قبل أن تتورط قي تقسيط سيارة ، احذر الوقوع في فخ الربا

**MMamdouh** · 07-05-2008 04:19 PM

المشاركة الأصلية كتبت بواسطة Freekiko

انت لو عملت كارت ائتمان بياخد مصاريف سنوية وهى بتغطى كل الكلام اللى انت بتقول عليه ده
لكن الفائدة دى مش اجبارية يعنى لو اشتريت حاجة ودفعت فلوسها مش هايخد فايده

صح ولا لأ

يعنى تفتكر البنوك غبيه عشان مايغطوش نفقات الكهرباء والاتصالات بالفائدة بس ... مهو افرض كل الناس اللى بتشترى بالفيزا بتدفع اللى عليها قبل ما يتحسب فائده ؟؟؟؟؟؟

اى تعامل مع البنك بيبقى فيه مصاريف زى لما تحول فلوس مثلا

ياريت لا نخلط بين ما ياخذه البنك نظير الخدمه لكارت الائتمان وهو ما يسمى مصاريف ادارية وخلافه والبنك بياخد حقه فيها
وبين الفائدة الصريحة على النقود

لا طبعا البنوك مش غبية بس مينفعش احملك مصاريف ماكينة ATM الا لما تستعملها... ايه زنب اللى مبيسحبش كاش انه يتحمل مصارف زيادة على مصاريف الاصدار اذا كان مش حيستعمل ATM؟؟ فا فيه كروت ATM و كروت Debit للكلام دة... كارت الائتمان مش معمول اصلا للسحب النقدى... دا غير ان فى كارت الائتمان انت بتاخد من فلوس البنك مش فلوسك الشخصية و بالتالى البنك بيسلفك

دى كدة زى ما بتدفع كارتة على الطريق الصحراوى... صحيح الحكومة بتاخد ضرايب عشان صيانة الطرق لكن ايه ذنب المواطن يتحمل ضرايب الطريق الصحراوى الا اذا كان بيستعملة؟... وصلت الفكرة؟

**أبو عبدالله** · 07-05-2008 05:38 PM

أرجو من كل من يريد تحري الحلال والحرام
خصوصا ان حرمانية الربا شئ ليس هين حيث قال صلى الله عليه وسلم
درهم ربا اشد عند الله من ثلاثين زانيه
ويعتبر كبيرة من الكبائر
والمشكلة كمان ليس سيئته وحسابه
وانما انك تاكل حرام فبتبقى كل حاجه تابعه لذلك حرام لأن الحرام يأكل الحلال

ان تقرأوا كتاب فقه البيوع للشيخ الدكتور على احمد السالوس
ولمن يريد معرفة من هو الدكتور اضغط هنا

**M_HaFeZ** · 07-05-2008 06:56 PM

المشاركة الأصلية كتبت بواسطة أبو عبدالله

جزاك الله كل خير

ولكن احذر اخي في الله
ان تفتي في شركة من الشركات
يعني كونتاكت لا تفتي الا لما تشوف عقدهم وتطرحه لأحد المشايخ الثقه وتشوف هيقولك ايه في معاملتهم
لأن لما كنت بشتري وسألتهم كانو بيبيعوا بحرمانيه اما الان فلا اعرف مع اني عارف انهم تبع سيتي بنك تقريبا

يابوعبدالله
كونتاكت فى الاساس شركه مستقله من شركات البنك التجارى الدولى وباعها من حوالى 6 شهور بتقريبا 80 مليون جنيه
واللى اسمع عنه انها منفصله تماما عن البنك
يعنى انت بتدفع عندهم بس وياريت لو كريم يدخل يقولنا لانه مقسط من عندهم

**Ahmed Samy** · 07-05-2008 08:49 PM

المشاركة الأصلية كتبت بواسطة M_HaFeZ

يابوعبدالله
كونتاكت فى الاساس شركه مستقله من شركات البنك التجارى الدولى وباعها من حوالى 6 شهور بتقريبا 80 مليون جنيه
واللى اسمع عنه انها منفصله تماما عن البنك
يعنى انت بتدفع عندهم بس وياريت لو كريم يدخل يقولنا لانه مقسط من عندهم

أنا جربت كونتاكت مرة كده
قاللي بالحرف (شوف العربية بالمواصفات دي فين و احنا نخلصلك فيها)
ازي الحال ؟؟؟؟؟؟
لغيت الموضوع بعدها

**bassam nagy** · 07-05-2008 10:33 PM

شكرا على الموضوع

**OlaOsman** · 07-05-2008 10:40 PM

المشاركة الأصلية كتبت بواسطة Ahmed Samy

أنا جربت كونتاكت مرة كده
قاللي بالحرف (شوف العربية بالمواصفات دي فين و احنا نخلصلك فيها)
ازي الحال ؟؟؟؟؟؟
لغيت الموضوع بعدها

طيب ليه؟

**M_HaFeZ** · 07-05-2008 11:45 PM

يقصد ياعلا انهم مش عندهم العربيه
هو اللى يجيب المعرض وهما اللى يشتروا ويبيعوا له
نفس نظام بنك فيصل

**Moh** · 08-05-2008 08:33 AM

المشاركة الأصلية كتبت بواسطة MMamdouh

على فكرة انا محاسب فا كل المصطلحات اللى قلت عليها دى انا عارفها
و بعدين انا كلمت مشيخة الازهر فى الموضوع اللى كنت بدور عليه... هل معنى كدة ان الازهر مش محل اصدار فتوى؟؟ و لازم اسال اللى بيفتينى اذا كان بيعرف فى امور الديا ولا لا؟؟
MMamdouh

يا استاذ ممدوح لازم تعرف أن الفتاوى الإقتصادية تخصص نادر لأن المفتي لازم يجمع بين العلم الشرعي وعلم المال ( بنوك - بورصة - الأوراق الماليه - الأوراق التجاريه - ألخ ) ومن هنا جاءت فكرة مجمع الفقه الإسلامي ، وده بيوظف متخصصين على أعلى مستوى ( دكاترة تجارة وإقتصاد - مدراء بنوك ) لكي يوضحوا دقائق وحقائق المعاملات المعاصرة ، وبعد ذلك بيصدر الفتوى بعد علم كامل بهذه الامور.

أما مشيخة الأزهر ، فهي جهة حكومية من الآخر ، وفيها الحلو والوحش - متنساش الدكتور المطرود من الأزهر صاحب فتوى رضاع "الزميل" ده كان أستاذ علم الحديث في الأزهر - وأنت ما تعرفش مين اللي حيرد عليك وتخصصه أيه .

وبعدين لو حضرتك مريض بتفضل تروح وتبحث عن دكتور متخصص وليس ممارس عام.

وأفضل واحد يفتي في هذه المواضيع في مصر ، هو الدكتور على السالوس ، وهو رئيس مجمع الفقه الإسلامي العالمي ، أنظر الرباط في المشاركات السابقة.

المشاركة الأصلية كتبت بواسطة MMamdouh

لانك ببساطة شديدة و للمرة العشرين انت دفعت للبنك بالتقسيط... هو ليه دايما الحتة دى اللى بتقع منكم فى الكلام؟
الفكرة انى بقدم طريقة سداد سهلة... ما انا لو معايا الملغ عشان ادفعة مرة واحدة حقسط ليه؟؟؟؟؟ ؟
MMamdouh

سبحان الله ، طيب أنت ليه مش واخد بالك أن المرابي طريقته أيسر وأرحم من البنك ؟
المرابي بدل ما هتدفعله قسط كل شهر ، لا ، خلي الفلوس معاك انتفع بيها - حطهم على جنب - وبعدين لما يحين الموعد أدفعهم مرة واحده ، يعني عاملك فترة سماح سنة كاملة مثلا ، ومش هيعد عليك فوائد تأخير لو إتأخرت يوم عن ميعاد دفع القسط الشهري زي البنوك ، يبقى مين أحسن.

وبعدين العبرة أخيرا بما أعتبره الشرع ، وليس بالإستحسان الشخصي ، ومن يرد الله به خيرا يفقه في الدين .

والسلام

**zalpany2000** · 08-05-2008 12:11 PM

يا جماعة حد شاف رأي دار الافتا
http://www.dar-alifta.org/ViewFatwa.aspx?ID=4398

يا ريت أسمع أرائكم

الموضوع: قبل أن تتورط قي تقسيط سيارة ، احذر الوقوع في فخ الربا

LinkBack

أدوات الموضوع

عرض

-

-

-

المواضيع المتشابهه

استفسارات عن تقسيط سيارة

سيارة تقسيط بنك

مطلوب سيارة كاش أو تقسيط

سيارة تقسيط

الكلمات الدلالية لهذا الموضوع

المفضلات

المفضلات

ضوابط المشاركة