الموضوع: امتي أشغل التكييف؟

المشاركة الأصلية كتبت بواسطة seashark

عايز اقولكم بس ان تشغييل التكييف مش بيفرق تأثيره علي الموتور حسب سرعة مروحة التكييف
يعني التكييف علي 1 زي علي 4 مش هيفرق في سحب العربية في حاجة
في كل الاحول الكومبريسور شغال و اللي انت بتغيره من جوه ده سرعة المروحة بس.

الله اكبر
اخيرا حد واصله المفهوم ده
واحب اضيف ان كل ماتقلل سرعه المروحه كل ما تاخد درجه حراره اقل من التكييف مش زي ما الناس فاهمه
لان بالبلدي - وبدون الدخول في خصائص الهوا اللي يعرفها اي مهندس تكييف - زياده سرعه الهواء علي سربنتيته التبريد يعني ان الهوا قعد فتره اقل علي الكويل فملحقش يبرد ده غير انه ملحقش يكثف بخار الميه اللي فيه اوي
طيب لما انت ناصح اوي منشغله علي اقل سرعه علطول
الاجابه مينفعش لاني هفقد ميزه توزيع الهواء داخل المقصوره واللي بتقوم بيه المروحه علي السرعه العاليه
و لذلك بابتدي باعلي سرعه واقل تبريد لتقليل درجه الحراره تدريجيا و بعد كده اقلل السرعه تدريجيا للحصول علي افضل تبريد
طيب يا فتك هتنزل بيه لسرعه واحد احسن حاجه
لا برده لان فيه مصطلح يسمي درجه الحراره الفعاله و هو مزيج من درجه الحراره والرطوبه وسرعه الهواء
بمعني ان
درجه حراره واطيه ورطوبه عاليه = احساس سئ
درجه حراره عاليه ورطوبه واطيه = احساس سئ
درجه حراره واطيه وسرعه قليله = احساس سئ
لذلك الوسط في 3 عوامل مطلوب للراحه البدنيه
يبقي ابتدي 3 دقايق علي سرعه 4 و بعدين 3 دقايق علي سرعه 3 و بعدين اخليه علي سرعه 2 و اسيبه
طيب يعني ايه سرعه 1 ملهاش لازمه
لا طبعا , استخدامها هيكون بالليل في الايام الغبره اللي الرطوبه فيها عاليه و الغرض من التكييف انزل الرطوبه لان زي ما قلت في الاول اقل سرعه تعني اكبر تكثيف للميه و بالتالي اقل رطوبه