السلام عليكم
أرغب في نصيحه من الاخوه بالمنتدي عايز اعرف لو قدامكم سيات ليون 2011 او مازدا 2011 الاتنين اعلي فئه
تختاروا ايه
بالنسبه ليه انا عدد افراد اسراتي 3 انا ومراتي وبنتي ايهم افضل بالنسبه للأعتماديه والوسع والامان
شكرا مقدما ليكم
عرض للطباعة
السلام عليكم
أرغب في نصيحه من الاخوه بالمنتدي عايز اعرف لو قدامكم سيات ليون 2011 او مازدا 2011 الاتنين اعلي فئه
تختاروا ايه
بالنسبه ليه انا عدد افراد اسراتي 3 انا ومراتي وبنتي ايهم افضل بالنسبه للأعتماديه والوسع والامان
شكرا مقدما ليكم
لو لااااااااااااااازم أوي جدا من دول يبقي سيات ليون لمجرد اني باشوف ناس راكباها علي عكس المازدا اللي ماحدش بيركبها (أو أندر بكتير حتي من الليون اللي أساسا بعتبرها نادرة). بوجه عام مازدا تسارع بطيئ والمقاعد الخلفية + الشنطة ضيقة. وماعرفش لييه باحس ان باستثناء الشكل ماتجيبش السعر اللي محطوطة بيه. الليون جزء كبير من سعرها موجه عشان امكانيات ماتعتبرش عائلية زي التربو و(حسب ما سمعت) سهولة تعديلها والعفشة الخ الخ.
لو عاوز تقارن:
اعتمادية: الاتنين مش منتشرين بالدرجة اللي الواحد يحكم بيها عليهم بأي شكل. بس لمجرد العلم الاتنين ماحدش حايتعامل فيهم برا التوكيل سواء كا صيانة او تصليح أو قطع غيار ودي ف حد ذاتها عييب خطير لأن التوكيل حايبقي دايما لاوي دراعك (خصوصا توكيل دك العرب).
الوسع: الي حد ما الليون تكسب. مازدا رغم شكلها ضيقة من ورا.
الأمان: المازدا أعلي في اختبار Euroncap حققت ال5 نجوم في حين السيات أخدت 4 (مش وحش برضه)
نرجع تاني نقول.. العربيتين ركوبة حلوة جدا وماحدش ينكر نضافتهم (برا مصر) أما في مصرنا المحروسة مع توكيلاتها وانتشارها واسعار الصيانة والتصليح وقطع الغيار وخلافه ماتنفعش. كمان حط قدام عينيك ان العربيتين (علي عكس مثلا الكورولا أو الفانتازيا أو التيدا وغيرهم) مش موجهة لأسرة وبالتالي مش حاتستفيد من كمالياتهم وحاتحس ان الحاجات دي مزودة سعر العربية رغم انك مش محتاجها أساسا. حاجة كمان مهمة جدا وهي سعر اعادة البيع واللي ممكن تفرق من 40 ل 50 ألف كمان مثلا 8 ل 10 سنين بين عربية منتشرة وسمعتها كويسة قدام عربية ماحدش يعرف عنها حاجة.
كلمة أخيرة عشان انا عمال أكتب كلام من غير ترتيب أو تنسيق:
لو انت عاوز حاجة لأسرة خليك دايما في المضمون والمتجرب حاتريح نفسك واسرتك وحاتوفر في حاجات تفيدك في مصاريف البيت بداية من المصاريف الدورية لسعر اعادة البيع.
ربنا يوفقك في الاختيار ان شاء الله
شكرا لرد حضرتك هي الفكره بس اني مش هبيعها بكره ديه هتبقي قسط يعني هفضل اسدد في تمنها يديك العمر ربنا بتاع ست سنين فمش عايز عربيه والسلامه فاهمني
بالنسبه للأوبشنز يعني انا كنت ببص علي الامان اكتر لكن انا شاب مش صغير اوي 29 سنه :( بس بردو ليه في السواقه السربعه سنه لما اكون وحدي
الأنتشار ليك حق هيفرق في سعر اعاده البيع ومعرفه عيوب العربيه.
هي مشكلتي اني مش مقتنع اوي بليون عمري ماعرفت حد ركبها ولا شفتها كتير فخايف اجيبها وتكون كلها عيوب
اما المازدا فيعني ليه اصحابي معاهم وهي بسم الله ماشاء الله عربيه كويسه جدا جدا
منهم لله بتوع المبيعات كل ماستقر علي عربيه يدوشوني بكلامهم لما خلاص اتهريت مبقتش عارف اقرر:01964e~163:
أغلب الإمكانيات الميكانيكية من تسارع و فرامل و ثبات .. الليون تكسب مع إن المازدا تكنولوجيا التعليق الخلفي أعلى ، الشكل مسئلة أذواق في حين إن المازدا من جوه جميله مع إنها مش واسعه أوي ، توكيل سيات سمعته أحسن بس شوف أسعار قطع الغيار هنا و هنا لإنك مش هتعرف تصلح دي أو دي بره التوكيل ، الراحه الاتنين ممتازين جدا و ارتفاعهم عن الأرض أعتقد قريبين لبعض ، الأوبشنز الخارجيه و الرفاهية المازدا أكتر و ده مناسب للعائلة.
لو أنا إمكانياتي المادية تساعدني إني أصرف على الاتنين .. أعتقد أنا هفضل الليون أكتر ، و ده لا يعيب من المازدا في شيء.
هل انت قارنت بين كذا عربية ف الفئة دى و ف الاخر استقريت ع دول ولا لأ؟؟؟؟
لو اجابتك اه ارشحلك الليون و بجدارة بس اتاكد من قطع الغيار وهل حتقدر عليها ولا لأ يعنى اسال ع المساعدين الفوانيس الصاج مقصات الحاجات دى هى المشكلة مش تسالى ع تيل فرامل مثلالا
لو لأ ممكن تضيف عندك التيدا ب 129 كاملة ممكن رينو فلوانس كمان
السلام عليكم,
العربيتين متقاربتين الى حد كبير, احييك على ذوقك أولا فى الأختيارات..:plusone2:
الموتور: الأثنين 1600 والقوة 105/110 حصان
الشاسيه والعفشة: (عشان الثبات والهاندلينج)
- الليون أصلها جولف.. يعنى Multi-Link (تعليق خلفى VW 4-Link)
- والمازدا3 أصلها فوكس.. ماتقلش عنها (Ford Control-Blade Multi-Link)
الشكل: personal taste وأنا رأيى الليون style اكتر!
الفتيس: هنا بقى الفرق كبير...
- المازدا 4-speed أوتو مع Over-drive اعتقد.
- الليون: لو ماكانتش DSG 7-speed هتكون Tiptronic 6-speed وفى الحالتين افضل من فتيس المازدا3!!
واعتقد معظم عربيات VW دلوقتى بقت بتنزل DSG
أنا لو مكانك... الليون أكيد (آه ونسيت أقولك فرق الصاج جاااااااامد لصالح الليون!) :grinder:
مقارنة التوكيل.. اعتقد محسومة: غبور مقابل SMG!!!
انا ميال ناحية الليون بمووووووووووووووووووووووو وووووووووت فيها
مع احترامي للاختيارات اللي حاططها قدامك طالما انك مش مقتنع أساسا بالليون اللي كله بيرشحهالك يبقي كل اللي انت عملته من الأول غلط في غلط. لو جبت عربية مش مقتنع بيها عمرك ما حاتستريح فيها خصوصا انك ناوي تخليها معاك قترة طويلة. لو فيه شك في عيوبها أو امكانياتها هي دي اللي تستدعي مقارنة أو لو شايف كذا عربية محببين ليك ومش عارف تختار. انما انك تحاول تختار عربية مش مقتنع أساسا بيها زي اللي بيحاول يقنع نفسه بحاجة هو مش حاببها أساسا.
وبعدين ميييييييين اللي قالك ان بتوع المبيعات بيدورو علي مصلحتك؟ انت أساسا مجرد واحد من الكام ألف عميل اللي تعاملو معاه قبل كدة. قبل ما أكمل كلامي حاديك مثال..
أخويا كان في الطارق (اللي في كارفور اسكندرية) بيسأل عن عربيات والبيه رشحله كيا ريو علي أساس انها نضيفة وجميلة ومهشتكة وكان فعلا حايقتنع لولا صحيته من الحلم وقلتله "انت شوفت كام واحدة منها في الشارع" وراهنته ان قريبا فيه شكل جديد نازل منها وبيحاولو يسربو الشكل القديم بسرعة ودا اللي حصل في شهر 7 وخليتو يعزمني علي عشوة مجانا عشان نجيته من المقلب اياه :grinder:
نفس الكلام. مندوب المبيعات له نسبة أعلي علي السيارات اللي مابتتباعش عشان حاتتركن وتعفن للسنة الجاية وبالتالي يقل سعرها ويخسرو فيها. فا تلاقيه (ولاحظ كدة وانت تتأكد من كلامي) دايما يرشحلك حاجات أساسا صعب تلاقيها في الشارع ونادر جدا مين يركبها ويقولك "أصلها محجوزة كلها بس لسة الناس ماستلمتش عشان العدد كبير"!!!!! ويرجع بعدها بدقيقة يقولك "احنا عندنا متوفر كل الألوان"!!! مش لسة قايلي ان كله محجوز وحاستني بالشهرين تلاتة :8954[1]:
بعد اللت والعجن ووجع الدماغ اللس سببتهولك حارجع تاني لكلامك
انت قولت انك "مش حاتجيب عربية والسلام"!!! وحد قال ان العربيات المنتشرة زي اللانسر والتيدا والكيا (سواء سيراتو أو كارينز) وغيرهم كتير يعتبرو "عربية والسلام"؟ ما برضه فيهم امكانيات وكماليات وخلافه. علي الأقل العربية اللي حاتدفعلها اقساط 6 سنين دي حاتبقي متطمن ان لو بعد الشر حصل حاجة هما تلتميت ربعميت جنيه يخلصو الموضوع عند الواد بلية بدل ما ينتهي علي سبع تمن بواكي في التوكيل. وعلي الأقل مش حايطلعلك واحد يقولك "للأسف الجيربوكس مش موجود منه دلوقتي استني شهرين لغاية ما الشركة تبعت تجيب" وتتشحطط في المواصلات رغم ان عندك عربية بمبلغ وقدره. مش دي حاجات برضه لازم تتحسب في الاعتمادية ولا اييييييييييييه؟
برضه انا ماليش غير النصيحة وانت عليك القرار... وان شاء الله حتاخد القرار السليم.