ايه رأيك فى اللى حصل انهارده

**shok** · 29-07-2011 07:45 PM

اقسم بالله انا كنت من اشد الكارهيين لمبارك ونظامة النهاردة بس اترحمت على ايام امن الدولة
قبل الثورة كفروا البرادعى علشان بيطالب بالعصيان المدنى وقبل التنحى بيوميين اتخنقت مع سلفيين فى البلد رافعيين يفط نعم لمبارك نعم للاستقرار
محسسنا انهم بس المسلميين وهما بس الى صح والباقى لا يمتوا للاسلام بصلة

**elrasy** · 29-07-2011 08:02 PM

يا جماعة زى ما بعض شباب الثورة كان بيغلط فى قطع طريق او قفل مجمع التحرير
لازم بردة نعذر بعض اللافتات اللى كانت موجودة النهاردة وبتغلط فى بعض الاشخاص

احنا شعب بقالنا 30 سنة قافل بقة , من حقة يفتحة شوية ويصرخ

**misoalex** · 29-07-2011 08:18 PM

احب اقول

عليه العوض ومنه العوض

لحد دلوقتى مصممين يقسمو التورته وبيختارو عاوزينها بالكريمه ولا بالشكولاته

وهما مش واخدين بالهم ان التورته اصلا مش فى ايدهم ولا حيعرفو ياخدوها

**misoalex** · 29-07-2011 08:36 PM

تعليقين عجبونى جدا من بعض التعليقات

هذه الجمعه هى جمعه الخديعه

من هاجم الاسلام حتى نهتف اسلاميه اسلاميه ؟؟؟؟؟؟

**م.احمد زكريا** · 29-07-2011 08:38 PM

[size="5"]رأيي إن الجمعة كانت بدعوة من التيارات الإسلامية

وكانت تحت عنوان جمعة الهوية الإسلامية ورفض المواد فوق الدستورية والتأكيد على المادة الثانية للدستور

من حق كل واحد يقول الهو عايزه ...... من حقهم التظاهر .... من حقهم الهتاف كما يريدون ....... من حقهم ان يتعاطف معهم كل شعب مصر لأنه شعب مؤمن بطبيعته

و من حق الاخرين ان يعرفوا حجمهم الحقيقي في الشارع

واتوقع الليلة مناحة مثل مناحة نتيجة الإستفتاء[/size]

**Abo_Abdullah** · 29-07-2011 08:52 PM

حسبنا الله ونعم الوكيل

**misoalex** · 29-07-2011 08:56 PM

المشاركة الأصلية كتبت بواسطة aly_hosny

علم السعودية مش راية الاسلام
كلمة لا اله الا الله محمد رسول الله هي ال راية الاسلام
ويقدر يكتبها على ورقة بيضه و يرفعها انما رفع علم السعودية دا خلل عقلي عند ال بيعمل كدا
لان النظام السعودي ابعد مننا عن الاسلام بكتييير

حاجة غريبة
بدل ما يطلعو يهتفو بالمطالب بيهتفو للمجلس العسكري و اسلامية الدولة
اسلامية الدولة ال يحددها مجلس الشعب المنتخب و الدستور مش الهتافات
ولما تبقى المفروض ان هي جمعة وحدة الصف لتوحيد المطالب يبقى المفروض نهتف بالمطالب
زي ما محمد عادل قال "هو مين قال ان في حد اصلا ضد تطبيق الشريعة"
وليه لسه في ناس بتتكلم عن المادة 2
بس انا عارف الناس دي بالها قصير و مش هنلاقيهم بكرة :)

هما فاكرينها حتبقى اسلاميه بالهتافات ؟؟؟؟؟؟؟؟؟؟؟

مع العلم انى مش ضد الدوله الاسلاميه كلنا مسلمون ونتمنى كده

ولكن محدش واخد باله من اللى بيحصل فى البلد وسايبين كل اللى بيحصل ولسه بنهتف عاوزنها اسلاميه ولا مدنيه ولا ولا ولا

استر يارب من اللى حيحصل

**ahmedbatoos** · 29-07-2011 09:23 PM

من لا يستوعب او يري الهجوم علي الاسلام والمسلمين
علية فقط
1- قرائة الجرائد المصرية
2- تصريحات مثقفي التوك شو والجرائد
3- مطالب البعض والتي يستخدمون كل انواع الارهاب الفكري والاعلام لتحقيقها

اما من لا يري ذلك . . فمع احترامي لة فهو غير مواكب ابدا للواقع او الاحداث

**rosebox** · 29-07-2011 09:25 PM

فى الحقيقة انا عملت الموضوع ده عشان اعرف المشاعر المتضاربه اللى عندى دى, عندى انا بس و لا عند كل الناس
فى الحقيقة لقيت المشاعر اللى فيا عندى انا لوحدى
اولا فرحانه ان الشعب لسه عنده القدرة على الاحتشاد
بس متغاظة انه بيطلب حاجه (واحده بس) الشعب برضه عايز حاجات تانيه

ايوة مصر اسلاميه بلا جدال ( و ده بالظبط اللى محيرنى) ايوة انا نفسى نطبق شرع الله و لازم نعمل كده عاجلا و ليس اجلا

انما الناس كلها اتفقت على حاجات معينه نرفع شعاؤتها كلنا اصل احنا مش طراطير برضه

لو انتخبنا الاخوان او السلفيين عشان احنا عارفين انهم اكتر فصيل عايز يطبق شرع الله هل حتلعبوا بينا زى ما لعبتوا بينا انهارده؟
انا ماكنتش حنتخب حد غيركوا بس ليه تبينولى انكم مراهقين كده و يتستعرضوا قوتكوا؟
ماعملتوش ليه ايام مبارك ده اترعب و مشى خالص من جمعتين تلاتة بس من دول و منهم واحده كنا بنضرب منه ايشع ضرب
انا انتوا قلتوا انكم حترفعوا شعارات 3 حاجات و اتكلمتوا عن حاجه تانيه خااالص.

شكرا لمروركم

الموضوع: ايه رأيك فى اللى حصل انهارده

LinkBack

أدوات الموضوع

عرض

-

-

-

-

-

-

-

المواضيع المتشابهه

ما هو رأيك فى التوكيل أو مراكز الصيانة اللى إتعاملت معاها؟

الكورى اللى دايما مظلوم وعمرة مأشتكى .. اية رأيك بقى

هو انا الوحيد فى المنتدى اللى معاه هوندا بريليود و قولى رأيك فيها ^_^

امال ايه اللى حصل و غير رأيك ؟؟

الكلمات الدلالية لهذا الموضوع

المفضلات

المفضلات

ضوابط المشاركة