اقتباس المشاركة الأصلية كتبت بواسطة hkawetsh مشاهدة المشاركة
تحياتى يا جماعة . انا اسمى هشام و عندى كلام مش هيعجب اى حد على توكيلات السيارات . بصراحة كل الاسعار و المصنعيات مبالغ فيها جدا جدا جدا جدا بافتره . 420 جنيه عشان تغير زيت و فلتر زيت و نضافة فلتر هواء ده استعباط . المفيد فقط فى التوكيل فقط هو اى عطل مش هتقدر تعمله و فترة الضمان فقط . غير كدة كله فلوس تترمى فى الارض . انا حسبت انا وفرت اد اه لما كنت بغير زيت و فلتر زيت و الصيانة الدورية عملتها على سيارتى بالحرف زى ما هم يعملوها و احسن كمان و وفرت 2623 جنيه . السيارة بتعتى موديل 2007 و بدلت سير الكتينة عند 60000 من 3 اسابيع و السيارة مجبتش اى مشكلة الحمد لله من اى نوع الحمد لله .

معلومة : الصيانة الوحيدة اللى ممكن الواحد يعملها فى التوكيل هى تغير الtiming belt او سير الكتينة اللى بتتعمل كل 55000 الف كيلو و ده طبعا قياسيا وحش لان عمره اطول من كده بس حكم حرارة الجو و تغير تلمبة المياه و قطع اخرى ما هو غير استنزاف فلوس ولكن هنعمل اه فى الناس اللى بتمشى ورا بروتوكول شركة من غير تفكير . فى كورية ذات نفسها مش بيبدلوا غير timing belt بس .
انا اسف انى بقول كده فعلا لان اللى بيحصل لا يقبله احد . و انا من كتر ما استفزنى بحاول بنفسى اساعد الناس و ابعدهم عن التوكيل فى حاجات تفهة زى تغير زيت و كنت بعملها لناس تحت بتها من غير اى مقابل مش عشان حاجة لكن عشان اريح الناس و اريح كمان ضميرى فى نشر نصيحة للناس . انا اسف مررة اخرى.
متشكرين يا استاذ هشام علي نصايحك

انا بعمل ذي حضرتك كده بس انا مبنصحش الناس بكده
او بمعني اصح مش كل الناس تعرف تعمل كده
وده لاسباب كتيره ممكن مثلا عشان عايزه تريح دماغها او معندهاش وقت تدور علي مكان ثقه تاني او ان الفلوس مش كثيره بالنسبالها او عشان مبيفهمش كتير في العربيات فعايز حد يريحه ممكن يكون مستخصر ثم الضمان المتضمن في سعر السياره ومش عايز يفقده نتيجه تجارب سابقه .
اسباب كتير لاكن المهم انك تقتنع بأختيارك ومتكونش مضايق منه .
المهم انت مقولتناش علي خلاصه تجاربك في العربيه علي مدار اربع سنوات هاه ايه الاخبار