفضل اخوك مفيش شك

لكنه مش هيفضل الكبير
مستحيل