نفسي اعرف الناس متغاظه ليه

**koki4life** · 29-07-2011 06:18 PM

المشاركة الأصلية كتبت بواسطة abou_ruqi

معاك بس ممكن النخبة متعملش حساب للشعب وتتجاهله
انما في الجيش ماينفعش ، علاقة زي دي تهديد صريح للامن القومي

كلام سليم جدا .......

أي شخص يجيد التفكير ويريد الانخراط في العمل السياسي سوف يصل لهذه النتيجة .......

**زينة الله** · 29-07-2011 06:53 PM

سنرى معا نتائج هذه الجمعة المباركة على القصاص والمحاكمات وعدالتها وسرعة الاجراءات ورد المظالم والأموال المسروقة

واتمنى أن تنجح فى أن تخطو خطوة للأمام فى تحقيق أهداف الثورة من إقرار للعدل والحق والقصاص كما امرنا الاسلام بالفعل

لأن الكلام إذا لم يصدقه الفعل صار نفاقا والعياذ بالله :) أصلح الله أحوالنا وأحوالكم جميعا وكفانا شر دعوة المظلوم

**Ahmed Anwer** · 29-07-2011 07:35 PM

عارفين مين أكثر ناس هيستفادوا من اليوم العجيب ده ؟؟

الأخوان المسلمين والوسط و محمد سليم العوا و عبد المنعم ابو الفتوح

ده كده بجد بيقولوا أرضوا بينا إحنا كحل وسط و ناس بتعرف تتفاهم

البديل أصعب !!!

الأخوان نفسهم قالوها ، السلفيين عشرين ضعف لينا

**wael17** · 29-07-2011 07:45 PM

المشاركة الأصلية كتبت بواسطة abou_ruqi

انا شايف ان استعراض القوة اللي حصل النهاردة من الشعب المؤيد لاسلامية الدولة سيجعل التيار العلماني يعيد حساباته ومقصدش انه حيتراجع او يلم نفسه انما اتوقع انه حيغير استراتيجيته بعد فشل الطريقة المتبعة حاليا واعتقد الطريقة الجديدة ستكون اكثر دهاءا
وعليه كان افضل للتيار الاسلامي السكون تماما في المرحلة الحالية وجر العلمانيين للانتخابات اللي نتيجتها معروفة مثل نتيجة الاستفتاء ويتم القضاء على فكرة اتاتورك المصري بالموت المفاجئ

اما موضوع ان الجيش يحمي العلمانية ويرفض الدولة الاسلامية هذه مصر وليست تركيا يا سادة والجيش فيه متدينين بنفس نسبتهم في الشعب نفسه يعني اغلبية اخرى

+1111111
التيار الاسلامي كان مستكين بالفعل في الفترة الماضية و هو يري من يحشد المظاهرات و يصرخ الشعب يريد....
بس المشكلة ان بعد احداث العباسية بدأ يكون في قلق لان التيار العلماني بدأ يضغط بقوة علي المجلس العسكري و مع استغلال الفضائيات و الانترنت كان بيحاول تصوير ان الليبراليين و العلمانيين يمثلون رأي جزأ كبير من الشعب و بالتالي كان لازم التيار الاسلامي يطلع كارت احمر للتيار المنافس
نتيجة اي انتخابات محسومة للتيار الاسلامي و اكتر ناس عارفين كده هم الليبراليين و بالتالي هم كل هدفهم الحصول علي اكبر مكاسب و ضمانات قبل وصول الاسلاميين للحكم

**Ahmed Anwer** · 29-07-2011 07:48 PM

أنا أفهم إن الناس تنزل تتظاهر عشان تضغط علي الحاكم عشان ليها مطالب مشروعة

لكن إحنا استفدنا أيه بمظاهرات النهاردة ؟؟

**shok** · 29-07-2011 07:50 PM

الله يرحم ايام امن الدولى كانوا علاج ودواء

**زينة الله** · 29-07-2011 07:58 PM

المشاركة الأصلية كتبت بواسطة ahmed anwer

عارفين مين أكثر ناس هيستفادوا من اليوم العجيب ده ؟؟

الأخوان المسلمين والوسط و محمد سليم العوا و عبد المنعم ابو الفتوح

ده كده بجد بيقولوا أرضوا بينا إحنا كحل وسط و ناس بتعرف تتفاهم

البديل أصعب !!!

الأخوان نفسهم قالوها ، السلفيين عشرين ضعف لينا

السلفين هم المخزون الاستراتيجى للإخوان :) وهناك العديد من التنسيقات بينهم

ولان الاخوان أكثر خبرة فى الحياة السياسية فإنهم أقدر على استخدام الموقف لصالحهم

بالنسبة لى شخصيا :) المهم فى النهاية حق الناس مايضيعش وعدل ربنا يمشى ويتحقق القصاص وتنضف البلد

يعنى يكون فيه مطالب مشروعة وتنفذ على أرض الواقع مش مجرد كلام ومهاترات :)

المشاركة الأصلية كتبت بواسطة ahmed anwer

أنا أفهم إن الناس تنزل تتظاهر عشان تضغط علي الحاكم عشان ليها مطالب مشروعة

لكن إحنا استفدنا أيه بمظاهرات النهاردة ؟؟

هو دا الكلام :) الله يكرمك

**elrasy** · 29-07-2011 08:08 PM

لا اعرف مصر قبل كدة كانت ايه بس اللي اعرفه ان الدولة الاسلامية لا يتم منع مذيعاتها المحجبات من الظهور علي شاشة التليفزيون
[/quote]

+1111111111111111

**AmAhmed** · 29-07-2011 08:09 PM

المنظمون الرئيسيون لفاعليات اليوم
حددوا المطالب
ده رابط لفيديو اذاعة المطالب
http://www.nilemotors.net/Nile/3873691336-post24.html

و قد حددوا مهلة حتي يوم ال 10 من رمضان (البعض يقول الجمعة القادمة )
اذا لم تتحقق المطالب فهذه القوي نازلة التحرير تاني .. لكن مع اعتصام حتي تنفيذ المطالب

ياريت نتوحد .. علشان نخلص من الفترة الانتقالية

**nevozaky** · 29-07-2011 08:09 PM

انا رايى فى النقطة دى ان الجماعات الاسلامية والسلفيين كانوا ياْجلوا مليونية النهاردة شوية .
يعنى مش دلوقتى خالص لو كانوا عايزين ينزلوا كانوا نزلوا ويطالبوا بالمطالب اللى كلنا عارفينها .
وما كنتش عايزاهم ينزلوا بالاعداد دى كلها علشان الناس ما تقلقش من العدد وبالتالى هيقلقوا من اللى جاى .
وفى نفس الوقت هيتخوفوا منهم بدون مبرر اعتقد انه ينقصهم دهاء السياسيين والتوقيت المناسب لفعل اى تصرف .
وارجع واقول للمصريين كلهم فى هذا التوقيت الاتحاد قوة علشان نخلص من هذه الفترة وتعدى على خير باْذن الله