الموضوع: إستهلاك بنزين واجا 2009 - كام برو

شكرا لأهتمامكم كلكم ياشباب
أولا انا أغلب سواقتى جوا الفاهرة يعنى التوقفات طبعا معرض ليها بشكل كبير لأنى خط سيرى مدينه نصر وصلا سالم وأكتوبر واحيانا المهندسين وجامعه الدول وكلها منطاق زحمه
بس انا المرة دى أخدت العربيه وسافرت بيها وكانت التفويله مقسومه اتنين نصها جوه زحمه القاههرة والنص التانى على طريق السويس القاهرة رايح جاى ولقيت ان التفويله عملت معايا 500 كم تقريبا مشغل التكيف طول طريق السويس والسرعه من 120 ل 140 أعتقد ان الأستهلاك اتحسن بس ممكن علشان سافرت بيها وانا موضوع منظف الرشاشات هطبقه خلال اليومين دول ان شاء الله أول ما التفويله دى تفضى واهى على وشك وان شاء الله أشوف النتيجه واعرفكم

المشاركة الأصلية كتبت بواسطة defender

كان فى مشكلة استهلاك عالي في عربية صني 2011 تقريبا ، والتوكيل عندهم لما تاكد من حساب الإستهلاك واتضح انه عالي فعلا ، حلها بتغيير ضفيرة الماتور والإستهلاك اتحسن جداً ورجع احسن من الطبيعي بعدها ، فبعد تنفيذ نصيحة أستاذ توت ولقيت الموضوع زي ماهو ، ممكن تشوف موضوع الضفيرة دي ، واسأل بردو لأن معلوماتي بسيطة جداً فى السيارات ، ومش بحب اكون بفتي وممكن أغرمك حاجة تطلع غلط فى الآخر .

والله ياباشا نشوف قصه الرشاشات ومن هنا لصيانه ال 5000 الصورة هتوضح أكتر لو مجابش نتيجه يبقى اشوف قصه الضفيرة دى مع التوكيل وشكرا لأهتمامك

المشاركة الأصلية كتبت بواسطة tutankhamoun

كدا أن شاء الله معندكش مشكلة .
500 كم ÷ 40 لتر (تقريبا دي التفويلة ) = 12.5 كم لكل لتر ....... على سرعة 120 أو 140 دي أستهلاك كويس جدا .
و كمان الأستهلاك ده كان خليط ما بين جوه البلد و بره البلد على الطوالي
أتكل على الله و أطمن .......... كدا مفيش مشاكل إن شاء الله .
الأستهلاك الداخلي لا يُحسب كمعيار نهائيا لأن صعب قياسه يا أستاذ ميدو .
لأن العربية بتكون واقفة أو ماشية ببطئ و مع ذلك بتستهلاك بنزين و بالتالي أنت مش عارف هي فعلا أستهلكت كام لتر لكل كم .......
الأستهلاك الصحيح قياسه يبان في الطوالي .

إن شاء الله أنت معندكش أي مشاكل .
أهم حاجة تحافظ على صيانة عربيتك و خلاص كدا .
ربنا يباركلك فيها .

معلش ملاحظه صغيرة انا التفويله عندى 53 لتر تقريبا يعنى نقول 50 لتر ومعلش انا عارف انى صدعتك بالموضوع ده

تمام ياباشا تسلم على نصايححك وإهتمامك وشكرا ليك بجد انت أفدتنى جدا جدا وانا عينى على العربيه بشكل مستمر وان شاء الله تمشى معايا كويس دعواتك انت بس

المشاركة الأصلية كتبت بواسطة mido_295

السلام عليكم ورحمة الله وبركاته
ياشباب أنا حسبت معدل إستهلاك البنزين فى الواجا بعد صيانه الألف لقيت أن التفويله 53 لتر عملوا معايا 410 كم
يعنى تقريبا بمعدل 7.8 كيلو لكل لتر مع ملاحظه أنى مش دايام بشغل تكيف العربيه يعنى تقريبا تلت المسافه دى على تكيف 1 وأنى مش بسوق بكبس البنزين بدى العربيه راحتها فى أنها تاخد سرعتها التدريجيه ، أنا حاسس أن ده معدل عالى شويه أيه رأيكم أفيدونى أفادكم الله

[OVERLINE]
من فضلك اقراء هذا الموضوع
http://www.nilemotors.net/Nile/233917-a.html
لكي تطمئن وتعلم ان الاستهلاك بتاعك هو ده الاستهلاك الطبيعي تقريبا[/OVERLINE]

المشاركة الأصلية كتبت بواسطة mby

[overline]
من فضلك اقراء هذا الموضوع
http://www.nilemotors.net/nile/233917-a.html
لكي تطمئن وتعلم ان الاستهلاك بتاعك هو ده الاستهلاك الطبيعي تقريبا[/overline]

شكرا للإهتمام ولللإفاده وهقرأ الموضوع حالا إن شاء الله