ممكن حضرتك تسألي في محل اسمه الكحكي في حرفيين الزهور بس افضل يعني ان حضرتك متروحيش بنفسك عشان المنطقه مقطوعه هناك شويه و حضرتك ممكن تكوني دخلتي الحرفيين قبل كده و عارفه و هو ده المحل الوحيد اللي اثق ان حاجته نضيفه و اسعاره كويسه
عرض للطباعة
ممكن حضرتك تسألي في محل اسمه الكحكي في حرفيين الزهور بس افضل يعني ان حضرتك متروحيش بنفسك عشان المنطقه مقطوعه هناك شويه و حضرتك ممكن تكوني دخلتي الحرفيين قبل كده و عارفه و هو ده المحل الوحيد اللي اثق ان حاجته نضيفه و اسعاره كويسه
نصيحة ليكى بالذات كبنت خليكى فى الاكسنت احسن .. لان مشاكلها تكاد تكون معدومة
تماااااام انا هاخد كلام حضرتك ثقة ومش هسال
بس فعلا مقلقة من عدم وجود توكيل ليهم هنا
مبحبش اودي اي حاجة برا توكيلها كتير لاني كمان سمعت ان الميكانيكية بصفة عامة مش فاهمين ميكانيزمها كويس فده قالقني برضو
بينما الاكسنت- هيونداي شيء دارج وعملي لان كل التاكسيات اكسنت
واكيد اوفر في استهلاك الفيول صح ولا اي؟:grinder:
:Copy of makeup: ده تفكيري وكنت قلقانه من عدم وجود ايرباج واي بي اس
بس كلام السادة الاعضاء ومعلومات سمعتها ان
الاي بي اس مش بيفرق كتير في الجين تو وان الايرباج غالبا بيفصلوها لان مع اقل كراش بتلاقيها طلعت في وش الشخص مننا :8954[1]::8954[1]:
الاكسنت احسن بس مش عارفة غلوها ليه:17: يارب ترخص شوية في عروض رمضان
انا عارفة ان ده مش مكان مقارنة بين عربيتين
بس بجد ميرسي كتير على افادتكم وتفهم الادمن وعدم مسحه للموضوع من هنا
وكمان قدرت اوصل لقرار مبدئي
خليني في اللي اعرفه
الجين تو عربية خرافية فعلا وجميلة اوي انا عارفة ده كويس ومن كلام ناس اعرفهم شخصيا راكبينها
بس الاكسنت بالنسبة لي عشان دارجة وتوكيلها في بورسعيد موجود ومش وحش فموش هتعب كتير اني الاقيلها حل وميكانيزمها اسهل من البروتون شوية ودارجة اكتر
فالاكسنت هتكسب لانها كويسة مقارنة بيها
طيب تساؤل جديد يا جماعة معلش انا رخمت
هل هلاقي في التوكيل فيرنا 2010؟ وهل تفرق كتير عن ال 2011 في الامكانيات؟
انا سمعت ان 2010 سعرها نزل كتير فلو الفرق في الامكانيات مش عالي ممكن اجيب 2010 انا ميفرقش معايا عربية موديل السنه اد ما تكون عملية لاني هحتاج فلوس تاني اوضب العربية بقا واظبطها لاني هحب ادلع عربيتي :)
للأمانه : الجين تو مفيهاش أي مشاكل في صيانتها في أي محافظه في مصر كل ما في الأمر قطعة الغيار سعات هاتلاقيها و ساعات مش هاتلاقيها و سعرها طبعا المضروب في أضعاف الأضعاف
أما عن وجود فيرنا في التوكيل 2010 فممكن تلاقي حضرتك تتصلي و تسألي
و الموديل مش هايفرق في أي شئ في العربيه من الأفضل إنها تكون موديل 2010 علشان تقل شويه من الثمن
لكن لو نصيحه مني طالما حضرتك فكرتي في الاكسنت و بالاخص الـRb توكلي علي الله و متتردديش
مع أحترامى لرأيك ....
أنا مش بشكك فى كلامك ....
بس لو أثبت لى صحة المعلومة دى هشترى ال RB وش ....
لأنى فعلآ معجب بشكلها أوى وأول مانزلت رحت أشوفها أنا وأخويا فى معرض غبور اللى فى المهندسين ....
وأحنا بنتكلم مع ال salesman أخويا ريح عل الرفرف الخلفى شوية لقيناة دخل لجوة ....
يعنى الصاج بردو خفيف ومفيش فى العربية عوامل أمان خااااااااااااااااالص ....
وتقرير الدكتور أمير خوفنى ودة اللى خلانى شايف ....
أن الجين 2 أفضل ....
يا رب و 1000 مبروك مقدما
هو طبعآ ال RB شكلها رهييييييب ....
بس ياترى أية اللى خلاكى توصلى للقرار النهائى ؟
أنا محتااااااار زيك بالظبط بقالى مدة طويلييييييييييييييييييييي يلة ....
أصل الواحد مش بيشترى عربية كل يوم لكن أشترى عربية شكل بس ولا شكل ومضمون ؟؟؟!!!
. That is the question
هموت و افهم بس منين وصلتوا لقرار ان كل الي بيشتروا عربيه فيها ايرباج بيفصلوها !!!!!
امال دافعين تمنها ليه طيب التكنلوجيا لازمتها ايه مدام هنفصلها
انا مش في صالح عربيه قصاد عربيه بس الـ abs بتاع الجين2 بجد شغال و بجد محترم
و الـ ebd في الجين2 بجد شغال و بجد ليه لازمه
الخامات في الجين2 موديلات 2006 لحد 2008 اعتقد كانت اسوء من دلوقتي بس انا العربيه عامل بيها 50 الف كيلو و مفيش اي زرار اتمسح و المالتي فنكشن شغال و عال العال
ياريت فعلا كل الي بيقارن بين عربيات يتكلم عن معرفه و بلاش فتي سواء في صالح الاكسنت او في صالح الجين2 او حتي في صالح الماروتي
طيب استنى شهرين لحد لما هيونداى ix20 تنزل وتشوفى سعرها
المفروض هتكون ارخص من ال rb شويه فى نفس سعر الجينا أو الاكسنت سبور
هيا ممكن تكون احلى فى الشكل شويه من جينا
و اعتقد الثبات بتاعها هيكون اعلى من الاكسنت لانها اصلا mpv بس بتصميم انسيابى زى كل موديلات هيونداى الجديده
باشا هدى اعصابك بس
اولا احنا قولنا اغلب الناس وليس كل الناس بتفصل الايرباج
ثانيا اختبر ال abs وامشى 160 وضرب فرامل مره واحده وشوف العربيه هتزحلق ولا هتقف فى مكانها زى الالف
متجربهاش على 120 لان اى عربيه مفيهاش abs هتقف مكانها برده
موضوع الزراير انا فعلا شوفته فى موديل 2007 بقى الحاجات الى عليه شبه ممسوحه انما الموديلات الجديده مقدمتش عشان نجربها
ومتزعلش نفسك احنا مش بنفتى والله الجين 2 ليها مميزات وعيوب وبرده النيو اكسنت ليها مميزات وعيوب وكل واحد بيقول بناءا على تجربته جايز تبقى تجربتك مختلفه بس احنا مش بنفتى والله
صدقني انا هادي جدا لان موضوع العربيات دا مبيفرقش معايا خالص احنا اكبر من كدا يا كبير
بس فعلا في فتي اتقال هل اغلب الي بيشتروا عربيات بأيرباج بيقفلوها لا طبعا دي قله قليله جدا و غريبه جدا.
ثم لو لاحظت انا مجبتش سيره النواكسنت في كلامي عشان محدش يقول اني متحيز لعربيه علي عربيه لاكن لو عملنا مقارنه بالورقه و القلم الكلام هيختلف اكيد.
بالنسبه للـ abs ايوه انا مجربه في مطر و رمل و فعلا العربيه بتقف في خط مستقيم السرعه مش مهم الاهم حاله الطريق
والله كل الناس الى اعرفهم وجايبين عربيات فئات عاليه اوكتافيا واوبل قافلين الاير باج
ومش عايز اقول قدام عينى فى مره واحده بتركن معاها اوبل فيكترا وخيشت جامد فى الرصيف راح الاير باج فتح وكلفها مبلغ كبير لتغيير التابلوه
بس ده ميمنعش انهم بيشغلوه فى السفر فقط وفيه ناس عالطول مشغلاه
وانا معاك فى رأيك ان الواحد لازم يستغل كل امكانيه فى العربيه طالما موجوده بس فيه ناس بتخاف من فتح الايرباج من خبطه مش كبيره وبيكلفهم الاف
انما بصراحه abs الى اثق فيه هو الالمانى حتى اليابانى الى نازل فى اللانسرو والكرولا اى كلام وانا خبطتنى كرولا 2010 من ورا وعنده abs وفرمل وسامع عربيته بتزحف من ورا لحد مرشئت فيا ونزل يعتزر ان الفرامل مقفشتش abs قولتله اومال يابانى على ايه بقى
انما بصراحه الالمانى العربيه بتقف على السرعه العاليه ومن غير محد بيتحرك جوه العربيه ولا حتى العربيه تتزحلق خالص
معاك حق
وكمان الكوريين بقت بتعملك مواتير اقوى من نظائرها بكتير
وبينى وبينك مبقتش العربيات بتتجمع فى بلادها فبقت الكورى اضمن انها بتتجمع فى بلدها وبين بينك الكورى تجيبه 5 سنين وتبيعه ويتباع معاك زى الفل وتجيب غيره انما العربيات الاخرى تخسر فيها كتيير جدا وتطلع عينك لحد ماتبيعها او تفضل معاك طول العمر ويرثها الاحفاد انما الكورى او الماليزى مش معمر قوى زى اليابانى او الالمانى
لا بس برده لازم يكون مقتنع بيها فى كل الاحول حتى لو فيها عيوب لان مفيش عربيه مفيهاش عيوب
ولولا اختلاف الاذواق لبارت السلع
وبينى وبينك كل واحد بيبقى مقتنع بالعربيه من وجهة نظره الشخصيه وممكن واحد تانى مقتنع بالاخرى والاثنين برده هيوصلوا لنفس الغرض على حسب طريقة سواقة كل واحد
احب ارد و احب اقول حاجه واحده بس ان في عوامل تانيه بتتفرض علينا زي السوق مثلا بمعني ان الجين سوقها مش ماشي و البروتون اصلا مش منتشر اوي فهتخسر في اعاده البيع و قطع غيارها مش هتبقي متوافره اوي مع ان الجين ممكن تكون احسن من الاكسنت بس الاكسنت سوقها ماشي و قطع غيارها في كل حته و لما بتبيع مبتخسرش كتير و بتتباع هوا
* اعتقد البروتون بقت افضل بكتير من ناحيه السوق فى السنتين اللى فاتوا .. هيا محتاجه سنتين كمان وهتبقى زى الفل والساجا الاوتوماتيك هى اللى بتعمل الفرق ده دلوقتىاقتباس:
احب ارد و احب اقول حاجه واحده بس ان في عوامل تانيه بتتفرض علينا زي السوق مثلا بمعني ان الجين سوقها مش ماشي و البروتون اصلا مش منتشر اوي فهتخسر في اعاده البيع و قطع غيارها مش هتبقي متوافره اوي مع ان الجين ممكن تكون احسن من الاكسنت بس الاكسنت سوقها ماشي و قطع غيارها في كل حته و لما بتبيع مبتخسرش كتير و بتتباع هوا
* زى الكورى اول ما ظهر احتاج شويه عشان يثبت نفسه .. الماليزى هياخد وقت بس براحته شويه
* لما يزيد البيع فى الجديد دايما سعر اعادة البيع للقديم يزيد .. واعتقد ده هوه اللى بيحصل دلوقتى
* موضوع ال Value for money لو حسبتها بصورة مختلفه تلاقى نفسك كسبان
البروتون بامكانياتها دى فى مصر المفروض تكون اعلى 10 بواكى عن سعرها الحالى
افترض ان انتا حطيت العشرة دول على جنب ..3 صرفتهم على الصيانة وقطع الغيار و 5 ساعه اعادة البيع .. يبقى انت كده كسبان الفين
fakes RB ....buy a japanese car deih bet3awem gedan w ya salam law el hawa gamed...ana mesamy el rb beta3ty el morge7a
يا جماعه ماهو كل ده موجود فى العربيات الصينى عشان تتباع
مش عشان العربيه نازله فيها جنوط ونازل فيه اير باج ونازل فيها abs و ebd بقت كده افضل المتاح
احلى حاجه بقت فى هيونداى بقت التطوير ونسبه مبيعاتها عاليه فى الدول الاوربيه وفى امريكا بالذات لانها عربيه اعتماديه
ومش عايز اقولك حتى فى الدول العربيه نسبة مبيعاتها عاليه جدا
مشكلتنا دلوقتى ان سعرها بقى غالى فى مصر ومبالغ فيه
يعنى انا لما اشتريت النيو اكسنت 2010 جبتها بالسعر الى تستحقه وهو 77 الف مش 85 الف زى دلوقتى
الجين 2 شكلها حلو ورياضى مقولناش حاجه بس محتاجه شويه دعم وانتشار عشان نقدر نعتمد عليها كويس
انا مش بعيب فى البروتون عشان انت بتسخن قوى عليها
انت معاك حق كل واحد بيجيب العربيه الى تستاهل فلوسها بس بتفكر فى قدام لما تيجى تبيع او لما تقدم شويه ويختفى قطع غيارها فى السوق لانها مش منتشره
اعتقد انها لو انتشرت كويس وبقى ليهات توكيل كويس يعرف يسوقها هتبقى العربيه رقم واحد انشاء الله
بص بالنسبه لل 90 الف دول ميجبوش ال rb لأان اول فئه فيها ب 94 الف
لو معايا ال 94 الف طبعا هجيب rb عربيه اشيك من الجين 2 ماتور اقوى 121 حصان - قطع غيار مضمون توافرها - وقت ما اعوز ابيعها هبيعها فى 5 دقائق وانا قاعد على القهوة
اما بقى لو ماعايا 90 الف مقفولين ومش عارف ازود عليهم فهفكر فى الجين 2 او الاوبترا بس الاوبترا بقت اغلى من 90 الف برده
انما بصراحه مجبش النيو اكسنت العاديه وهى ب 85 الف دلوقتى كتييير عليها الجين 2 طبعا تبقى افضل
كلام جميل ....
وبسمعة من ناس كتير ....
يعنى حضرتك شايف أنى أضحى بالفرامل ال Abs & Ebd وعوامل الأمان والثبات والصاج القوى ....
فى مقابل سعر أعادة البيع وتوافر قطع الغيار ؟؟؟
سؤال كمان ....
هل سعر أعادة البيع هيفضل زى ما هو وهيونداى كل شوية بتنزل أشكال جديدة ؟؟؟
يعنى لو حبيت حضرتك تبيع الأكسنت 2010 ....
مش هتلاقى اللى بيقولك :
يا باشا دة موديل قديم ....
خلاص مبقاش ....
ينزل منة ....
جديد ....
اولا عوامل الامان انا مبعترفش بيها لا فى العربيات الكورى ولا حتى الماليزى لانها اى كلام زى الصينى كده بتبقى العربيه ب60 الف وفيها العفريت كمان
عوامل الامان موجوده فى العربيات الالماني او اليابانى
موضوع اعادة البيع مهما العربيه قدمت ليها سعرها واكيد انت عارف الاكسنت 2001 الى كان شريها زمان كانت بكام ودلوقتى بكام
انما تعالى بقى مين ممكن يشترى عربيه بروتون موديل قديم اعتقد نادرا
يعنى عربيتى كنت شاريها ب 77 الف ودلوقتى ب 85 الف وسعر اعادة بيعها للموديل ب 70 الف اول قول 65 الف
انما تعالى للبروتون انت ممكن تقعد سنة مش عارف تبيعها اساسا
طب أية الفرق مابين عوامل الأمان الموجودة فى العربية الماليزى والألمانى مثلآ ؟
على فكرة معظم بلاد العالم وخصوصآ الدول المتحضرة ....
بتصر على توفر كل عوامل الأمان فى العربيات ....
اللى داخلة بلادهم لأنها حاجات أساسية ....
ومهمة وأنقذت حياة ناس كتير ....
تعرف حضرتك أن مصر بلا فخر أخدت المركز الأول على مستوى العااااااااالم ....
تخيل فى أية ؟ فى نسبة الوفيات اللى بتحصل بسبب حوادث الطرق ....
طب دة سببة أية ؟ أولآ الطرق المصرية ثانيآ وهو الأهم ....
عدم توفر عوامل الأمان فى معظم العربيات ....
الموجودة على أرض مصر ....
يعنى واحد معندوش لا ذمة ولا ضمير زى غبور يجيب عربية زى الفيرنا مثلآ ....
ويطلب أنها تنزل مصر من غير عوامل أمان خاااااااااااااالص ....
مع موتور قوى وصاج ضايع وفرامل ضعيفة ....
تفتكر النتيجة هتبقى أية ؟
بالتأكيد النتيجة هتبقى مأساوية ....
والمؤشرات العالمية ....
بتأكد الكلام دة ....
يعنى ال Abs فى البروتون هنديلة 7 على 10 ؟؟؟
مش وحش أحسن من مفيش ....
دة كدة رضا ....
اللى أعرفة أن البروتون عربياتها بتتباع فى أمريكا دول أوروبا وأستراليا ....
وفى موديلات كتيييييير أوى بتتباع برة مصر وشكلها اااااااامد جدآ ....
ولو كانت العربية دى مش أد كدة مكانتش هتدخل البلاد دى ....
لأن الحكومات فى البلاد المتحضرة مابتهزرش ....
أحنا بقى الحكومات عندنا بتهزر وبتسرق ....
هتقولى طب ما الهيونداى بتتباع فى البلاد دى بردو ....
هاقولك الهيونداى اللى بيروح دول أوروبا ....
والخليج غير الهيونداى اللى بينزل مصر ....
ودى حاجة معروفة من زمان ....
بروتون بقى مش بتتبع السياسة دى ....
يعنى معندهومش خيار ....
وغبور ....