الحلول المقترحة لمواجة زيادة اسعار البنزين.

**karmouty918** · 06-05-2008 06:01 PM

يا جماعة لو سمحت كل واحد يقول هو ناوى يعمل اية ..
يعنى مثلا (فى ناس ناوية تغيير لبنزين 80)
(فى ناس هتكمل عادى بالبنزين الى بتستعمله كان شيئا لم يكن )
(فى ناس معاها عربيات قديمة و استهلاكها عالى و ناوية تبعها و تجيب عربيية زات سعة لترية صغيرة)
(فى ناس ناوية تقتصد فى استهلاك العربيية و تقلل استخدمها قدر المستطاع)

ياريت يا جماعة كل واحد يقول هو ناوى يعمل اية (((مع ذكر نوع العربيية))

**dr_3eshoo** · 06-05-2008 06:10 PM

ناوي حاجه من 3
استعمل العربيه عادي جدا
تحويل البنزين ل 80 و يتحرق المتور و العربيه و انا بجاز وسخ
كنت ناوي جيتا الجديده بس كده هتبقى البيجو ال 407 الجديده جاز
يا فرحه العدويين فيا

**tnasr1** · 06-05-2008 06:13 PM

علشان انا من الأغنياء غناء فاحش (مرسيدس 200 موديل 84):(
هبيع العربية وأشتري واحدة 1300 اقتصادية عشان الحكومة متجريش ورايا وتقوللي ياغني..لازم تدفع للشعب.. انت المسؤول مش احنا
احنا مسؤولين بس عن القروض اللي مبتتردش وبيع الشركات اللي ربنا يقدرنا عليها.. البركة فيك انت بقى يامعلم:(:(:(

مهندس / تامر

**karmouty918** · 06-05-2008 06:43 PM

انا معايا اونو 1300 و ياريتها كانت 1000cc بس ناوى اقتصد على اد ماقدر (يعنى مرواح للكلية بالعربية كل يوم مش هاينفع الواحد لازم يقضيها مواصلات شويية دة غير ان مافيييييييييييش فسح بالعربيية) و مش هاغيير ال92...

**AHMED900** · 06-05-2008 06:50 PM

انا معايا كورولا 1600 موديل 2000

كنت بعبي 92 ( كنت نزيه قوي وبحافظ على العربية )
لكن دلوقت مضطر أحط 90 وحسبي الله ونعم الوكيل ، هو صحيح الفرق 10 ساغ لكن أنا حركتي بالعربية كتيره والفرق الصغير ده حيجمع في الآخر

**MoToRiZeR** · 06-05-2008 07:00 PM

معايا سيريون 1300 موديل 2008

انتهي تماما قصة ان انا اوصل صحابي واحد واحد لو خارجين !
الخروجات البعيدة انتهت و ولي زمنها ..و اللي مش بعيدة برده .. المشاوير الاساسية اللي هي الكلية و الشغل و اروح اركن و يا حبذا لو انام عشان اريح اعصابي

اعتقد برده زمن التكييف راح !
التسارع واحدة واحدة .. مفيش قرص .. و سرعات قليلة

الظريف ان انا من اسبوع كنت بفكر افول تانك 95 اشوف الفرق و اريح العربية شوية عشان مغيرش طلمبة بنزين بسرعة .. طبعا ذهب هذا الحلم ادراج الرياح و قعدت اقول يا ريتني كنت فولت اهو كنا عرفنا بنزين 95 ده شكله ايه .. بنزين 95 دلوقت بالنسبة لي لا يقل خرافية عن طائر الرخ.. و حتي لو لازم مستحيل احطه

**karmouty918** · 06-05-2008 07:20 PM

المشاركة الأصلية كتبت بواسطة dehumanizer

معايا سيريون 1300 موديل 2008

الظريف ان انا من اسبوع كنت بفكر افول تانك 95 اشوف الفرق

والله نفس الى كنت عايز اعمله فى يوم من الايام

**MTAK** · 06-05-2008 07:44 PM

أعتقد مع كامل احترامى للاخوة ان كل ما قالوه لن يحدث
كلها ايام و الناس تنسى
انا مش عايز اوصل انى اقول اننا شعب بق بتاع كلام و بس
انما ده يدخل فى موضوع ثقافة تعامل مع الحياة و ثقفة استغناء

يعنى بالاثلة
كم من مرة حاجات غليت اكتر من كده و الناس حلفت بالايمانت انها لن تشترى و لن و لن
احنا شعب اصبحت الثقافة اللى عندنال و متأصلة فينا الااستهلاك

الجرايد لما غليت من 5 قروش حتى وصلت الى 35 قرش
ناس كتيرة قالت مش عايزين نقرأ
و نشرة الاخبار عملوها ليه و كلام من هذا القبيل
انما التوزيع فضل عادى و زادت بعديها و بعديها
ممكن الان اصبح الطلب عليها اقل لتوافر البدائل فى3 الفضائيات و النت اللى ناس كتير و ان منهم بنقرا الجرايد منه
----
الخلاصة
طالما لا يوجد بديل يبقى شوية الموضوع هايكون متعب و ينرفز انما هبعد كده هاتتدبر و تصرف برضه
-----
اسف ان كنت قد اطلت

**karmouty918** · 06-05-2008 08:17 PM

المشاركة الأصلية كتبت بواسطة limo

-
على فكره ده مش اول زياده للبنزين ,البنزين بيزيد كل مره بنضايق شويه فى الاول وبعد بكده بنتعود و بنضبط حسابتنا الى ان تأتى زياده تانيه نرجع نبداء الموضوع من اوله :)

بس يا رب تكون دى الزيادة الاخيرة و مايبقاش الموضوع بداية لرفع الدعم شيئا فشيئا عن البنزين

الموضوع: الحلول المقترحة لمواجة زيادة اسعار البنزين.

LinkBack

أدوات الموضوع

عرض

-

-

-

المواضيع المتشابهه

زيادة اسعار البنزين و علاقتها بمديونية وزارة قطاع البترول

لا زيادة في اسعار البنزين!!!!!!!!!!!!!

هل لو تمت الذيادة المقررة على زيادة اسعار البنزين

ندا لكل مالك سيارة بعد زيادة اسعار البنزين (افعال لا اقوال)

دراسات زيادة اسعار البنزين

الكلمات الدلالية لهذا الموضوع

المفضلات

المفضلات

ضوابط المشاركة