6 ابريل - اشمعنى الجيش بياخد معونة من امريكا!!!

**husseinsalah** · 28-07-2011 11:50 AM

كنت بكلم واحد صاحبى على اللى اعلنتة السفيرة الاميركية عن دفع 105 مليون دولار لمنظمات غير حكومية فى مصر ومن ضمنها 6 ابريل فاقلى عادى دى وجه نظر والجيش نفسة بياخد 1.2 مليار دولار معونة سنوية من امريكا !!!

وبعدها بيوم سمعت نفس السؤال موجة للواء /محمد العصار -مساعد وزير الدفاع من صحفية امريكية وكانت اجابتة مفحمة وقالها ممكن الحكومة الامريكية تقبل اى تمويل لمنظمات امريكية غير مسجلة ولا تخضع لاى رقابة حكومية... واضاف ان فى مصر منظمات مجتمع مدنى مسجلة لها اهداف معلنة وبتتلقى تبرعات من دول عديدة وبيتم التصرف فيها من خلال رقابة حكومية .

واللى احب اضيفة

أولا المعونة الامريكية بتتصرف لمصر طبقا لاتفاقية السلام (بصرف النظر لاختلافنا مع المعونة الامريكية ويارب تتلغى ) مش سداح مداح

ثانيا هى حركة 6 ابريل او اى حركة تانية بقت ند للجيش ياعنى بقت حكومة موازية ليها من حقها تحاسبها زى ما الجيش بيحاسبها (اللى مفروض ماسك البلد) ...

ثالثا عاوز اعرف اية اللى انته محتاجة علشان تعبر عن رايك ياعنى لو انت مؤمن بحاجة او قضية بتقبل تمويل لية واية هو بقى حالك لو التمويل دة انقطع، وهفترض فيك حسن النية انك مش هتغير مبدأك تحت اى ضغط ،لكن الاولى بيك انك تكون بعيد عن اى شبهات وانك(ماتمدش ايدك) تاخد فلوس من ناس معروفة اية اتجاهتها واللى اكيد مش فى مصلحة بلدنا...

ياريت كنتم اعلنت ان الفلوس دى اتصرفت على اسر الشهداء او الضحايا او اى نشاط خيرى وانكم بتشتغلوا من منطلق تحقيق اهدافكم من غير ما تنتظروا مقابل.

**zyadahmed** · 28-07-2011 12:02 PM

الى شباب كدبة ابريل : كفاية كده نشكركم لحسن تعاونكم معنا طوال الفترة الماضية

**hobiko** · 28-07-2011 12:04 PM

هو فى حد من 6 ابريل اعترف انه بياخد تمويل ؟؟؟؟؟ مش المجلس العسكرى هو اللى اتهمهم ؟؟؟؟؟

خلاص البينه على من ادعى ....... و اللى عنده دليل يطلعه و يقدمه للقضاء

واللى ما عندوش ...... مايفتيش ..... و يخليه ساكت أحسن

بس ده ملخص الموضوع

**تامر.محمد** · 28-07-2011 12:16 PM

المشاركة الأصلية كتبت بواسطة hobiko

هو فى حد من 6 ابريل اعترف انه بياخد تمويل ؟؟؟؟؟ مش المجلس العسكرى هو اللى اتهمهم ؟؟؟؟؟

خلاص البينه على من ادعى ....... و اللى عنده دليل يطلعه و يقدمه للقضاء

واللى ما عندوش ...... مايفتيش ..... و يخليه ساكت أحسن

بس ده ملخص الموضوع

ههههههههههههههههههههههههه ههههههههههههههههههههه قريت افكاري و الله

**yahyanaabil** · 28-07-2011 02:42 PM

المعونه ديه سبب من اسباب الوكسه اللى احنا فيها كل سنه الامريكان يطلعوا ويذلونا بالمعونه و المعونه بتاعت الجيش يعتبر اسلوب ضغط على الجيش نفسه يعنى لو امريكا عاوزه فعلا تتحكم فى مصر تلعب فى المعونه بتاعت الجيش مش تديه 6 ابريل معونه

**khaloooda** · 28-07-2011 04:20 PM

انا ليه رأي يا جماعة
6 ابريل نواياهم مشكوك فيها ومسألة التمويل والتدريب بره
المفروض ان الثورة دي اهم ميزة فيها انها كانت بلا قائد ولا سابق ترتيب
الامور سيرها العزيز القدير ، واحنا تعاملنا بعفوية من حب للبلد واحساس بالظلم وغيره
بس السؤااااااااااااااااااال اللي عاوز اسأله ومش لاقي ليه اجابة

ليه ؟؟؟؟؟؟؟؟؟؟؟؟

ليه امريكا تعلن ده دلوقتي
انا مش بقول انه غلط ولا بناقش صحته من عدمها
لكن ليييييييييييييييييه ؟
امريكا مستحيل انها تاخد خطوة الا لما تكون حاسبه كويس تداعيتها واثارها وعارفه تقصد بيها ايه
عمرها ما هتتصرف تصرف زي ده الا لو كانت تستهدف مصلحتها الشخصية
الناس دي من سفالتها وانحطاطها لااااااااااااا يمكن تتوقع انهم يقدموا لينا خدمة
ويحاولوا يساهموا في توعية الشباب المصري او دعم الثورة اللي خلعت اكبر واهم حليف ليهم في المنطقة
الناس دي هي اللي ولعت ليبيا وسوريا واليمن ووصلتهم للي هم فيه دلوقتي
وكان امنية حياتها ان مصر تحصلهم
واهم بيحاولوا
مرة فتنة طائفية
ومرة ضغط بالمعونة
ومرة موضوع الميه
ومرة اثارة شائعات ومحاولات للوقيعة بين الجيش والشعب وتخوين كل فصيل للاخر

بصرف النظر عن 6 ابريل - وانا شخصيا لا اؤيدهم ولا احبهم - ياريت نفكر ايه هدف الناس دي من اعلان خبر زي ده دلوقتي ؟؟؟؟؟؟؟؟؟
ايه؟

**تامر.محمد** · 28-07-2011 04:23 PM

على فكرة امريكا ما اعلنتش انها بتمول 6 ابريل اصلا
ده مجرد اتهام من المجلس و لم يقدم عليه دليل لحد دلوقت , ولا حتى بلاغ
مجرد تشويه سياسي يعني على رأي حازم ابو اسماعيل

**nevozaky** · 28-07-2011 04:34 PM

المشاركة الأصلية كتبت بواسطة yahyanaabil

المعونه ديه سبب من اسباب الوكسه اللى احنا فيها كل سنه الامريكان يطلعوا ويذلونا بالمعونه و المعونه بتاعت الجيش يعتبر اسلوب ضغط على الجيش نفسه يعنى لو امريكا عاوزه فعلا تتحكم فى مصر تلعب فى المعونه بتاعت الجيش مش تديه 6 ابريل معونه

اللى اتفرج على لقاء دكتور حازم صلاح ابو اسماعيل مع يسرى فودة امبارح .
هيعرف ان المعونة الامريكية لينا بصفة عامة او للجيش مش تفضل علينا زى ما الناس كانت فاهمة او زى النظام السابق ما كان مفهمنا علشان نحس بالنعمة اللى احنا فيها واننا لازم نسمع كلام ماما امريكا فى كل مطالبها لينا .
ولكن المعونة دى منصوص عليها طبقا لمعاهدة السلام بين السادات وكارتر وبيجن .