الموضوع: احنا والسعودية - حسنة وانا سيدك

قامت الدنيا ولم تقعد ووصفوا وزير الخارجية محمد العرابي بابشع الالفاظ
وفضلوا وراه لحد ما استقال او اقيل مش فارقة
وده ليييييييييييييييه
عشان قال علي السعودية انها "الشقيقة الكبري لمصر"
بصراحة ...
(لفظ استنكاري يعاقب عليه قانون المنتدي)

يعني بنتعامل مع السعوديين بنظام حسنة وانا سيدك

الدولة الوحيدة اللي اديتنا 500 مليون دولار منحة لا ترد
غير 3.5 مليار دولار تقريبا ما بين استثمارات وقروض طويلة الاجل ، في الطريق

وفي كلام بيتردد بقوة ان السعودية هي اللي دفعت مرتباتنا الشهر اللي فات بعد ما عجزت الحكومة عن توفيرها
وانها تدخلت في اللحظة الاخيرة

محدش قال نطاوعهم ونوقف محاكمة مبارك ولا نهربه ولا اي كلام من ده
لكن مش معقول كده يا جماعة

يا اخي ده حتي لو قالها وزير الخارجية مجاملة ليهم علي موقفهم معانا ... برضه حقهم

وبعدين يا جماعة حد يفهمني الله يكرمكوا : مصر الشقيقة الكبري لمين وبامارة ايه ؟؟؟؟؟؟؟؟؟؟؟؟
هنفضل لامتي عايشين في الوهم ده

يمكن الكلام ده زمان

كان مصر ليها دور علي الساحة العربية والافريقية والدولية محدش يقدر يتجاهله

ساعندنا اغلب الدول الافريقية علي التحرر
وكنا نضع دساتير وقوانين الدول العربية والافريقية الوليدة
كان المدرسين المصريين بيعلموا اولادهم في المدارس
والاساتذة في الجامعات
كان العامل المصري محل تقدير
مفتوح ليه سوق العمل في اي مكان
....

تعالي انهارده
العمالة المصرية اسوأ عمالة في الخليج
ولا ينجح من المصريين في الخارج الا العلماء والمتميزين واللي غالبا بيكونوا تلقوا تعليم او تدريب في الخارج

الشقيقة الكبري لمين يا جماعة
واحنا بقينا صغيرين لدرجة اننا نختلف مع دويلة عربية لا تتعدي مساحتها وعدد سكانها مساحة وسكان حي زي شبرا ولا السيدة في مصر
بل وتتفوق علينا كمان ويبقي ليه دور علي الساحة الدولية كانت تستأثر بيه مصر ... ايام ما كان فيه مصر زمان
تعرض مبادرات
ومشاورات
وتحل ازمات
وتدعي البطولة وهي اكثر الدول العربية خيانة وتطبيع مع الكيان الصهيوني

تسمع اللي يقولك
"كنا بنبعت لهم كسوة الكعبة"
ابوس ايدك يا شيخ .. ارحمنا

وروح خد كسوتك ان كانت لسه عندهم وخلينا نقعد في همنا

كسوة ايه وبتاع ايه

يا جماعة عيب
عيييييييييييييييييييييييي ييييييييب

الدول دي انهارده اللي مش عاجبانه وبنقول ان احنا اللي " عملناهم بني ادمين " علي حد تعبير احد المحترمين اللي علقوا علي الموضوع
الدول دي انهارده تنزلها تلاقي حاجة تفرح
تقدم
حضاره
نظااااااااااااااااام
نظافة
هدوء
امن
اكيد عندهم سلبيات
وامراض اجتماعية رهيبة
لكن في النهاية ارادوا .. فاصبحوا

حتي لو اللي عملهم البترول
المهم هما ايه دلوقتي

وبعدين سيبنا منهم
هم وحشين يا سيدي واحنا اللي عملناهم زي ما بتقول
احنا فين دلوقتي
فين ؟؟؟؟؟؟؟؟؟؟؟؟؟

يبقي نخرس ومش كل شوية نعض في حد وعايزين نشيل ده ونحبس ده ونشتم ده

ويقولك الشقيقة الكبري
قال الشقيقة الكبري قال

جتنا الهمممممممممممممممممم

"يبقي نخرس ومش كل شوية نعض في حد وعايزين نشيل ده ونحبس ده ونشتم ده "

- أظن أسلوب حضرتك لا يليق بالذات في الجملة المذكورة وفي العنوان فمصر لا تشحذ من السعودية ولا هم يعطونا حسنه
- تبادل المنح والقروض بين الدول إنما هو محض مصالح ولم نري أمريكا تدعي أنها الشقيقة ألكبري لأوروبا بعد مشروع مارشال لأعمار أوروبا بعد الحرب العالمية بل كان ذلك لمصلحة أمريكا أولا قبل أوروبا
- لو أنت شايف للسعودية فضل عليك أنت حر في رأيك إنما هي لم و لن تكون ذات شقيقة كبري لمصر.
- حني غلاة السعوديين لا يقولون بذلك إنما هو وزير الخارجية المنحط الذي يستمد افكاره من نظام مبارك الذي امرض مصر لفترة لتسترد عافيتها مره أخري بإذن الله