برجاااااااء النصيحة بيجو 206 ولا رينو كليو

**Reem** · 07-05-2008 12:01 AM

سلام عليكم جميعا
انا الحقيقة محتاجة نصيحتكم يا جماعة , اناعايزه اجيب عربيه في حدود 45-55 الف و كنت دورت كتير بس اكتر اختيارين ارتحتلهم هم بيجو 206 و رينو كليو

اولا عايزة اعرف ايه رايكو في اختياري ده يعني مش الفرنساوي فعلا احسن من الكوري (فيرنا او اكسنت او دايو) و
ثانيا بقي تفتكروا ايهما افضل 206 ولا الكليو
و هي دي اهم احتياجاتي:
1-اهم حاجة تكون عربية اقدر اعتمد عليها و متكونش كثيره الاعطال
2-ميهمنيش اوي سحب شديد للعربية او انها تجري و كده علشان انا مش من هواه السرعات العاليه
3-استهلاك بنزين اقتصادي
4-توافر قطع الغيار و اسعار معقوله نسبيا

مع العلم اني معروض عليا 206 موديل 2005 و 1400سي سي ب55000 و عامله 50000 كيلو
و كليو موديل 2003و 1200 سي سي ب 48000 و عامله 60000 كيلو
يا ريت يا جماعه رايكم , جزاكم الله خيرااااااااا

**mohamed ibiza** · 07-05-2008 12:06 AM

طالما 206 1400 سي سي يبقي اكييييييييييييييييييييييي ييييييييييييييييييد 206 عربية ممتازة بس بلاش ال 1100 سي سي باين عشان انا بفرتكها بالابيزا 94 بس عربية ممتازة ال 206 1400

Ibiiiiiiiiiiiiiiiiiiiiiiiiiiiiiiiiizzzzzzzzzzzzzzz zzzzzzaaaaaaaaaaaaaaaaaaaa For Ever

**Eng.Sameh** · 07-05-2008 12:08 AM

206 ، من غير حيرة ولا تفكير ، اكيد احسن بكتيييير

**kimo-nubira** · 07-05-2008 12:25 AM

في اختيارات كتير في حدود المبلغ اللي معاكي احسن من ال 206 والرينو كليو وبما انك بتفكري في عربيه قطع غيرها رخيصه نسبيا فا انصحك

تبعدي عن الاختيارين لان قطع غيار العربيات الفرنساوي عموما غاليه ومش متوفره زي بقيه الانواع لاكن موجوده للي يدور .... وفكري في اعاده

البيع لو العربيه معجبتكيش لاقدر هل مطلوبين في سوق السيارات بمعني تاني هل سعر اعاده البيع هايكون كويس ولا لاءه .... فانصيحه تبعدي

عن الرينو خالص في الموضوع ده سعر اعاده البيع بتعها وحش جدا وممكن تخسري فيها كتير لانها عربيه مش مطلوبه .... نصيحه من اخ بلاش الكيلو نهائي ..

حاولتي تفكري في الانوس كسر زيرو فول اوبشن ؟؟

**BESO_08_78** · 08-05-2008 08:42 PM

I Think 206 Or Clio
But 206 Is Better In After Sale

**أبو عبدالله** · 08-05-2008 10:13 PM

العربيتين قطع غيار غاليه
بالنسبة لسعرهم

خصوصا ان سعر اعادة البيع لهم مش جيد خالص

والأتنين عفشة غير جيده مقارنه بعربيات في نفس السعر بتاعهم

1-اهم حاجة تكون عربية اقدر اعتمد عليها و متكونش كثيره الاعطال
2-ميهمنيش اوي سحب شديد للعربية او انها تجري و كده علشان انا مش من هواه السرعات العاليه
3-استهلاك بنزين اقتصادي
4-توافر قطع الغيار و اسعار معقوله نسبيا

اعتماد وعدم وجود اعطال يبقى مش الاتنين دول
توافر قطع الغيار واسعارها برضه يبقى مش الأتنين دول

انا رايي لو تشوفي لانسر كريستاله او تويوتا كورولا عيون او ممكن لو زيروا يبقى برودا كيليسا بــ 52 الف

**hazem_khidr** · 09-05-2008 04:41 AM

بيجو 206 بالتاكيد

**waleed24ag** · 09-05-2008 04:48 AM

انا رأي بيجو 206 طبعا جميله و تحفه و مكانيكيه اعلي

**Reem** · 09-05-2008 11:57 PM

المشاركة الأصلية كتبت بواسطة أبو عبدالله

العربيتين قطع غيار غاليه
بالنسبة لسعرهم

خصوصا ان سعر اعادة البيع لهم مش جيد خالص

والأتنين عفشة غير جيده مقارنه بعربيات في نفس السعر بتاعهم

اعتماد وعدم وجود اعطال يبقى مش الاتنين دول
توافر قطع الغيار واسعارها برضه يبقى مش الأتنين دول

انا رايي لو تشوفي لانسر كريستاله او تويوتا كورولا عيون او ممكن لو زيروا يبقى برودا كيليسا بــ 52 الف

متشكرة جدا لاهتمام حضرتك اكيييد و كل اللي ردوا
هو انا الحقيقه مش مهتمه بسعر اعاده البيع علشان انا مش هفكر اغيرها قبل 5 سنين مثلا و اصلا انا شارياها مستعمله
بالنسبه لللانسر كريستاله او تويوتا كورولا عيون انا استبعدتهم علشان شكلهم قديم شويه و كمان هيبقوا مشيين كتييير و انا عايزه حاجه بعد2004 و شكلها جديد , فكان قدامي الكليو او ال206 او الكوري بقي -لانوس او فيرنا اللي انا مش مرتحالهم برده الحقيقه و حسيت ان الفرنساوي اجمد و يعتمد عليه حتي لو اغلي سنه يعني-
بس هو انا خفت جدا الحقيقه من كلام حضرتك
"اعتماد وعدم وجود اعطال يبقى مش الاتنين دول "

:(

**Reem** · 10-05-2008 12:08 AM

المشاركة الأصلية كتبت بواسطة kimo-nubira

حاولتي تفكري في الانوس كسر زيرو فول اوبشن ؟؟

هو انا بس مجرد حسب ما بسمع ان الكوري مش اد كده و ان الفرنساوي احسن و يا ريت حضرتك تصلحلي معلوماتي لو غلط
بس انا لو فكرت كوري فيبقي الافيو بالنسبالي افضل من الانوس