الموضوع: أخبار المرسيدس 280 sel

تم الكشف الكلي علي العربية جوا و برا و اتضح ان الاساسات كلها سليمة موتور ممتاز الحمد لله العفشة 100 100 الشاسيه زي الفل العضم سليم كان فيها بعض التجريحات و ترييحات كده و اترشت بس مفيش حاجة جوهرية تمس الاحواض الكرتيرات سليمة و مفيش بارومة.

-عموما العربية ممتازة طرمبة البنزين طلعت سليمة الحمد لله و عرفت ان سعرها 550 جنيه و حساسة جدا جدا جدا.
-العربية مقاسات الفرد 195\70 جانط 14 فيها فرد تيوبلس كورسا بالجنوط الاصلية سبور مرسيدس.

انا بقي في حاجات عملتها نضافة و نزاهة وافوق بيها العربية كده و في حاجات كانت محتاجاها فعلا نبتدي بالحاجات اللي كانت محتاجاها و اسعارها و جت منين..

1-تريجر بوكس:التريجر بوكس هو موزع الكهرباء بتاع الموتور بس مش بيحل محل الموبينا لا موجود مع الموبينا اللي كان راكب بتاع بي ام المهم سألت عند عبده سالم اللي ادام فولكس هاوس في شارع مراد قالي 550 جنيه استيراد بعدها انا وديت العربية لاحمد عبيد في المنيب وحش المرسيدس عنده ميدان مرسيدس ما لا يقل عن 30 عربية مرسيدس من اول العيون 2001 مرورا بالزلمكة و ال 280 بتاعتي و 380 sel و تمساحة 200 و 230 و خنزيرة 76 المهم ناس زي الفل جابولي سربنتينة تكييف و وشين فوانيس خلفية و التريجر بوكس و ناس سريعة جدا جدا كان بيكلموني و يقولوا حصل كذاكذا و احمد عبيد بنفسه ظبطلي التاكيهات و صوت العربية بقي ممتاز..دي الحاجات الاساسية اللي كانت عايزاها و سعر التريجر بوكس جابهولي ب 350 جنيه بدل 550 عند عبده سالم في شارع مراد و السربنتينة هجيبلكو سعرها لان لسه متحاسبناش بيظبط تظبيطات اخيرة و وشين الفوانيس الخلفية عند عبده سالم صيني الواحد ب 120 جنيه انا جبتهم استيراد و هجيبلكم السعر بتاعهم...البطارية جبتها ايه سي ديلكو 88 امبير ب 800 جنيه لقيت الفارتا كاتبين عليها 90 امبير ب 950 جنيه الراجل قالي خد ال ايه سي ديلكو نفس العمر و الكفاءة و ارخص جبتها من عند مرجو في القصر العيني...



الحاجت اللي انا عملتها نظافة و تفويق..

10 كيلو زيت فتيس موبيل اوتوماتيك سعر الكيلو 24 جنيه المجموع 240 جنيه.
فلتر زيت فتيس مايلي الماني اصلي سعره 55 جنيه.
6 كيلو زيت موتور موبيل اكس اتش بي 300 كيلو 135 جنيه.
فلتر زيت موتور هينجست الماني فلتر حشو 30 جنيه.
فلتر تانك بنزين الماني مايلي 85 جنيه.
جوان غطاء تاكيهات بالكاوتش 110 جنيه.
جوان كرتيرة زيت 35 جنيه.
6 بوجيهات بيرو الماني 1 شمعة 45 جنيه.
طقم سلوك بوجيهات بريمي الماني 295 جنيه.
شاكوش اسبراتير بريمي الماني اصلي شبه بتاع الابيزا بس حجمه اده مرتين سعره 55 جنيه.
الفتيس اتغسل بالسولار نضافه برضه.
جبتلها من عند عبده سالم ازازتين مياه رادياتير الماني كل واحدة لتر ونص 3 لتر يعني الاتنين بس ميه نضيفه اوي تحمي وش السلندر من الاملاح و تحافظ علي الحرارة و سألت احمد عبيد عليها قالي هاتها سعر الازازة 30 جنيه.
انا صرفت شويه بس الحاجات دي تفوق العربية و تشيل اثار الركنة و كمان عشان و انا راكبها و والدي بالاخص مفيش حاجة كانت هتبوظ من الركنة تبوظ و تقرفه العربية هغيرلها الشبكة اللي ادام هجيبها استيراد و التريجر بوكس جبتوا استيراد سعره جديد فوق 1000 جنيه
العربية انجكشن مش هاف انجكشن فلتر الهواء بتاعها متغطي بستانلس كده من برا تصنيعه لحسن من فلتر الابيزا كتييييير رغم اني بجيب فلتر فاليو الفلتر بتاعها mann.

بس كده العربية خلصت انا لسه هستلم من عند احمد عبيد لانه بيظبط اخر حاجة الكهرباء و التاكيهات بيعيد عليها تاني و كده و خلاص قولولي ايه رأيكم و معلش الصور لسه انا اصلي عايز احطلكم العربية و هي فلة و الشبكة بتاعتها شكلها مش لطيف بس انا قلت اعمل الموضوع اخبارالاسعار و الاماكن خصوصا احمد عبيد ده انا ذهلت لما شفت منظر ميدان المرسيدس اللي هو عامله و تجار قطع الغيار اللي بيروحو يصلحه عنده بصراحة راجل ممتاز و عامل سمعة حلوة هو في المنيب.............و العربية بتتظبط من جوا برضه كله عندي سمكرة و دوكو و ميكانيكا و كهرباء كله راجل جامد جدا جدا جدا قولولي رأيكم ايه في اسعار القطع و علي فكرة هي انجكشن و حطيتلها بنزين 90 و سحبها كان زي الفل
-نصيحة تاجر قطع الغيار اغير فلتر تانك كل 10000 كيلو لان الطرمبة حساسة جدا و لو دخل فيها اي شوائب ادفع 550 جنيه ثمن طرمبة جديدة علي طول و نصحني اغير فلتر زيت الفتيس كل 20 الف كيلو....

و برضه مع المرسيدس هيفضل توقيعي....................:)





IBIIIIIIIIIIIIIIIIIIIIIIIIIIIIIIIIIIIZZZZZZZZZZZZZ ZZZZZZZZZZZZZZZZZZZAAAAAAAAAAAAAAAAAAAAA FOR EVER