صور اول تغطية ل اتوماك اخبار اليوم 2007-By Karim Monir

**Abdallah** · 08-06-2007 11:04 PM

تسلم ايدك يا جميل وسلامتك من البرد وشكرا ليك ولحفناوى ولسبعاوى :)

**khalidic** · 08-06-2007 11:30 PM

شكرا علي الموضوع الهايل ده و علي التغطية المتميزة

**prince semsem** · 09-06-2007 01:10 PM

تسلم ايدك يا كيمو والله كأننا في المعرض 100%

**Ahmed Hassan** · 09-06-2007 01:22 PM

المشاركة الأصلية كتبت بواسطة karim_monir

السلام عليكم ورحمه الله
دي يا جماعة صور الزيارة اللي اتخطفنا ليها امبارح اثر استضافة كريمة جدا من شخص لا يقل كرما
وهو الاستاذ ماجد زميلنا في المنتدي
اتخطفنا انا ومحمود حفناوي وخالد سبعاوي ومعانا صاحب الدعوة طبعا ماجد
كل واحد فينا كان وراه مشاوير قد كدة وانا كان عندي برد شديد لكن مجرد ما سمعنا كلمة دعاوي VIP اتغير الوضع والمواعيد اتاجلت والمسكنات اشتغلت
ورحنا جري قضينا وقت تحفة في الروقان قبل الزحمة وهسس الشعب المصري اللي بيمشي يلم بروشورات وشنط علشان يعمل انه مهتم وفاهم
ويخرج يرميهم علي باب المعرض مع حسرة قلب اصحاب التوكيلات اللي طابعينها بالشيئ الفلاني

المهم بدون اطالة كانت في مفاجاتني في المعرض
العربي الاسبيرانزا A113 and A213 هاتش باك وسيدان علي التوالي بموتور 1300 87 حشان فول اوبشن تقفيل جميل جدا وشكل رائع وتمن اروع
45 و 48 الف جنية للهاتش باك والسيدان
طبعا كلام يجنن خاصة لما تشوفوا العربيات
تاني المفاجات من الفطيم انه اعاد طرح الهوندا سييتي 1300 فول اوبشن مرة تانية وبتمن هايحرق بيه كل الاسعار
83900 جنية
ايون مش غلطة مطبعية - هوندا سيتي 1300 فول اوبشن 90 حصان ب 84 الف جنية وضمان 100 الف كيلو
يا حسرة علي الكورى اللي في نفس الفئة-ولا الماليزي-لازم يعيدوا حساباتهم تاني
الفيرنا اتقفلت انتاجها وبتنزل هندي في نسخة 1500 مع الاحتفاظ بال 1600
النسخة الجديدة من البريليانس 1600 تمنها مبالغ فيه -107 الف جنية مع وجود منافسة يابنية قوية
في لانسر وصني وتيدا واركب عربية صيني تقفيل مصري يبقي اكيد في هبل في الاسعار
العربية ال BYD عاملة تواجد كويس وجايبة مواتير ميتسوبيشي وعاملة شكل هاتش باك جميل شبة الاوبترا الهاتش باك ومنزلاه ب 73 الف تقريبا
العربيية ال لينا الجديدة من فيات حلوة قوي بس موتور 1400 علي 77 حصان عند 6000 ار بي ام
يعني العربية تموت عشان تجيب 140 بس شكلها شكل البوجاتي بالظبط ونازلة ب 105 الف تقفيل تركي
اما البرافا ال 1400 برضة بس اتنين كامة ب 140 الف جنية
يعني مش هانشوفها ابد
قولولي مين يجيبها في وجود السيفك الجديدة بموتورها وتقفيلها واسم هوندا عليها
مش عارف دول بيفكروا ازاي

بجد بجد لازم الكل يروح وانا هاسيبكم دلوقتي ولما ارجع هابقي اكمل او سبعاوي يدخل يحط انطباعاتة بقي

مراسلكم من اتوماك
كريم منير

كيمو.. غريبه قوي انهم خلوك تدخل جوه صاله العرض بعربيتك!!

**حلواني** · 09-06-2007 02:41 PM

المشاركة الأصلية كتبت بواسطة Ahmed Hassan

كيمو.. غريبه قوي انهم خلوك تدخل جوه صاله العرض بعربيتك!!

حلوة :)

**Nile Heart** · 09-06-2007 03:10 PM

المشاركة الأصلية كتبت بواسطة jimmy

يا اخوانا بعد تجربتى مع الصينى انا مش بحبذ الصينى

ليه صديق صينى هو بنفسه قال الصينى ابتداء من سنة 2010

هيكون مضمون وافضل من اليابانى كمان

ودى وجهة نظرى المحدوده جدا جدا

انت فعلا انسان محترم يا جيمى وياريت بس 1% من الناس تبقى واضحه وصريحه كده

**ibrahim** · 09-06-2007 05:15 PM

كتير اوي 45 الف علي عربية صيني بالحجم ده

**محمدايهاب** · 09-06-2007 05:45 PM

أنا لا أتفق معاك يا ابراهيم انت ما قرأتش المميزات و لا أية ده معناه أني لو فككت العربية و بعتها قطعة قطعة هكسب فيها
غريبة 45 بس!!!!!!!!!!!!!!!!!!!!!!!!

**TAREKSHEIR** · 09-06-2007 06:13 PM

عاوز بس أشوف حجم الـ 213 على الطبيعه علشان نقدر نحكم

**ibrahim** · 09-06-2007 06:50 PM

طب نعكس الكلام المميزات دي كلها ب 45 الف طب نخصم من ال 45 الف دول مكسب الشركة و مكسب الوكيل و الجمرك تبقي العربية متكلفة كام؟!!تبقي الخامات شكلها ايه؟ و بعدين العربية مش options بس ...العربية شاسيه و موتور و عفشة و...و اشكرك لحوارك الراقي :D
م/ابراهيم

الموضوع: صور اول تغطية ل اتوماك اخبار اليوم 2007-By Karim Monir

LinkBack

أدوات الموضوع

عرض

-

-

Re: صور اول تغطية ل اتوماك اخبار اليوم 2007-By Karim Monir -

-

-

المواضيع المتشابهه

مقابلة معرض اتوماك اخبار اليوم

تغطية معرض اتوماك اخبار اليوم..تغطية تحفة

طلب بخصوص معرض اتوماك اخبار اليوم

تغطية معرض اتوماك اخبار اليوم 2008-عدسة كريم منير

معرض اتوماك اخبار اليوم

الكلمات الدلالية لهذا الموضوع

المفضلات

المفضلات

ضوابط المشاركة