تحذير من شراء جولف 6 اقرؤه أولا

**waled4u** · 31-07-2011 01:37 AM

انا بتاريخ 7/4/2011اشتريت سياره ماركه فولكس واجن موديل جولف6 وبعد حوالى شهر ظهر فيها مشاكل بالفتيس فذهبت للتوكيل أكثر من 5 مرات مع العلم أنني من دمياط يبعد عن التوكيل 550كيلو فافاد المهندسين بالتوكيل أن هذا العيب عيب صناعه بالفتيس وأخذو تليفونى وقالولى احنا هنتصل بيك لما تيجي لينا قطع الغيار من ألمانيا وبعد فتره طلبونى وقالولى قطع الغيار جت وتعالى علشان نصلح الفتيس وفعلا رحت وقامو بتغيير قطع الغيار بالفتيس وفوجأت بأن العيب الموجود بالسياره زاد وأصبح يوجد بها أصوات غريبه وخبطات وأشياء أول مره أسمعها فى عربيه زيرو او حتى مستعمله ....أناحاليا أخاف من ركوب السياره وأخاف أن اعمل حادث أو تتعطل فى مكان غير آمن ولا أدرى ماذا أفعل فقررت اللجوء إليكم خصوصا وهى ما زالت فى فتره الضمان ولم تسير سوى 12000كيلو منهم 5000كيلو للتوكيل وهم حاليا رافضين للاستبدال انا اشتكيت للشركه الأم وقررت أعمل تنويه علشان ما حدش يشترى العربيه دى مع ان سعرها 205000جنيه وحسبي الله ونعم الوكيل

**HISHAM80** · 31-07-2011 07:53 AM

قدر الله وما شاء فعل لو حضرتك تابعت معانا في المنتدي المشكله مجوده في الجيتا والباسات الي بنفس الفتيس dsg حضرتك متسبش حقك لغاية لما يغيرو الفتيس في أعضاء معانا غيرو في الضمان وعلطول بيع العربيه لأن الفتيس ملوش حل لسه

**hakeemkimo** · 31-07-2011 10:30 AM

عليك وعلى جهاز حماية المستهلك ولما تروح التوكيل تانى وديها على ونش

**MASERATI** · 31-07-2011 11:12 AM

السلام عليكم و رحمة الله و بركاته

ربنا يعينك و ييسرلك أمرك و ان شاء الله, المشاكل كلها تتحل, مافكرتش ترفع عليهم قضية فى المحكمة و تطلب تعويض كبير جدا جدا على كل حاجة, على أنهم غشوك و باعولك عربية فيها عيب و أنهم اتأخروا فى تصليح العيب و أنهم أهملوا فى تصليح العيب بدليل أنه لازال موجود و أنهم تعاملوا معاك بشكل سئ و أخيرا أن العيب ده أكيد بيعرض حياتك للخطر؟؟؟؟

**waled4u** · 01-08-2011 01:02 AM

انا يا جماعه بعت شكوى لحمايه المستهلك وبعت للشركه الم ولسه مفيش اى رد فعل بس انا مش هسكت وهفضحهم فى كل منديات مصر وهرفع عليهم قضيه باذن الله

**beshomilan** · 01-08-2011 01:03 AM

ربنا معاك ويعينك عليهم

**aymaym** · 01-08-2011 03:40 AM

شكوى لحماية المستهلك فورا مرفق بها فاتورة وصورة الضمان ووصولات الصيانه محدد بها العيب وماتم به
ومتقلقش هيعوضوك

**SYD** · 01-08-2011 05:20 PM

حاول حضرتك معاهم تاني وتالت وماتكتفيش بالشكاوي والمحاضر والقضايا

اولا الشكاوي للشركة الأم دون جدوي
الشركة الأم هتعمل Forward للميل بتاعك للشركة في مصر والشركة فمصر هي الي هترد عليك

ثانيا المحاضر والقضايا مالهومش اي 30 لازمة في مصر عام 2011 ولحد مصر عام 2020 يعني معقولة القضاة هيسيبوا مبارك والعادلي وكل رجال النظام السابق وهيمسكوا يحققوا في موضوع فتيس عربية حضرتك ؟؟؟

اعتقد البلد اليومين دوول ماينفعش ترفع فيها اي قضية ولو ليك حق حاول تاخده بالمسايسة واخدان الحق حرفة

ربنا يقويك ويعوض عليك

والله المستعان
،
،

**Ahmed Selim** · 02-08-2011 11:20 PM

جربت تبعت للشركة الأم و توضح لهم أن المشكلة ما زالت قائمة و التوكيل مش عارف يحلها و بيرفض التغيير ؟؟؟؟؟؟

أصلك لو بتبعت تقول أن عندك شكوى وبس يبقى الطبيعى أنهم يعملوا forward على توكيل مصر و خلاص.

بس لو موضح أن التوكيل مش عارف يصلحها و مش راضى يغير و برضه مفيش إستجابة يبقى فيه حاجة غلط.

الموضوع: تحذير من شراء جولف 6 اقرؤه أولا

LinkBack

أدوات الموضوع

عرض

العرض المتطور

-

-

-

-

-

المواضيع المتشابهه

تحذير من شراء جهاز GBS NAvman

علامه تحذير في تابلوه جولف

حوار حول الدستور أولا ولا الأنتخابات أولا

تحذير من شراء العقارات في هذه المرحلة

الكلمات الدلالية لهذا الموضوع

المفضلات

المفضلات

ضوابط المشاركة