ايه احسن لون في اللوجان

**akramtiti** · 27-07-2011 02:44 AM

بسم الله الرحمن الرحيم

ازيكم ياحسن منتدي بجد ناس محترمه احب تشاركوني باراكم المحترمه
ايه احسن لون في اللوجان ويكون عملي ؟ وياريت لو حد يعرف ينزل لنا صور فيها الالوان يكون مشكور لاني حاولت انزلها من الموقع الرسمي وبتكون مش واضحه

وجزاكم الله كل خير

**MOUSTAFA_SAAD** · 27-07-2011 02:59 AM

احسن لون اللون اللى انت بتحبه
انا جبت البترولى
بس خلى بالك اللون على الطبيعه بيختلف عن الصور
وكان فيه لون اسمه شامبين زى الدهبى كده ومدى سنه على اخضر لون جميل جدا بس قليل اوى

**Super_Star_h** · 27-07-2011 04:52 AM

ده لون عربيتى
جميل جدآ ورئي اشيك لون فى اللوجان

**georgedada82** · 27-07-2011 04:58 AM

نبيتييييييييييييييييييييي ييييييييييييييييييييييييي ييييييييييييييييييييييييي ييييييييييييييييييي

**albasem** · 27-07-2011 07:47 AM

ما تشغلش نفسك بأرائنا ، إنت إللى هتكون صاحب العربيه يعنى لازم تختار اللون إللى بيريح عنيك لأنها هتكون أدامك ليل نهار حتى وأنت بتسوقها ، و الحكمه بتقول " لو إتفقت الأذواق ... لكسدت الأسواق " ، مش ممكن هنتفق كلنا على لون واحد مستحيل .

**dieseltrucker** · 27-07-2011 09:52 AM

المسألة اذواق فعلا انا مثلا كان عاجبني جدا البترولي ولما ملقيتوش متوفر جبت اللون المفضل ليا بعده وهوا الفضي

**ahmedhasibat** · 27-07-2011 10:31 AM

الاسود شيك جدا
ودى أزواق

**Xlance2010** · 27-07-2011 10:40 AM

مش مهم احسن لون ايه او اشيك لون ايه ، المهم انت بتحب لون أيه ، انا عن نفسى كنت حابب اللون النبيتى ولكن لما جيت استلم لقيت البترولى ولكنى حبيته جدا جدا بصراحة فتوكل على الله واختار اللون اللى عينك تحبه ومايمنعش الامر انك تخلى حد يشاركك فى اختيار اللون وياسيدى مبروك مقدما ولك ارق تحياتى ... وأسمى اسفل المشاركة بالتوقيع

**akerima** · 27-07-2011 01:20 PM

مبروك مقدما - انا مش حقولك احلي لون بس ممكن افيدك في اية هو اللون العملي وعليك انك تختار

الاسود - الرمادي الغامق : لون ممتاز (لون عربيتي) لكن يعيب علية انة بيسخن العربية من جوه لو وقفتها في الشمس وبيبان فية الخرابيش اوي

النبيتي : مع النواكل لو حتجيب باذن الله ال f/o تحفة بس نفس عيب الاسود والخرابيش بتبان برضة بس مش قوي زي الاسود

البترولي - الشامبين : شيك جدا ومش منتشرين يعيبهم عايزين اعتني ونظافة باستمرار

الفضي والابيض : زي ما اتفقنا الموضوع ازواق انا بصراحة ما بحبهمش علي اي عربية بس مميزاتهم كتير لان اللونين بيعكسو حرارة الشمس وفي نفس الوقت الخرابيش ما بيبانوش فيهم اوي بس انا بحس انهم مصغرين العربية وفي نفس الوقت النواكل بتبقي ملهاش لازمة لانهم مش باينين علي العربية

دا رايي المتواضع بايجاز انت عليك الاختيار يا كبير
ومبروك علينا لوجاناوي جديد