انا بعرق جامد من وشى عند التواجد فى مكان مقفول او بذل مجهود عالى و ده فى الصيف بيسبب لى احساس بالزهق و الامتعاض بجانب انى كل شوية بعاوز اغسل و شى
فهل ده شىء طبيعى و لا مشكلة تحتاج لعلاج ؟؟ و هل فيه حاجة ممكن تقلل نسبة العرق دى
عرض للطباعة
انا بعرق جامد من وشى عند التواجد فى مكان مقفول او بذل مجهود عالى و ده فى الصيف بيسبب لى احساس بالزهق و الامتعاض بجانب انى كل شوية بعاوز اغسل و شى
فهل ده شىء طبيعى و لا مشكلة تحتاج لعلاج ؟؟ و هل فيه حاجة ممكن تقلل نسبة العرق دى
:angry26:
انا برضو نفس الحكاية
بس فى ناس قالولى انها املاح بس مش عارف اذا كان صح ولا لأ
متابع
شيل مناديل معطره معك صغيره وممكن تستخدمها دى ممتازه هتحسسك بالأنتعاش بدون ما تروح تغسل وشك
بالنسبه بقى انها مش طبيعيه مش هفتى بس اعتقد كل الناس كده
راجع الكلوسترول و الدهون فى الجسم
لان ده نفس الوضع عندى وطلع ده السبب
شكرا لردودكم
عندى الاملاح زايدة من فترة لكن العرق ده من فترة كبيرة جدا و بداء يزيد فى اخر كام سنة جم حر
مش مهم مكلف المهم استريح منه خصوصا انه بينرفزنى و انا شغال و بيعقنى عن التركيز , هعمل بحث و اشوف الدنيا فيها ايه
يا باشا فعلا كل الناس بتعرق من وجهها لكن انا بنزل ميه غزيرة خصوصا لو شغال فى مكان مقفول او فى عز الشمس
الحمد لله الكلوسترول مظبوط لكن هل تقصد بالدهون السمنة ؟؟
لا نسبه الدهون فى الدم
ياجماعه ده حاجه عاديه جدا جدا
انا اول واحد واتحدى لو حد بيعرق قدي
انا بالتحديد من كتر العرق بفقد ميه فقط خاليه من الاملاح
ومفكرتش اصلا في سبب غير انه بعيد الشر ممكن يكون سكر والحمد لله معنديش
يبقى ليه الخوف
لو مش عايز تعرق
قلل كمية الميه اللي بتشربها وابعد عن الملابس الصوفيه لاها بتعرق جامد
تحياتي
بالمناسبه
لا يوجد ادنى علاقه بين الدهون في الدم والكوليسترول والعرق!!!
عالاقل على حد علمي
تحياتي
مش حكاية مش عاوز اعرق لكن فى بعض الاوقات بيبقى مستفذ خصوصا اننا بنقى جروب شغال مع بعضه و انا الوحيد اللى بجيب ميه من وشى
ياباشا عايز اقولك اني ببقى في اوضة العمليات وبنادي العامل مخصوص يقف جنبي عشان العرق مينقش مني ويمسحلي كل شويه لان ساعتها مينفعش امسح لنفسي
وياسلام لو بخيط عيان
المكان اللي بيتخيط فيه العيانين في استقبال القصر العيني مش مكيف وفيه مروحه معفنة من سنة 70 ببقى بشر من كل حته ولما بخلص زي متقول ببقا واخد شاور
ههههههههههههههههههههههههه
مقدر شعورك كويس لاني بمر بنفس الموضوع
اول حاجه تعملها تحلل السكر وتابع الضغط لو تمام هقولك ان في 1% من الناس عندهم الموضوع ده وطبيعي
وهسألك
هل كنت كده طول عمرك ولا ده حاجه جديده عليك لان تفرق جدا
لو ده طبعك طول عمرك غالبا مفيش سبب وهتبقى من ال1% من الناس اللي بيعرقو جامد
لو غير كده نبدا نتكلم في الاسباب
وفي الاول والآخر لو في سبب هيبقى الحل اننا نعالج السبب
اما لو مفيش يبقى هقولك ان الادويه ملهاش دور في الموضوع بسبب كثرة الاعراض الجانبيه بتاعتها في الحكايه دي ويتبقى حل حقن البوتاكس (الغير منطقي والمكلف جدا) وبعض انواع العمليات اللي بيتشال فيها الغدد العرقيه او ايقاف الاعصاب الواصله للغدد دي ومن الاخر العمليات دي بالبلدي فكسانه ونتايجها بتتعكس كحد اقصى خلال 5 سنوات!!!!!!
وعلى فكره
الموضوع ده بيختفي تماما في الاوقات اللي مفيهاش رطوبه...
تحياتي
نفس المشكله من الجسم كله
و انا كمان بخد كل يوم شاااااور من وشى :_Alshmokh11:
لا انا طول عمرى كده و الحمد لله السكر كويس بس عندى الضغط و بظبطه بالدواء
بس هل الوزن الزائد ليه علاقة بالحوار ده ؟؟؟ ولا مفيش
اما بالنسبة للرطوبة فانا بعرق فى حالة الرطوبة و او الجو الساخن
شكرا ليك دكتور حازم و كل سنة و انت طيب
طيب الحمد لله
بص ياسيدي الفاضل
انا سألتك على الضغط لسبب تاني خالص
الغدد العرقيه بتتغذى بالاعصاب نفسها اللي بتتحكم في الضغط وبعض الناس تقدر تقول انفعاليين او حماسيين وبيشتغلو بضمير وحماسه دايما فده بيخلي الاعصاب دي في حالة استثاره ونشاط دائم وده السبب في ا الاشخاص دول بيبقى ضغطهم عالي بعض الشئ واحتمالية التعرق عندهم قد تكون تكون عاليه كنتيجه اضافيه لاثارة الاعصاب دي....
من ناحية اخرى السمنه اكيد ليها دور بسبب انها بتضع حمل على الجسم ككل وده بيخلي الواحد يتعرق اكتر
اقرب مثال
لو رحت الجم وانت بتلعب على الجرايه وجنبك واحد رفيع بيلعب
شوف انت بتفقد كام كالوري وهوا بيفقد كام
هتلاقيك بتفقد اضعافه ومع ذلك انت مش بتخس وهوا رفيع
الفكره كلها نسبه وتناسب....
المهم من كتر الكلام ده ان الموضوع تقدر تقول ملوش حل
الحاجات اللي بتنفع معايا قد تنفع مع حضرتك:
حاول تحط صن بلوك (مانع شمس) على الوجه واليدين من الاصابع وحتى فوق الكوع (لحد حدود النص كوم)
بعض الجوارب للاسف تتسبب في المزيد من التعرق
الملابس القطنيه تساعد على المزيد من الامتصاص
ابعد عن الملابس الغامقه وبجد بتفرق معايا جدا
ابعد عن البوليستر الصافي بيحر بشكل مش طبيعي
الاقمشه الصناعيه ممتازه جدا
الملابس الواسعه افضل من اللي ماسكه عالجسم
وزن الملابس نفسها كل ما كانت اخف كانت افضل
دي الحاجات اللي اعرفها دلوقتي ولو في حاجه جدت هبلغك اول بأول وربنا يخفف عنا من حره...
تحياتي ياعزيزي وكل سنه وانت طيب
الطخين بيفقد كالوري اكتر نظريا لانه بيبذل مجهود مضاعف لتحريك كتلته بينما الرفيع بيبذل مجهود اقل فتلاقي الحرق عنده قليل
الوزن لما يثبت بعد فترة من الريجيم يبقى الريجيم ده محتاج اما انه يتوقف لفتره لا تقل عن اسبوعين او ان الريجيت يستمر بطريقه جديده
كل اللي بيحصل ان الدماغ بيتأقلم على النظام الجديد وبيبدأ يستفاد منه كويس بمعدل مساوي للحرق
احسن دايت هو اللي بيحتوي على عنصرين
التمرين الرياضي وعلى الحمية الغذائيه
يارب اكون افدتك
تحياتي
الحميه يعني الدايت ياباشا او الريجيم
ههههههههههههههههههههه
يعني كنت اقصد ان الريجيم لوحده جميل ولكن النتايج مختلفه تماما مع التمارين الرياضيه الغير مرهقه
يكفي من الرياضه المشي...
وممكن كمان تجربة دوا lipo6 نتايجه فظيعه بالذات لو هيتوافق الدايت مع الرياضه.....
على فكره معتقدش انك اطخن مني لكن تقول ايه باب النجار مخلع
ههههههههههههههههههههههههه
تحياتي ياهندسه
ههههههههه لا انا اتخن بكتيييييييييييييير :M_yes[1]:
يا دكتارة lipo6 طلع ليه اثار جانبية كاتبها واحد صيدلى هنا
ملف كامل عن ......( Lipo - 6 )...... حارق الدهون الأول - موقع الدي في دي العربي - DVD4ARAB.MAKTOOB.COM
انا عاوز اخس بس مش عاوز اموت ههههههههههههههههه
و الرياضة دلوقتى مشكلة كبيرة لانى لسه مخبوط جامد فى ركبتى جامد و مش بقدر العب او امشى او احمل عليها ده انا بقالى يومين للاسف بصلى على كرسي :unhappy: فمفيش رياضة متعتمدش على الرجلين خصوصا انى الفترة الجاية بدون شغل فبدون بذل مجهود او نشاط كالايام السابقة
و ايه رايك فى السيدوفاج واحد صيدلى معرفة قعد ينصحنى بيه و يشرحلى طريقة عمله فى الجسم و بيقولى ملوش اثار جانبية و بيستخدم لعلاج كذا حاجة غير السكر بس انا موضوع الادوية ده رافضه تخوفا من الاثار الجانبية خصوصا انى عندى الضغط
تحياتى دكتور حازم
الحاجه دي بالذات لا افتي فيها لان خبرتي فيها ضعيفه
يعني اهم حاجه ان الرقم بتاعه الخاص بالحمايه ميقلش عن 30 SPF
انا جربت النيفيا وكان ممتاز بس للاسف في منه مضروب كتير
جربت حاجه اجنبية بس غاليه شويه اسمها avene وهي ماركه معروفه وغاليه وممتاز جدا
رأيي تسأل حد من اخواتنا لانهم بيفهمو في الحاجات دي اكتر...
تحياتي
طب مش العرق المفروض انه شيء صحي جدا وبيساعد علي التخلص من الاملاح والسموم الموجوده في الجسم
لان حسب ما عرف ان الاشخاص قليلي العرق او اللي ما بيعرقوش خالص
دائما عنهم الاملاح عاليه وبيشتكو من الام الكعبين
لاني من الناس العرقانه بشده في الصيف
يعني وانا باصلي التراويح بنزل كميه عرق غير طبيعيه كاني في ساونا
وابص علي المصلين جنبي الاقيهم الامر عادي
وبالعكس انا شايف انه شيء مفيد
ارجو التوضيح
فعلا Avene الكلام عنه كويس:
تصويت: لآفضل واقي شمس طبي،،الصيف على الأبواب - منتديات عالم حواء
هو موقع خاص بالسيدات بس نعمل إيه بقى، ده تخصصهم فلازم نستشيرهم :)
ومنتديات تانية بتشكر فيه
سؤال آخر: هل الـ sun protection factor واحد في كل الأنواع ولا على حسب المرهم معمول لأنهي نوع بشرة؟
تشكراتي
بص ياعزيزي
الليبو 6 ممتاز جدا لو انت شخص اكتيف وهوا فعلا بيشتغل كحارق للدهون عن طريق انه بيزود وينشط جميع وظائف الجسم
تقدر تقول انه عامل محفز للحرق وبيخلي الجسم ينتج طاقه قد تصل لدرجة انك متنمش ويعمل ارق
وفعلا بيعلي الضغط حاجه بسيطه مش كتير وده لانه زي مقلت بيحفز كل وظائف الجسم
طب الواحد ياخده ولا لأ للاسف اجابة السؤال ده مش سهله لان ده يعتمد على هل السمنه وصلت لمرحله فعلا مش قادر تستحملها وبالتالي اصبح من الضروري اخذ علاج ليها ولا السمنه مش هيا المعضله بالنسبالك ونركز على الضغط (مثلا)
فاهمني
يعني هو ميزان بكفتين
بتحط المصالح والمساوئ وتشوف وبناءا عليها ممكن تقرر تاخده او لا لكن غير كده مفيش مشاكل ان شاء الله
نيجي بقا للسيدوفاج
انا بحب اسميه الدوا ده بانه الساحر
هو دوا اعراضه الجانبية لا تذكر امام مميزاته وانا اعرف من الناس اللي بياخده كوقايه كده وخلاص
وفعلا بيستخدم لحاجات كتير غير السكر ومش هتصدق لو قلتلك ان في بعض السيدات مبتحملش الا لما تاخد سيدوفاج!!!!
الحاجه اللي مبتعجبنيش فيه انه مش بيشتغل على الدهون ده اولا
ثانيا انه مبيشتغلش غير عالسكريات الجديده (اللي بتاكلها اثناء تعاطي العلاج) انما الخزين فبيفضل زي مهوا
وللاسف على ما يبدا الجسم يكسر من المخزون بياخد وقت لا يقل عن عدة شهور
لكن اول عن آخر بقول طيعا هو دوا آمن وممتاز جدا وميختلفش عليه اتنين....
ياعزيزي احنا متناقشناش هل هو صحي ولا لأ
خروج العرق ظاهرة جيده وممتازه في حدود المعقول
انما اللي بنتكلم عنه لما يصبح نظام التحكم بالعرق فيه لخبطه او خلل بعض الشئ يؤدي الى فقدان كميات مهوله من الماء لدرجة متعبه ومستفزة
يعني هقولك مثال بسيط
الانسان وهوا صايم المفروض ميفقدش سوائل كتير وميعرقش جامد لانه لو فقدها هتعطش جامد جدا
وتلاقي دايما ان التعرق في الصيام اقل من عدم الصيام
انما عند ال 1% من الناس اللي اتكلمنا عنهم في اول الموضوع للاسف حتى واحنا صايمين بنفقد كميات مية لدرجة اننا ممكن ندخل في هبوط في ضغط الدم بسبب نقص الماء والنهارده فعلا حصلي حاجه شبه كده من كتر ما تصببت عرق النهارده....
تحياتي
الSPF واحد في كل الانواع غالبا بغض النظر عن نوع البشره
هيا بتعتمد على حضرتك هتتعرض للشمس في انهي وقت من اليوم بالظبط
ال20 واقل بيستخدم لو هتتعرض لاول شعاع من الشمس نقدر نقول لحد الساعه 8 الصبح
30-50 من 8 الصبح ولحد 3 العصر لان في الوقت ده الشمس بتكون فيه حارقة جدا ومعامل الاشعة فوق البنفسجية عالي جدا (ultraviolet index)
بعد كده من 3-6 يكفي ال 20 فما اقل
وبالتالي لو عايز حاجه تستخدمها لليوم كله انصحك بحاجه تكون 50
تحياتي
لا هى موصلتش للمرحلة انى مش قادر استحمله بس زهقت من الريجيم علشان بعد فترة وزنى بيثبت + انى بحب الحلويات جدا ممكن مكلش غير حلويات
+ انى الايام دى مش فاضى للريجيم نتيجة اولويات تانية و فى نفس الوقت مش عاوز ازيد
و هل حضرتك جربته و هل جاب نتيجة كويسة ؟؟؟
و باذن الله هرجع لدكتور الضغط الاول قبل ما اخده
انا قريت عنه حاجات كتيير على النت و مكنتش مصدق انه بيعالج حاجة غير السكراقتباس:
نيجي بقا للسيدوفاج
انا بحب اسميه الدوا ده بانه الساحر
هو دوا اعراضه الجانبية لا تذكر امام مميزاته وانا اعرف من الناس اللي بياخده كوقايه كده وخلاص
وفعلا بيستخدم لحاجات كتير غير السكر ومش هتصدق لو قلتلك ان في بعض السيدات مبتحملش الا لما تاخد سيدوفاج!!!!
الحاجه اللي مبتعجبنيش فيه انه مش بيشتغل على الدهون ده اولا
ثانيا انه مبيشتغلش غير عالسكريات الجديده (اللي بتاكلها اثناء تعاطي العلاج) انما الخزين فبيفضل زي مهوا
وللاسف على ما يبدا الجسم يكسر من المخزون بياخد وقت لا يقل عن عدة شهور
لكن اول عن آخر بقول طيعا هو دوا آمن وممتاز جدا وميختلفش عليه اتنين....
بس اثره الوحيد انه بيرسب حاجة على الكبد بعد استخدام سنتين متواصل
تحياتى دكتور
انا مجربتش الليبو 6 ياهندسة لكن ابن خالتي جربه وجاب معاه نتيجه فظيعه ما شاء الله بس كان بيروح معاه الجم برضو
انا برضو عايز ابدا فيه لكن مش فاضيله خالص ولا فايق اني اعمل دايت اصلا
ومشكلتي حاجه تانيه خالص
انا مش بحب السكريات لكن عندنا جينات العيله فيها الطخن صفه سائده فمفيش دايت محترم وبيجيب نتايج معايا الا نادرا وبنزل بصعوبه شديده رغم المجهودات العنيفه اللي الواحد بيعملها يوميا
الحمد لله
بالنسبة للسيدوفاج انا معرفش لو كان بيأثر عالكبد في حاجه لكن الاكيد انه من افضل الادوية لمرضى السكر وللي عايزين يعملو دايت ولحاجات كتير
هقرأ عن الموضوع ده واتثبت منه ان شاء الله ولي عودة...
تحياتي
شكرا دكتور
ده مقال منتشر عن الليبو 6 مش عارف مصدر مصدقيته
ظ‡ظ„ طھظ†طµط. ط¨ط§ط³طھط®ط¯ط§ظ… ط¯ظˆط§ط، ط.ط±ظ‚ ط§ظ„ط¯ظ‡ظˆظ† ظ„ظٹط¨ظˆ 6 " Lipo 6 " طں - طھظ…طھ ط§ظ„ط¥ط¬ط§ط¨ط© ط¹ظ†ظ‡ - Google ط¥ط¬ط§ط¨ط§طھ
اما السيدو ففيه كلام و مقالات كتييرة
تحياتى