الموضوع: اقتراحات اضافية لتمويل حقيقى للعلاوة الأجتماعية

المشاركة الأصلية كتبت بواسطة Hossam_Hassan

طبعا احنا شفنا الحكومة اتصرفت ازاى علشان توفر موارد حقيقية لتمويل العلاوة الأجتماعية، ايه رأيكم احنا كمان نقول اقتراحاتنا، و بما ان الحكومة اتبعت مبدأ الامعقوليزم فى قراراتها، يبقى احنا كمان نعمل كده و مفيش حد احسن من حد، عن نفسى باقترح الأتى:

- فرض ضريبة فرحة، يعنى كل واحد يفرح، يدفع، و تقسم فئات، يعنى فرحتك بنجاح ابنك فى الأبتدائية تبقى اقل من ضريبة فرحتك بيه لما يلعب فى نادى اسمنت حلايب

- فرض ضريبة هواء، و تحتسب على حسب مقاس محيط صدر كل مواطن، يعنى على قد ما تستهلك، تدفع

- فرض ضريبة مبيعات على الدم اللى بتتبرع بيه، تقولى طب انا باتبرع مش ببيع، اقولك يمكن اللى خده منك يبيعه ;)

- تغيير نظام عدادات الكهرباء و يبقى لكل أوضة فى الشقة عداد، و يبقى سعر كهربة غرفة النوم أغلى من كهربة غرفة المعيشة علشان المفروض الناس تنام فى الضلمة و اللى بينام فى النور يبقى مرفه ابن مرفه، و أغلى سعر كهرباء هيكون للمطبخ، علشان اللى بيطبخ هيبقى من فئة الأثرياء، و كهربة الحمام تبقى بنفس سعر المطبخ مع اضافة بند منفصل لكهربة لمبة الحوض علشان دعم حلاقة الذقن، تشجيعا للمواطنين على حلاقتها علشان الجزيرة متشنعش على مصر و تقول بقت كلها اخوان

يا ترى حد عنده اقتراحات تانية؟

ههههههههه
اول موضوع يضحك فى المنتدى النهاردة فى جو الكأبة اللى احنا فيه
و شر البلية مايضحك

المشاركة الأصلية كتبت بواسطة Nile_Storm

ده بيفكوا يحددو وزن لكل مواطن ( قايم ) ميزدش عن 80 كيلو غير كده عن كل 10 كيلو غرامه :)

:D:D:D:D:D:D
دي قوية جدا...
أنا مش قادر أمسك نفسي من الضحك
:D:D:D:D:D:D

المشاركة الأصلية كتبت بواسطة Hock

ههههههههه
اول موضوع يضحك فى المنتدى النهاردة فى جو الكأبة اللى احنا فيه
و شر البلية مايضحك

امسك واحد ضحك، لازم تدفع ضريبة فرحة :D

ممكن كام اقتراح كده على قدى

- ربط مكتب واحد لكل وزير .. وممنوع يتجدد قل 5 سنبن على الاقل

- كفاية عربية واحدة لكل مسئول والحاشية ممكن تركب عربيات ولاد البوابين .. الللى هما احنا

- منع اعلانات التاييد واعياد الميلاد .. والجواز وخلافه ... اه وحفلات الهبل

- زيادة اقراص ضط الدم ... ده هيخللى الدنيل لطيفة وهادية