أخبار المرسيدس 280 sel

**Ahmed Hassan** · 09-05-2008 03:03 PM

مستنيين موضوعك يا محمد عن استهلاك البنزين. انا عارف ان هيكون في الموضوع بعض الغلطات الاملائيه لأن عينيك هتكون بتدمع من السعاده بعد ما تعرف الاستهلاك :) احنا عندنا واحده 280 Se بس موديل 82 كاربيراتير مش انجكشن... ممتعه بس مؤلمه في البنزين.

على فكره داخل البلد خلي الفتيس على S بلاش D.... هيقلل استهلاك البنزين و ممكت تجيب على النقله دي لحد 120 كم/س

ربنا يباركلكم فيها.

**HISHAM80** · 10-05-2008 11:39 AM

why you don't modified to work with natural gas if there is any problems with natural gas the engine is powerful and will not lose alot of power

**mohamed ibiza** · 12-05-2008 04:54 AM

والله بالنسبة لموضوع الغاز مش عارف مفكرتش فيه قبل كده كمان هي هتبقي سفريات بس و في حالة لو الابيزا اشتكت او حصل عطل لقدر الله قالبنزين مش هيبقي كتير يعني و يا احمد قولي ايه موضوع النقلة s ده عشان انا برضه لسه جديد في العربية دي مش خبير يعني يا ريت تشرحهولي اشمعني النقلة دي بالذات بتقلل الاستهلاك

**Ahmed Hassan** · 12-05-2008 03:31 PM

المشاركة الأصلية كتبت بواسطة mohamed ibiza

والله بالنسبة لموضوع الغاز مش عارف مفكرتش فيه قبل كده كمان هي هتبقي سفريات بس و في حالة لو الابيزا اشتكت او حصل عطل لقدر الله قالبنزين مش هيبقي كتير يعني و يا احمد قولي ايه موضوع النقلة s ده عشان انا برضه لسه جديد في العربية دي مش خبير يعني يا ريت تشرحهولي اشمعني النقلة دي بالذات بتقلل الاستهلاك

هيه الفكره مش ان نقله الـ S بتقلل الاستهلاك... الفكره ان الفتيس لما ينقل اقل يستهلك بنزين اقل.. يعني لما بتحط الفتيس على S بيبقى عندك نقلتيت بس تمشي عليهم اللي هما L و S و دول كفايه داخل البلد لأنك تقدر تجيب بيهم لحد 120 مستريح. فيه عداد بيكون مكتوب عليه ECONOMY و ده بيبين العربيه ماشيه بطريقه اقتصاديه في البنزين و لا بتستهلك جامد.... لو بصيت على العداد ده هتلاقي بيبقى داخل في المنطقه الحمراء (استهلاك كبير) مع كل نقله... لو قللت مرات النقل بيكون دخوله في المنطقه الحمراء اقل.

**mohamed ibiza** · 13-05-2008 11:16 AM

اها فهمتك يا احمد باشا والله الفكرة دي جامدة جدا جدا ربنا يخليك و تقلل من بنزينها :):) اول ما تيجي العربية هعمل الموضوع ده بس حركة جامدة فعلا متشكر يا مان......:)