كارثه ؛ فى لانسر بومه 2008 اوتوماتك 1600

**ahmedesmat1987** · 28-07-2011 07:43 AM

العربيه مابتجبش اكتر من 90 كيلو متر ومابتطلعش على الاول مكتومه جدا بتجيب ال 60 فى دقيقه وطول ما هى ماشيه واخده الرابع ومبتجريش ما بتخودش كيك داون نهائى ..ولما ادوس الدواسه للاخر تعمل صوت اكنى لامس الدواسه فى الطبيعى صوت مكتوم ومفيش سحب ولما استمر بعد ال60 تقطع جامد اكنها هتبطل .......معلش الاعراض تخض بس انا بستنجد بيكو..

**kholio** · 28-07-2011 08:04 AM

اعتقد دي اعراض تنظيف البوابة و دورة الانجكشجن و تغيير فلتر الهواء كمان في اسرع وقت وانشاء الله هترجع زي الفل

**ahmedesmat1987** · 28-07-2011 08:14 AM

المشاركة الأصلية كتبت بواسطة kholio

اعتقد دي اعراض تنظيف البوابة و دورة الانجكشجن و تغيير فلتر الهواء كمان في اسرع وقت وان شاء الله هترجع زي الفل

تفتكر ممكن يكون دا السبب العربيه كلها بقت غيار واحد ال l وال d ال sd بقم زى بعض مفيش فرق كلهم زفت

**montela** · 29-07-2011 04:53 AM

العربيه ماشيه كام كيلو واخبار زيت الفتيس ايه وغيرته اخر مره امتي وعلي فكره دي مشكله في الفتيس مش حكايه بوابه وانجشكشن ممكن يكون الvalve body اتسد وعاوز يتغسل ويتنضف ياما كنترول الفتيس بس مبدئيا قولي اخبار الزيت ايه

**ahmedesmat1987** · 29-07-2011 05:00 AM

المشاركة الأصلية كتبت بواسطة montela

العربيه ماشيه كام كيلو واخبار زيت الفتيس ايه وغيرته اخر مره امتي وعلي فكره دي مشكله في الفتيس مش حكايه بوابه وانجشكشن ممكن يكون الvalve body اتسد وعاوز يتغسل ويتنضف ياما كنترول الفتيس بس مبدئيا قولي اخبار الزيت ايه

الزيت كويس العربيه عامله 70 الف كيلو اخر مره من قربيب مش فاكر

**blazer** · 29-07-2011 05:25 AM

المشكله 95% من الفتيس
حضرتك غيرت زيت الفتيس ؟

ياريت متمشيش بيها او تحاول تحرق على العربيه الا لما تصلحها

**ashraf_msd** · 29-07-2011 05:38 AM

المشاركة الأصلية كتبت بواسطة ahmedesmat1987

ولما استمر بعد ال60 تقطع جامد اكنها هتبطل

أعراضك كلها ماعدا الجمله دي تقول انه الجير عامل lump mode أو crawl mode وقافل عالتالت هيدروليكي.. وفي الحالة دي غلط انك تمشي بيها لحد ما تشيك على الجير

انما الجملة ده لوحدها تخلي الاحتمال انه عيب حاجة في الماتور .. ممكن السباركات .. او بوابة .. او timing

**Ralliart** · 29-07-2011 06:33 AM

نقلات ايه الفتيس cvt أصلاً مبينقلش اول وتاني وكدة
انا شايف انه مش هينفع الكلام كدة على النت مش هيجيب حل مشكلة كبيرة للدرجه دي
خدها التوكيل وشوف المشكلة فين وصلحها برة بس اوعى تاخدها عند ميكانيكي الاول لانه هيفتي جامد وهيدفعك كتير ولسة كان في عضو هنا قي المنتدى اتكلف كتييير بسبب الصنايعية وغير فتيس وطلعت المشكلة في الآخر في سير الكاتينة !!

**montela** · 29-07-2011 10:57 AM

المشاركة الأصلية كتبت بواسطة Ralliart

نقلات ايه الفتيس cvt أصلاً مبينقلش اول وتاني وكدة
انا شايف انه مش هينفع الكلام كدة على النت مش هيجيب حل مشكلة كبيرة للدرجه دي
خدها التوكيل وشوف المشكلة فين وصلحها برة بس اوعى تاخدها عند ميكانيكي الاول لانه هيفتي جامد وهيدفعك كتير ولسة كان في عضو هنا قي المنتدى اتكلف كتييير بسبب الصنايعية وغير فتيس وطلعت المشكلة في الآخر في سير الكاتينة !!

دة المفروض اللي يحصل طبعا بس معلش انا نخدتش بالي ان حضرتك قولت ان العربية مش بتطلع علي الاول وماشية علي الرابع علطول ودة غالبا بيبقي حساس السرعة الخارجي في مشكلة vechile speed sensor لان الفتيش الاتوماتيك بياخد توقيت النقلات من حساس السرعة الخارجي وحساس السرعة الداخلي عن طريق المقارنة بينهم بالاضافة لشوية حساسات اخري زي حساس درجة حرارة الزيت وحساسا ال tps فلو حساس السرعة الخارجية دة بايز كنترول الفتيس بيفعل حاجة اسمها emergency mode يعني يخلي الفتيس يمشي علي غيار واحد وهو غالبا الغيار الاتالت زي الاوبترا لغاية لما توصل للتوكيل
ومعلش اسف علي الاطالة وان شاء الله المشكلة تتحل

**ahmedesmat1987** · 29-07-2011 09:13 PM

متشكر اوى ياجماعه على ردودكو وانشاء الله تتحل

الموضوع: كارثه ؛ فى لانسر بومه 2008 اوتوماتك 1600

LinkBack

أدوات الموضوع

عرض

-

-

المواضيع المتشابهه

لانسر بومه 1600 اوتوماتيك

ما الفرق بين لانسر بوما 1600 اوتوماتك 2009 المصري والخليجي

ما الفرق بين لانسر بوما 1600 اوتوماتك 2009 المصري والخليجي

سؤال فني في الانسر 1600 اوتوماتك 2008

كارثه في كارثه فورد فوكاس 2007 2008 انتم فين

الكلمات الدلالية لهذا الموضوع

المفضلات

المفضلات

ضوابط المشاركة