هو انا مش فاهم حضرتك ف الاول كاتب موتور 1400 ياخد ماسورة 2 بوصة وبعدها بشوية لقيت حضرتك كاتب 2.5 بوصة هو ايه الصح بالظبط وشكرا وتسلم ايدك موضوع رائع جدا
عرض للطباعة
هو انا مش فاهم حضرتك ف الاول كاتب موتور 1400 ياخد ماسورة 2 بوصة وبعدها بشوية لقيت حضرتك كاتب 2.5 بوصة هو ايه الصح بالظبط وشكرا وتسلم ايدك موضوع رائع جدا
أنا كاتب ال 1400 آخره 2 بوصة !!
أكبر من 1400 ياخد 2 و نصف بوصة
حتى تلاقيني كاتب "من 1400 الى 2000" ياخد 2 و نصف بوصة
يبقى المفروض حضرتك تكتب من 1500 ل 2000 لان لو بكلام حضرتك يبقى ال 1400 كمان 2.5 :d المهم
كان في كام سؤال كده
انا معايا عربية شاهين موديل 1999 1400 سي سي هي كربراتير طبعا
كنت عايز اعمل نظام العادم ده بس كان في استفسار هل عربيتي فيها علبة البيئة دي ولا لا ؟ وشكرا
اه ولو عملته ف الشاهين هحس بفرق ملحوظ ولا مالهاش لازمة التكلفه ؟
لا أنا قصدي أي حاجة أكبر من 1400 سي سي
المهم زي مجاوبتك على الخاص بردو !!
1-طبعاً العربية فيها علبة البيئة
2-علشان تحس بالفرق .. حتزود قطر الفرن "الهيدرز"
3-حتزود قطر الأنابيب بتاعت العادم نفسها
زودها نصف انش كويس !!
و شيل العلبة الي في النصف !!
الصوت حييزيد معاك !! و لكن زيادو الأداء جميلة بردو
لو تعرف تجيب علبة بيئة بتاعت عربيت بيجو 2000 سي سي تحطها مكان بتاعتك !! تبقة عملت السليمة :)))))
بسم الله ماشاء الله شرح جميل وانا استفادت منه كتييييييييير...
استفسار بقى لو سمحت ....
انا معايا لانوس 2 موديل 2002 1500cc وركبت ديفيل الوصلة الداخلية قطرها 2.5 ... الصوت الشكمان بقى صوته جميل بس الشكمان بيسخن جامد اووووووى وتقريبا الماكنة بتسخن لان فى حرارة بتهب عليا وانا سايق ...
السوال بقى اية الى بيخلى العلبة تسخن جامد اوى كدة والماتور برضة مع العلم انى مش عندى علبة بيئة ........
زي مقلتلك يا حسين !!! شوف موضوع السخونية ده و قارنه مع أي حد !!
أما موضوع سخونية المكنة دي !! فده شيء يحير !!! :(
الف شكر ياحسام باشا ومعلش اذا كنت طولت عليك وان شاء الله هشوف الموضوع بتاع الباك فاير وارد عليك فى اقرب فرصة ......
محتاجين رأيك هنا ياسمسم لو سمحت
http://www.nilemotors.net/Nile/322607-a.html
تحت أمرك :)
برافو .. تسلم ايدك
خيركم من تعلم العلم وعلمة
الله ينور عليك! تسلم ايدك
ماشاء الله عليك
ربنا يكرمك ........ بصراحة الموضوع جميل جدا ...
أنا كنت بسأل عن تركيب العمة الديفيل للعربيات القديمة زي 127 وغيرها ......
فيريت تفيدني في الموضوع ... وجزاك الله خيرا
الله يكرمك!!
و شكراً ليك
آسف على التأخير في الرد والله ظروف الدراسة مش اكثر!!
ماله تركيب الديفيل للعربيات القديمة؟؟
عامةً في معظم العربيات دي!! الصوت بيطلع رهيب على الفاضي!! و من غير اداء.. ولا جري من العربية!! ده لآن الموتور بيكون حالته مهترئة.. و هو أصلاً بيفوت كبس!! او ادائه وحش!!!
فبيطلع صوت جامد!! من غير جري!!
لأ .. أنا قصدي ان بما انها عربيات قديمة وصوتها بيبقى ( لموآخذة على الكلمة بيبقى غبي ) فبدل كدا أحط حاجة تحسن الصوت شوية ....................... دا كان قصدي ...
وكنت سمعت ان ممكن أركب عمة ديفل ( عمة مش علبة شكمان ) ...
فأرجوا التوضيح ...... ومتشكر جدا على اهتمامك
يعني أيه عمة؟؟؟ قصدك عمو هواء؟؟؟
اولا انا بهنيك على الموضوع ده بجد يا سمسم و طبيعي انك تدخل كلية الهندسة
انا من اليكس و عايز اعرف رأيك في لو حبيت اعدل نظام العادم ( الشكمان ) عندي و اركب علبة بورلا pro xs بس ال inlet 2.5 ، و ال outlet 3.00 هاتكون ايه النتيجة
علما بان عربيتي فيات اونو و مفيهاش غير علبة واحده في نهاية الشكمان و شكرا...
حتركب علبة على العادم الي عندك .. مش حتعمل حاجة غير صوت بس!!
عايز أداء يبقى وسع من الأول للآخر
يعني لو وسعت الأنابيب بتاعتك نصف أنش بس!! تبقى ميا ميا.. و تطلع وحححححش من الموتور!! :)
طيب سوري على كتر الاسئلة بس من الاول الي الاخر يعني يبتدي التوسيع منين من الهيدرز و لا منين و دا الاقية فين لو حبيت اغيرة و هل هايركب على الموتور عادي لو غيرته بقطر اكبر 1/2 بوصة و سوري انا عارف اني كتير الأسئلة
مفيش كتر أسئلة ولا حاجة والله .. أنت تأمر!! :)
من الأول لللآخر يعني من أول الهيدرز لححححححححد الآخر!!!
الهيدرز موجود عند أي حد بتاع جكمانات أو بيتعمل عمولة في الحرفين عندكم!!
بتوفق من عند أي حد بتاع جاكمنان هيدرز أوصع من الي عندك ب نصف أنش
او بتعمله عمولة و خلاص!!
ايوا بيركب لأن الي بسوع هو قطر التجويف فقط... مش الجسم بتاع الشاسيه كله!!
لالا مفيش كتر أسئلة ولا حاجة!! :) متقولش كده!! :E_braces[1]:
سمسم بالنسبة للعلبة ال بورلا طلعت
inlet 3" center & outlet 3 " offset
دي ممكن تكون مناسبة يعني اقصد مفيش مشاكل من قطر 3 بوصة للموتور
انت قطر مواسير كام أنش؟؟
3 كتيييييييير اوي!!
2 او 2 و نصف آخرك!!
موضوع ممتاز جدا وشكرا على المجهود الرهيب ده بس من غير ما ازعجك انا كنت عاوز اسال انا المكنه عندي 1600 cc بس 165 حصان 20 v صباب يبقى بردوا قطر المواسير 2 بوصه بس ولا الافضل ازودها ارجو الافاده وشكرا جزيلا
الشكر لله!!
مفيش أزعاج!! :)
انت تأمر
2 بوصة بردو كويس اوي.. هي أصلها راينجات!!!
كل سي سي و ليه الرينج بتاعه!!
أ كثر من كده لو متربن!! او ال سي سي عالي أصلاً!!!
عايز أقولك أن ال البيجو ال 2000 سي سي.. القطر بتاعها 1.8 أنش!!! و شوف بقا!!
هي الفكرة بس أن ال حصان عندك عالي!!! و لكن معتقدش انه يطلب اكثر من 2 بوصة
هل العربية عندك ممكتومة؟؟
الامر لله
العربيه مكتومه فعلا جدا بس هي راكب فيها شكمان من ساعه 1300cc وكان مفوت ورزع كمان علشان كده انا شاكك ان العلبه الي ورا مليانه زيت ومسدوده فا انا مش عارف لو غيرت العلبه الي ورا بس من غير ما اغير المواسير ايه الي هيحصل ولا هتطر اغير المواسير كمان ولا اعمل ايه مش عارف بصراحه
لا أنت وسع المواسير كلها ل قطر 2 بوصة و شيل العلبة الي ورا و حط علبة ديفيل و شيل العلبة الي في النصف "لو لسه موجودة"
جيب علبة بيئة جديدة!! " لو مكنتش لسه جبت" لن اكيد علبة البيئة طاااااالع بوذها مكان الزيت القديم!!!
و حتلاقي العربية معاك بقت شبه الغوووووووول صوت و جرررررري رهيب!! :)
جزاكم الله خيرا
باشا باشا باشا باشا
انا
عربيتي دايهاتسو سيريون
عاوز
اعمل شكمان كامل المهم روحت لواحد بيعمل شكمنات بص على
الشكمان وقالي هو 1.5 بوصه
اعمل انا ايه بقه ؟
1300cc عاوز اعرف بقى بالظبط اعمل ايه انا عاوز الصح عشان انت عارف الصنايعي المصري الأصيل بيحب يفتي فلازم اكون انا فاهم
انا روحت لواحد بتاع شكمنات قالي في نوعين من المواسير نوع مجلفن ده هتكون التكلفه 450
ونوع تاني بيقولي اسود وهيترش التكلفه هتبقى 350
وقالي هنخلي الماسوره 2 بوصه اعمل ايه ؟
حاجه كمان هو انا هشيل العلبتين ولا هعمل ايه ؟
هو قالي ممكن نسيبهم و ممكن نسيب العلبه الاولى ونغير العلبه الاخيره بديفل
ايه رأيكم
prince mechanical engineer wesh ;)
آآآآسف على التأخير في الرد والله لظروف الكلية و خلافه!! :(
المفروض لو عايز تزود الأدار بطريقة كويسة و من غشر متتعب نفسك ولا تكلفها.. ولا تتعب موتورك
حتزود نصف أنش بالكثير على قطر أنابيبك... و تشيل علبة النصف.. و تشيل العلبة الآخير و تركب علبة أوسع.. أو تركب علبة رياضية "و ده الي أنصحك بيه أن شاء الله!! "
و ده أن شاء الله كفيل أنه يفوقلك عربيتك طبعاً قطر المواسير الي حيزيد في ناس بتزوده من أول المواسير نفسها من بعد الهيدرز يعني!! و ده مش قد كده.. الأداء الصح بيطلع بعد متعدل الهيدرز!!!!
في أكثر من واحد بيعدلوا هيدرز.. المهم تجيب شكل هيدرز متعدل لعربيتك من برا .. و تروح بيه.. و تقوله عايز نفس التصميم ده .. بقطر كذا كذا "الي هو أوسع من قطر عربيتك بنصف أنش.. و بعد كده تركبه مع المواسير الجديدة .. "ال هي بردو أوسع من قطر مواسيرك بنصف أنش!!
و بالتوفيق!!
زود نصف أنش فقط على قطر عربيتك الأصلي.. مش اكثر من كده!!
أكثر من كده حتتعب موتورك ...
العلب شيلها.. علشان تديك أداء أحسن.. بس و ركب في الآخر علبة أوسع او سبور ... "الي هي ديفيل" !!
أنصحك بالمجلفن!! علشان ميجيش كمان سنتين و نصف و تتخرم منك!! :)