اقتباس المشاركة الأصلية كتبت بواسطة megamoudy مشاهدة المشاركة
هو لتر البنزين ف الموضوع ده بربع جنيه ولا ايه ................ انتو فايقين اوي يا جدعان تعلمو على بعض ......... اومال بتشتغلو امتى

ولما تجيبو السرعات العالية وتسابقو بعض على الطرق ومعاكو ارواح ماشية ف نفس طريقكو

ولما واحد تكونو انتو ماشيين جمبه ف الطريق ويلاقي السرعه العالية دي ويفقد تركيزه ويخبط عربيته ..........

سبحان الله .......... هي العربيات متجابة للسباق ولا ايه
والله معاك حق جدا وفي ناس كتير مبتبقاش مركزة فالطريق اساسا ولا بتبقا واخده بالها انك ماشي علي 140 او 150 مثلا ف ممكن ف لحظه هو مش واخد بالك او انت بتاخد غرزة ومهوش متوقع وجودك من اساسه وبينقل حارة ولا حاجه

وربنا ما يوريكم يارب حادثه ولا يكتبها علينا يارب لان بجد وعن تجربه انا ادري واحد بالموضوع ده
انا عملت حادثه موت قبل كده وكان معايه عربيه 128 ومكنتش انا الي سايق كان واحد صحبي وصحيت ف الطوارئ وموال كبير مش هحكيه بقا كفايه اني اقولكم اني بندم اني ركبت عربيات اساسا وحياتي اتقلبت مليون درجه واني مبعرفش اصلي الا علي كرسي ولو صليت وسجدت مع اني شاب وف عز شبابي ممكن المسمار الي ف عضمه الحوض بيعمل قفشه كده بتموتني من الالم

ملحوظه مفيش حد بيبطل جري ولا ركوب عربيات حتي بعد ما يعمل الحادثه ويخرج منها

معلومه اخري انا بسوق علي غلطات الناس الاغبياء الي ف حياتنا وبنقابلهم كل يوم ف الطرق يعني الحمدلله مبجريش الا فطريق يساعد وباخد كل احتياطاتي
والامان مفيش احسن منه

ووحدوا الله كده الموضوع مش مستاهل وبلاش جري وتهور لان نهايته وحشه وربنا ميكتبهاش علي حد يشوف الي انا شوفته ولا يعيش الي انا عشته ولا تبقا حياته زي حياتي بعد الحادثه حاسس اني عندي 60 سنه بجد ومش شايف امل ولا مستقبل ولا اي حاجه ربنا معاكم وافتكروا كلامي هتنسوا التخميس والجري والتفحيط وهتبقا العربيه مجرد وسيله مواصلات وفسحه وتمشيه مش اكتر