الموضوع: نوارة نجم اللي ما بتحبوهاش - ان الله لا يهدي كيد الخائنين

المشاركة الأصلية كتبت بواسطة تامر.محمد

عزيزي دكتور محمد , حيث ان طلبك الأساسي انك تشوف سرد الاحداث , و حيث اني تبينت ان عينك بتروح لوحدها على الجمل الاعتراضية فمش بتشوف الباقي .... اتفضل

اهلا بيك يا باشمهندس
راجع حضرتك مرة تانية ما اقتبسته من كلام مظلمة نجم ستجد ان كل ما اقتبسته من كلامها لم يكن سرد الاحداث كما قلت حضرتك انها تسرد الاحداث بل فقط اقتبست ارائها هي الشخصية وتعليقاتها وبالتالي فكل ما اقتبسته من كلامها مجرد هبل
وصدقني قرات المقالة اكثر من مرة وبتركيز جدا علشان اعرف الانسانة دي عايزة ايه لم اجد الا كل كره لكل ما هو اسلامي مهما ادعت

لا مؤاخذة لا تتجاهل تماما كل السرد اللي هي سردته و تنتقي بعض النقط للحكم على الكل ده يبقى اسمه تسطيح , ده اولا , ثانيا لا مؤاخذة نقطك دي ايه ؟ ا

ليس تسطيح يا باشمهندس لكن لما حضرتك تقول انها بتسرد الاحداث فقط ولا تقول رايها ثم استخرج نصف المقالة فاجدها مجرد اراء واتهامات من المظلمة نجم للاخرين فبالتالي ليس اسلوب انتقائي
اما ما جاء على شكل سرد فلم اعلق عليه لانه لا يذكر اكثر مما اعرفه عن معظم المرشحين للرئاسة خاصة د البرادعي ولم اصدم في شخصيته المهم ان المتيمين به لا يصدموا
ثانيا نقطي دي عبارة عن 10 مرات في مقالة واحدة فيهم اراء خاصة وحضرتك بتقول ان المقالة مجرد سرد للاحداث

تفرض على الناس ايه ؟ هي فرضت عليك ايه ؟
ثم ايه اللي بتقول انها عايزة تفرضه ده ؟ ان العسكر ما يحكموش ؟ لو ده اللي يبقى ده رأيها و من حقها انها تعارض ده, لو ده ما يفرقش معاك يبقى زعلان من ايه .؟ ادي كمان نقطة خلت تماااااااااااما من اي صورة للموضوعية

يا باشمهندس لما تهاجم غالبية المصريين بوصفهم من الاسلاميين والسلفيين حتي تصل للتهديد بحرقهم جميعا لو واد حصل له معرفش ايه يبقي بتفرض رايها
لما تذكر اكثر من 5 مرات ان العسكر يريدون السيطرة على الحكم يبقي بتفرض رايها
يا تاخد التوكيل الرسمي للحديث باسم اهل الشهداء وتفضل تتاجر بدم الشهدا اللى غرق هدومها زي ما بتقول وفي الاخر تقول محدش يتكلم باسم اهل الشهداء يبقي عندها شيزوفرينية
ومن حقها تعرض رايها لكن تقول رايي انا مش تتكلم باسم غيرها

سرد احداث سرد احداث , فين سرد الاحداث ؟ هي حكت حاجة خالص ؟ لا تقريبا انا باتكلم على تدوينة تانية , هو كل السرد اللي في التدوينة ده مش شايفه ؟؟؟؟؟ مش ممكن يعني
اما وجهة نظرها ان العسكر قفزوا على السلطة فكتير بيشاركوها فيها , المشكلة في اللي مش عايز يشوف
انا قلت ان نص كلامها سرد احداث لا نعلم مصداقيتها مصحوب ببطولات خارقة جعلتني اظن انها وحدها من نظمت مليونية 28 وتشكيك في الجميع واتهامات للجميع الخ الخ
والعسكر لو عايزين يقفزوا على السلطة كانوا قفزوا عليها من البداية
لكني احذر ان مسلك اسماء محفوظ ونوارة نجم وامثالهم وما يهدد به من اضطرابات كما حدث حين توجه المئات او الالاف يوم السبت السابق عليه للاحتكاك بالجيش والاصرار علي فرض رايهم وبث الشائعات التي لا تخدم الا مصالحهم التي لا ندري ما هي تحديدا واستمرار الحال على ما هو عليه سيدفع المزيد والمزيد من المصريين للحلم بحكم عسكري يريحهم من كل من يريد اقتطاع نصيبه في تورتة مصر حتي ولو على حساب اخر مصري

انت مصدق الكلام ده ؟؟؟؟؟ بجد انا مستغرب تاني
يعني لما العسكر يتسلموا الحكم بمؤامرة نفرح ؟؟؟؟؟
طب انت عايز حكم عسكري تاني بعد 60 سنة , براحتك , مصادر حق غيرك في انه يرفض كده ليه ؟؟؟؟
سوري يعني , كل واحد رافض ده من حقه يقول لك كلامك عليها ده ...... الا كل ده و لسه ما شفتش سرد الاحداث

بصراحة ومن غير زعل اه حكم العسكر عندي ارحم من ان يحكمني واحد من اللى بيتخانقوا دلوقت ومفيش حد منهم يهمه مصلحة مصر ولا المصريين كلهم بدون استثناء ولا يشرفني ان يتولي الحكم واحد ممن رايتهم في التحرير بالامس هم او من يمثلونهم
ومش بصادر حق غيري اللي بيصادر حق غيره هو اللى بيهاجم الاغلبية
اللي صادر حق غيره هو اللى اتهم 78% من الشعب بالجهل وعدم الفهم
اللى صادر حق غيره هو اللى قال ان صندوق الانتخابات لا ياتي بما يريده الشعب
اللى صادر حق غيره من استولي على توكيل دم الشهداء وكانه دم ابوه
اللى صادر حق غيره هو اللى منعني امشي في شوارع بلدي علشان هو عايز كدة
اللى صادر حق غيره هو اللى عمل اللي عايزه ومش مهم باقي البلد
اللى صادر حق غيره هو اللى وقف يفدي في الكنيسة بروحه ودمه ومستعد يحرق السلفيين ومصر كلها
اللى صادر حق غيره اللى مش شايف غير نفسه واللى بيمولوه وظر فيكي يا مصر انتى والمصريين
عرفت مين اللى صادر حق غيره يا باشمهندس ؟


طب ما هما متبعينه اصلا , امال اللي انت بتعمله ده ايه ؟
ههههههههههههههههه
كلامك يحمل اتهام لي اني سلفي وهي تهمة لا انفيها وشرف لا ادعيه
ولو اخذنا السلفي بمعني من يتبع ما كان عليهالصالح فانا سلفي ولا اعتقد ان هناك من يرفض ان يكون سلفي
اما لو اخذناها بمعني الانضمام لجماعة سلفية من الجماعات الموجودة على الساحة حاليا فانا لست بسلفي
ومش مطلوب مني اطلب الغفران او طلب السماح لا من مظلمة نجم ولا من غيرها


طبيعي طالما ما شفتش اي سرد احداث يبقى مش هاتشوف اي اهالي شهدا هههههههههههههههههههههه
طب ما فكرتش تسأل عليهم ليه ؟ اديك طلعت بتكذب بلا دليل و بتقدم صكوك غفران

اسئل مين عن مين يا باشمهندس
سؤال بجد هو حضرتك نزلت التحرير فعلا في الايام الاخيرة بعيدا عن ايام الجمعة ؟
يا ريت لو نزلت تبقي تقولي اسئل فين ما دمت حضرتك عارف
على فكرة عندي صور كتير وفيديوهات كتير لكن افضل عدم نشرها
وعيب جدا تقول اني بكدب بلا دليل عيب اوي توصفني بالكدب ولا نوارة بهتت عليك يا باشمهندس واصبحت مثلها تقذف الاخرين بما ليس فيهم ؟

همممممممممممم , عدنا للتقويل و التشويه , بصراحة بصراحة , ايوة حصل , خانوا عهد , و الاخوان اعترفوا عليهم , شاء من شاء , و استكبر من استكبر

تقويل مين وتشويه مين مظلمة نجم مشوهة نفسها بنفسها مش محتاجة حد يشوهها
ومن خانوا العهد هم من ظلوا يهتفون الجيش والشعب ايد واحدة وراحوا يضربوا الجيش
انا بعيني شايف امبارح عربية جيش كان هاينضرب اللى فيها لمجرد ان الظابط تايه ومش عارف يمشي منين
وشايف خناقة محترمة في التحرير ناحية المجمع بين شوية صيع بسبب واحدة ولما جيت اصور جري كام واحد منهم عليا ومنعوني من التصوير

سؤال غريب ما اجاوبش عليه هههههههههههه , و مرة 11 انا مصدقك و متأكد انك مش هاتشوفهم
لان ليس لديك اجابة

حصل , قبل التوافق اتقال زي ما قالت بالظبط - خيم دعارة و مخدرات , و بعده قالوا كلام تاني خالص , و كله متسجل في وكالات الانباء و اسأل حزب النور و دكتور محمد عبد المقصود
الشعب المصري الحقيقي ده اللي هو السلفيين مش كده ؟ هههههههههه

ليس لي اي علاقة بحزب النور او غيره انا مع الحزب الاكبر في مصر اللى محدش عارفه حزب المصريين العاديين اللى عايزين بلدهم تخلص وتنضف وتبدا تشتغل علشان تبقي بلد محترمة مش من انصار ثورة ثورة حتي خراب البلد لاخر طوبة

ههههههههههههههههههههههههه هههه بصراحة احيي الموهبة دي في اصطياد اي جملة اعتراضية , صباح الخير بجد


و للاخوة اللي بيصقفوا , الله يكرمكم ابقوا شوفوا بتصقفوا على ايه , بجد الواحد بيتقهر

صباح النور عليك
لما تبقي مقالة نصها اراء شخصية للمظلمة نجم وحضرتك تقول سرد للاحداث يبقي سوري يا باشمهندس
لما تبقي بتهدد بحرق السلفيين والمصريين يبقي شكرا
لما تبقي بتتهم الاخر بالنقاق والكذب وهي الملاك المطهر يبقي شكرا
لما تبقي دي لغتها في الكلام وما نقله زملائنا وما قراناه سابقا لها بفضلك يبقي شكرا
لما تبقي المتاجرة بالشهداء هي اللبانة الجديدة في ايد من يدعون الثورة يبقي شكرا
لما تبقي البلد واستقرارها اخر حاجة تهم المظلمة واتباعها يبقي شكرا
لما يبقي اهم حاجة عند المظلمة واتباعها التشكيك في الجيش المصري وادعاء ان المجلس الاعلي ليس الجيش يبقي شكرا
لما يبقي اهم حاجة هو دفع البلد لحافة الحرب الاهلية او المذابح يبقي شكرا
حقيقي شكرا

وللاخوة اللي بينقلوا تفاهات مظلمة نجم وامثالها، الله يكرمكم ابقوا شوفوا بتنقلوا ايه وبتدافعوا عن ايه، بجد الواحد بيتقهر

المشاركة الأصلية كتبت بواسطة youssef1967

ياراجل مش عيب عليك لما تاخد من وقتك وتنقلنا الكلام الأهبل ده؟؟؟؟ هى الست بقت مناضلة اهى دى نكتة لما بقينا نمشى ورا أسماء ونوارة

ايوة يا سيدي هما دول المناضلين الجدد والمثقفين والعلماء الذين يجب علينا الاخذ منهم والنقل عنهم
في زمن الانهيار يصبح امثال المظلمة نجم والغير مسماة الغير محفوظة هم الابطال والمثقفين

المشاركة الأصلية كتبت بواسطة hobiko

امال حضرتك شايف المفروض يبقى مين المناضلين ؟؟؟؟؟!!!!!!
المفروض يبقوا المناضلين هم من وقفوا في الثورة ثما عادوا لعملهم ليساعدوا على تقدمها وليس من وقفوا في كل مكان يطالبون بنصيبهم في التورتة ويدعون البطولات ويثيرون الفتنة والفساد ويسعون للخراب والدمار وجر شكل العسكر حتي نصل لحكم عسكري بمعني الكلمة او حرب اهلية داخلية كاليمن وسوريا وليبيا تنفيذا لمخطط اسيادهم
المناضلين هم العلماء والفقهاء والمجتهدين والرجال
هؤلاء هم المناضلين وليس كل من مسك ميكروفون في قناة مشبوهة

إلي كانوا ضد المظاهرات الفئوية و لما بقت في مصلحتهم أييدوها و دعوا ليها ؟؟؟؟؟!!!!!!

ويا ريت يبقي الكلام مباشر اكتر من كدة من غير لف ودوران
عارف انك تقصدني بالكلام ده
ايوة رفضت المظاهرات الفئوية التي خرج فيها الطامعين ممن لا يهمهم الا مصلحتهم الشخصية يريدون زيادة رواتب او تعيين اولادهم بعدهم في توريث جديد او يسعون لما ليس من حقهم وكل ذلك والثورة لم تنجح بعد ومبارك ما زال في الحكم والشعب ما زال في التحرير http://www.nilemotors.net/Nile/200514-a.html
وانا ايضا من قمت بعمل موضوع احذر فيه حكومة عصام شرف من عدم الاستجابة لمطالب اعضاء هيئة التدريس ولم يكن من بينها مطلب واحد فئوي بل كلها تستهدف تقدم هذا الوطن وكانوا كالعادة على قدر المسئولية ولم يفعلوا ما يستطيعون القيام به وبمنتهي السهولة رغم عدم الاستجابة لاي من مطالبهم حرصا على الطلاب وعلى الوطن http://www.nilemotors.net/Nile/220473-a.html
هل هناك جديد ؟؟؟؟؟؟؟؟