عرض للطباعة
موضوع جامد جدا واستفدت منه جدا.....وياريت الاخوة اللى ركبوا الديفل يضعوا فيديوهات للصوت زى المنتديات الاجنبية مابتعمل
ده فيديو لواحد صاحبي بعد مركب العلبة بتاعته!!
https://www.facebook.com/groups/3400...6148242404233/
و ده صوت علبتي!!
https://www.facebook.com/video/video...27178061&saved
موضوع زى الفل وميه ميه ايه الحلاوة دى ....:Ta_clap[1]::018A1D~146:.... مش فاهم أى حاجة :ma(30)::Copy of majd(2):
بهزر معاك يا حبى :shine[1]: بنكشك بس :Oc_sun1[1]:
بالعكس الحوار كله سهل وانت كاتب ماشاء الله شرح زى الفل وميه ميه ومبسط كمان :plusone1:
طيب أنا عايز أعرف هى علبة البيئة بتنزل فى كل محركات البنزين ؟
يعنى الموتسكلات الصينى فيها علبة مثلا ؟
حاجة كمان علبة البيئة عندى بايظة وأنا عندى حساس شكمان بعد العلبة
صووت العربية أعلى من أول
سحبها أعلى من أول
رائحة العادم غريبة ( هل دا عادم غير محترق ولا دا بسبب عدم قيام المحول الحفاز بدوره )
لا.. مش كل العربيات بتنزل فيها كده!!
الحديث كله بينزل فيه دلوقتي.. لأكن في عربيات موجودة في السوق قديمة شوية و كمان قديمة يعني.. و مفيهاش العلبة بتاعت البيئية
المفروض ان علبة البيئة لما بتبوظ بتتسد!! بالتالي بتخنق العربية!!
ده حسب معرفتي.. ممكن يكون القرايات فيها حاجة غلط من اللامدا سنسور.. بيدي أشارة للعربية أنها تزود بنزين أكتر... او حاجة.. مش عارف في أيه بظبط .. بس طبيعي ان صوت العربية يعلى و تتكم
رائحة العادم غريبة دي طبيعي المفروض نتيجة ان المحول الحفزي مش بيقوم بدوره كله. المهم متعرضش نفسك للعوادم دي....و متشمهاش بطريقة مباشرة!!
طالما مش ضايف حاجات لدورة البنزين من رافع اوكتان او منظف دورة بتنزين او رشاشات!! يبقى وارد أن الرائحة العجيبة دي تكون من المحول الحفزي.. او ممكن يكون من نوع البنزين نفسه.. جت فترة علينا في الأسكندرية في حتت معينة كان كل الي بيمون من بنزينه معينه.. كام بنزينه كده بالذات.. كان رائحة العادم بتاعها يبقى فيه حاجة!! رائحة عجيبة كده!! و طلع العيب من البنزين.. لدرجة أنها شكككت ناس كتير في عربياتهم!!! :whtauwant:
أنت قصدك وقود غير محترق... و الووقود الغير محترق.. بيكون علامته.. "رائحة بنزين ني" طالعة من آخر الجكمان...
و أحياناً يكون في هباب أسود.. نتيجة حرق غير كامل!!
أنا محتار
علبة البيئة ليها دور فى إن الموتور نفسه يحرق كويس ولا لأ ؟ ولا مش فى كل العربيات ؟
لأن فيه ناس بتشيلها كتير ... هل كل العربيات دى رائحة العادم فيها بتبقى غريبة ؟
هل العربيات اللى مفيهاش محول حفاز رائحة العادم فيها غريبة ؟ المفروض أيوة ؟
وبالنسبة لسحب العربية فهو زاد وصوتها على على الآربى أم القليل وعلى فكرة أجزاء العلبة من جوا بتتكسر وبتتطلع متفتفتة من الشكمان !
علبة البيئة ملهاش دعوة خااااااااالص بكفائة الحرق.. الكفائة بتاعت الحرق.. بتبقى من الموتور نفسه!!
علبة البئية.. بتاخد الأكاسيد الضارة.. بتحولها لأكاسيد غير ضارة و غير سامة!!
زي مثلاً أول أكسيد الكربون او ال NOx أو ال SOxلو موجودة في بعض أنواع البنزين كأضافة من النزينة!!
العربيات الي بتشيلها بصرراحة مقدرش أقولك رائحة العادم عندها عامل أزاي
بس يا سيدي الفاضل.. انا "بالنسبة ليا اانا يعني!!!" ررائحة العادم بتاع أي عربية غريبة!!! =))
سواء فيها علبة بيئة أو لا!! =))
و كون السحب على ده معناه ان العلبة بتفضى!! مش بتتسد!!
الطبيعي مع معظم الناس.. ان العلبة بتتسد و بتكتم العربية.. لكن من الواضح عندك أنها بتتكسر و تتفرغ من جوا فالكتمة بتاعتها للموتور تروح!!!
فالموتور أدئاه يتحسن و ده شيء طبيعي كأنك شايل اللعلبة بظبط!!
شيل العلبة من الآخر حيريح المكنة بس حتتحاسب عليه
العلبة ملحومة مينفعش أشيلها وفى نفس الوقت مش داخلة دماغى حكاية علبة استيراد وأقطع وألحم دى وأركب الجديدة
طيب لما علبة البيئة عندى ملهاش لازمة فى حريق الموتور ليه ريحة العادم عندى اختلفت كليا ؟ وأنا مغير بوجيهات وفلتر وكله تمام
وليه حاطين حساس شكمان قبل العلبة وحاطين واحد تانى بعد العلبة ؟
ليه حاطين واحد قبل و واحد بعد دي حاجة ترجع للتصميم بتاع العربية
موضوع الريحة مش فاهمه معلش.. بعد أذنك أشرحه لينا تاني بطريقة مفصلة.. بعد أذنك!! :(
أسف للأزعاج!!
أصل أنا شايف إن ممكن الحساس اللى بعد العلبة دا يكون نواتج العادم اللى طالعة بتخليه يدى قراءات غلط للمحرك فالاحتراق يبقى مش تمام
بالنسبة للريحة هى ريحة زى الريحة اللى تشمها من عربية قديمة زى الشاهين كدا لأن عربيتى تقريبا مكنش ليها خالص أو ريحة بسيطة جدا
بعد ما جابت كويل ومشيت بيها مسافة كبير يعنى احتراق غير كامل كان بيروح عند علبة البيئة ويفرقع فحرق علبة البيئة وكانت العربية بتطلع دخااااااااااااااااااااان مهبب
بعد ما ركبت الكويلات الجديدة العربية ضبطت والعادم راح لكن ريحة البنزين زادت
ممكن يكوم حساس البيئة باظ أكشف عليها كمبيوتر لو لاقيت حاجة غلط أو قراية غلط من حساس البيئة يبقى باظ مع الهباب الكتير الي كان طالع!!!
ممكن لما يتنظف يبقى تمام
ريحة بنزين كتير دي مشكلة رشاشات و حساسات بالتأكيد كانت عندي
العربية كانت بترمي بنزين ني مع أنها أنجيكشان بردك!! لما كشفت كبيوتر و عرفت العيب و صلحته مبقاش في العيب ده خلاص!!
شكرا يا أبو السماسم
متابع ..............
موضوع راائع بجد ... ممتاز و شكرا للمجهود الجميل
بجد موضوع جامد وشامل
السؤال هل ممكن يتم تركيبه علي كيا ريو سيدان 2013
والله موضوع جميل جدااااا
جزاك الله كل خير
انا عربيتى كريستاله 1300 cc ومركب علبه hks كبيرة مدوره
اعرف منين القطر 2 او 2,5
وشكرااا لحضرتك
بسم الله ماشاء الله عليك يا سمسم
انا عندي رائي بس ياريت ماحدش يضحك عليا ......:36_3_10[1]:
ينفع نركب مروحه صغيره تعمل زي الشفاط كده جوا العلب ديه او حتا في الماسوره ذات نفسها وشكرا
وانا قولت ماحدش يضحك عليا
علبة ايه؟؟ او شفاط أ]ه... مش فاهم قصد حضرتك!!
و مفيش حد يضحك أكيد!! الأفكر الجبارة كلها بتيجي في الأول بفكرة صغيرررة خالص..
أيه رأى حضرتك فى العلبة الريموس على جولف 3 2000 cc
انت جامد جدا
و الله موضوع جامد و مجهود ممتاز تسلم ايدك انا استفدت كتييييير جدا :)
الله عليك يا باشا موضوع رائع بجد
جزاك الله خيراً
حبيبى اتمنى لك الامتياز والتقدم وشكرا على الموضوع الجميل
بالتوفيق دائما ولك منى كل حب وتقديرواحترام
متشكر ليكم كلكم
شكرا جزيلا على المعلومات المفيدة
برجاء لى استفسار ليس بخصوص السيارات و هو غريب شوية
ولكنى لم اجد من يفيدنى فية
انا عندى مولد كهربائى 5 كيلو وات و صوتة عالى و مزعج
و جهزت مكان ب مدخل البيت تحت السلم لوضع المولد بة
ولطرد العادم الخاص بة خارجا احتاج الى ماسورة و بها 2 ثنيات ثم طرد العادم خارج البيت " المسقط"
وقطر الماسورة الخارجة من شكمان المولد 1 بوصة
هل ازيد قطر الماسورة الى 1.5 او 2 بوصة فى ماسورة التطويل ؟؟؟
هل لة تاثير على ماتور المولد او يضعف من قدرتة
وهل هناك حل لصوتة العالى
بتاع الشكمان قلى علبة البيئة عملة صوت كركرة وفكها وفضها من الفحم وركبها تانى فى مكانها واختفى الصوت من الشكمان ..... ياترا دا صح ولا ...
ما شاء الله عليك ربنا يجزيك خير على الموضوع الجميل ده.