مهو الصراحه بقت حاجه آخر لغبطه كل سنتين يطلعولنا بموديل جديد دا ال128 فضلت تنتج علي مدار ما يقرب من نصف قرن
أسف يا فندم
عرض للطباعة
على كلامك والى زيها النيسان صنى بقالعا 10 سنين شكلها زى ماهو متغيرتش
الا صحيح سؤال فنى غريب
انا سمعت ان النيسان صنى 118 حصان
بالرغم من كده بحس ان ماتورها 90 حصان يعنى تقيله قوى فى مشيها وعجوزه كده لما سوقتها حتى لما جيت اشد معاها بالنيو اكسنت 112 حصان والمفروض انه اقل منها والى كان سايقها كان دايس بنزين على اخره وواقف فوق الدواسه وانا طالع منه زى الطلقه من غير مدوس جامد كمان
ايه بقى الحكمه فى ذلك وايه موضوع الحصان ده والعزم وبيقاس ازاى
الصني فعلا 118
هو موترها خشن حبتين و بيستهلك بنزين
لكن مش القوة الحصانيه هي اللي بتتحكم دايما في التسارع
فيه حاجات كتير
تكنولوجيا المحرك أول شئ و توقيتات فتح و غلق الصمامات
و نظم التعليق و آلات الجر اللي ممكن تكون في الصني أتقل من الأكسنت فيحصل عملية هدر للقوة
وزن النيو أكسنت أقل ب100 كيلو من الصني
و أخيرا حالة العربيه و هي أوتو ولا مانيوال و الاكسنت أوتو ولا مانيوال
لكن أنا الصراحه مركبتش الصني كسائق لكن تقيمي لها إنها عربية شغل مش عربيه لعب و شد
و حق الرد مكفول لأصحاب النيسان :ــ)
انا معايا نيو اكسنت 2010 نبيتى زى اللى فى الصورة وعامل بيها 24000 كم والعربيه جيده جدا وانصحك بيها او ب rb وربنا يوفقك