تحذير من شراء جولف 6 اقرؤه أولا

**waled4u** · 07-08-2011 01:03 AM

حسبي الله ونعم الوكيل تعالو ندعى كلنا عيهم واحنا ف رمضان

**zego2000** · 12-08-2011 05:27 PM

انا لسه جايب جولف 1400 tsi 160 hp
بقالى شهر تقريبا و ليا كلمه واحده عن الفتيس ده dsg
ابهار بمعنى الكلمة و متعه فى السواقة من الاخر كده العربية مزوده بواضع ابتسامه على الوجه طول ما انتا جواها عيبها الوحيد بالنسبة ليا شنطتها صغيرة حاجة كمان التوفير الرهيب فى البنزين مش حتحصل عليه الا لو استعملت cruise control اللى هو يعتبر اكتر من رائع بيخليك تسوق العربية زى الاتارى تدوس لفوق باستمرار العربية سرعتها تزيد طول ما انتا دايس عاوز تهدى السرعة دوس لتحت و تفضل سرعتها تقل طول ما انتا دايس و اول لما تشيل ايدك السرعة اللى عليها العربية تتخزن اتوماتيكى و تفضل عليها

**tksy1260** · 14-08-2011 08:31 PM

عليك وعلي الغش التجاري اللي في شارع القصر العيني فعن تجربة (بس مش عربية طبعا) أخذت فلوسي تاني

**TeMoON** · 17-08-2011 03:28 PM

الى الاخ وليد انت بما انك مش عارف تاخد مع التوكيل لا حق ولا باطل راسل الشركة الام فى المانيا وهما هيجبولك حقك من عندهم وقولهم الى حصل بظبط وان معاك فواتير وان معاك اوراق بس المهم وانك بتبعت البيانات بتاعتك دى تحط رقم الموتورر والشاسية وبيانات العربية وشوف هما هيعملو اية
الشركة الام بتخاف على اسمها جدا وبتحافظ علية فا جرب ومش هتخسر حاجة وربنا معاك
بصراحة انت لو كنت سالت فى الاول ماكنش حد هينصحك بالعربية لان فولكس الجديد كلة بيعتمد على الفتيس dsg ودا فتيس فاشل جدا فا ربنا يخلصك من الموضوع دا على خير وممكن تروح لجهاز حماية المستهلك بردو وهما هيتعاملو فية فا انت بس اتكل على الله واعمل دا وشوف هتوصل فى الاخر لئية وربنا معاك

**bassem.naguib** · 17-08-2011 09:34 PM

ممكن أعرف الفتيس ده فاشل في أيه بالظبط .. هل فاشل لوجود عيب في قطعة معينة فيه .. ولا فاشل في تصميمه من الأساس ولا يصلح .. وإذا كان لا يصلح لماذا عامل ثورة وضجة في أوروبا .

هل فيه استوك من الفتيسات دي نازل في العربيات اللي في مصر وبايظ ؟!! وتداركوا المشكلة دي بعد كدة .

**abouetta** · 20-08-2011 11:49 PM

المشاركة الأصلية كتبت بواسطة zego2000

انا لسه جايب جولف 1400 tsi 160 hp
بقالى شهر تقريبا و ليا كلمه واحده عن الفتيس ده dsg
ابهار بمعنى الكلمة و متعه فى السواقة من الاخر كده العربية مزوده بواضع ابتسامه على الوجه طول ما انتا جواها عيبها الوحيد بالنسبة ليا شنطتها صغيرة حاجة كمان التوفير الرهيب فى البنزين مش حتحصل عليه الا لو استعملت cruise control اللى هو يعتبر اكتر من رائع بيخليك تسوق العربية زى الاتارى تدوس لفوق باستمرار العربية سرعتها تزيد طول ما انتا دايس عاوز تهدى السرعة دوس لتحت و تفضل سرعتها تقل طول ما انتا دايس و اول لما تشيل ايدك السرعة اللى عليها العربية تتخزن اتوماتيكى و تفضل عليها

اتفق معاك انا لسه شاري سيات التيا 2011 و الفتيس dsg سبع سرعات رائع و مبهر بمعني الكلمة في كل شيء، و استهلاك النزين موفر بشكل لا يصدق.

**bassem.naguib** · 21-08-2011 02:46 AM

المشاركة الأصلية كتبت بواسطة ziabassem

ممكن أعرف الفتيس ده فاشل في أيه بالظبط .. هل فاشل لوجود عيب في قطعة معينة فيه .. ولا فاشل في تصميمه من الأساس ولا يصلح .. وإذا كان لا يصلح لماذا عامل ثورة وضجة في أوروبا .

هل فيه استوك من الفتيسات دي نازل في العربيات اللي في مصر وبايظ ؟!! وتداركوا المشكلة دي بعد كدة .

حد يفيدنا يا رجالة في الموضوع ده .. ولا محدش عارف .. ناس تقول ممتاز وهايل وناس تقول زي الزفت .. الواحد مبقاش عارف الحقيقة فين ؟!!!

**Hany Saad** · 22-08-2011 08:22 PM

المشاركة الأصلية كتبت بواسطة ziabassem

حد يفيدنا يا رجالة في الموضوع ده .. ولا محدش عارف .. ناس تقول ممتاز وهايل وناس تقول زي الزفت .. الواحد مبقاش عارف الحقيقة فين ؟!!!

الزميل العزيز....بعد أن أصاب سيارتنا التوران موديل أواخر 2010 عطل فى الفتيس الdsg....بحثت على الإنترنت و طلعت بالنتيجة دى:

طبعا الفتيس كتصميم و طبيعة عمل أكثر من رائع و موفر فى البنزين و كل المدح اللى زملائنا الأفاضل فى المنتدى قالوا عليه....إستجابة عالية جدا و تجميع رهيب و كل حاجة فى كويسة جدا....لكن و للأسف الحلو ما يكملش.....لوحظ فى عدد ليس بقليل من السيارات بعد حوالى 25000 كم من الإستخدام فى المتوسط ظهور عيوب تعليق و تخبيط و تهنيج فى الفتيس يرفض معه النقل إلى أى وضعية.....

الوكيل أول حاجة بيعمل reset و بيمشى الموضوع شوية و بعدين يرجع تانى....المشكلة إن العيب فى قطعة إسمها mechatronic control unit أو بالبلدى العقل بتاع الفتيس اللى بيتحكم فى كل حاجة....للأسف هذه القطعة غالية جدا....ثانيا تغييرها لا يحل المشكلة نهائيا و لكن للأسف بعد فترة قد تطول أو تقصر ممكن أن تعطب مرة أخرى....بالظبط زى عطل فتيس الmmt بتاع الكورولا....

يعنى الخلاصة الفتيس فوق الممتاز كإستخدام و لكن به عيوب قاتلة......