اوبل كورسا موديل 99 تكييف وباور محتاج مشوره بالله عليكوا لو سمحتم

**elmashtoly** · 28-07-2011 04:15 AM

ياجماعه معلش انا اسف والله بس مش لاقى حد تانى
اسال على اللى عايز اساله ده
اولا كل سنه وانتوا طيبين وبخير يارب
معروض عليا اوبل كورسا حالتها ممتازه اوى
فابريكه جوه بالكامل صالون نضيف اوى وتابلوه نضيف اوى
عامله 130 الف تقريبا ماتور 1200 وشاكمان ديفيل
مش عارف صراحه ده ما تورها الاصلى والا متغير
كل العدادات شغال وفيها فرش جلد غالى اوى
العربيه نضيفه من بره بس راشه طبعا
سالته على الحساسات والحاجات دى قاللى كله شغال ولو فى
حاجه مش شغاله هتنور فى التابلوه طبعا انا جديد فى الاوبل
والحساسات والكنترول الكهربا والحاجات دى
بس لما ركبتها حسيت بالدركسيون مش ثابت اوى فيه رجه خفيفه اوى كده
مش عارف دى من ايه بالظبط
اسف على الاطاله كل اللى انا عايزه بكل امانه ايه رايكوا فى العربيه دى
وسعرها 33 الف ايه رايكوا فى السعر
واسعار قطع الغيار ايه ظروفها وهل فى خوف من الكمبيوتر والحساسات
وانها غاليه جدا وايه اللى بيبوظها وكده
وطبعا موضوع الماتور بتاعها والا متغير
والتكييف الراجل بيقولى الكباس متشال فقط
وعايز شحن طبعا هيتكلف كام تقريبا
والف شكر ليكوا كلكوا

**Mo Saleh** · 28-07-2011 05:01 AM

كل سنة و انت طيب يا باشا
أنا كان معايا كورسا موديل 2000
و العرية دى من موديل 94-97 نزلت نزلت بموتور 1200 سى سى
و من موديل 98-2000 نزلت بموتور 1000 سى سى ايكوتيك
و هتلاقى موضوع مفصل عنهم
(مقارنة ما بين كورسا 1200cc و كورسا 1000cc)مقارنة بين الكورسا هاتش باك 1200 cc و 1000 cc
العربية اللى معروضة عليك دى يا باشا مغيرة موتور
الأفضل انك تشوف حاجة مش مغيرة موتور
بالنسبة للسعر الشباب هيفيدوك ان شاء الله
و العربية الأوبل لو حالتها تمام مش هتندم أبدا انك ركبتها
أداء و راحة و ثبات و شياكة
و نصيحتى ليك يا باشا اكشف على أى عرية اوبل عاوز تشتريها ف مقار اللى ف الدقى لو ناقص فيها مسمار هيقولولك
و ربنا يوفقك ان شاء الله

**SimplyM** · 28-07-2011 01:43 PM

زى ماقال الاخ محمد عبود ... العربيه ديه شكلها مغير موتور لان ال 1200 ده مش بتاعها ... ال 1200 مفيهوش مشاكل حساسات اساسا و كون العربيه رشه بره و فبريكا جوه ده يخلى حالتها عاديه جدا

التكيف اساسه الكباس و العربيه ديه المفروض تكييف و بور

الرجه مش عارف

موضوع هيه ماشيه كام ده انساه لانها مغيره موتور .... و غريب اوى انه يغير موتور عامل 130 بس ....

انزل يا باشا بالسعر عربيه مغيره موتور و تكييف من غير كومبرسور و الدركسيون بيرج ... انزل براحتك

نصيحه نصحوهالى كتير ... هات عربيه بموتورها الاصلى