المشاركة الأصلية كتبت بواسطة khaledlouda88
أعزائي زملاء المنتدى كل عام وانتم بخير
معلش اسمحولي اعمل مقارنة من وجهة نظري المتواضعة بس هأزود الفيرنا وبلاش الإق تلاته علشانالتحفظات على الصيني كتير
الموتور الفيرنا يكسب قوي وسحب واللوجان في الوسط أما اللانوس فالتكييف بيكتف العربية
التكييف الفيرنا تكسب بعدها اللوجان أما اللانوس فكفاية مشكلة تكوين الثلج ممكن تقروها في المنتدى
الصالون اللوجان يكسب أعلى وواسع نسبيا واللانوس برضه أوسع من الفيرنا
خامات التقفيل اللوجان بعدا الفيرنا واللانوس زي بعض بس كله متواضعين
جزدة التقفيل متقاربين
إستهلاك البنزين متقاربين ولو ان اللوجان افضل
قطع الغيار الفيرنا واللانوس عند البقال على ناصية الشارع اما اللوجان فلازم التوكيل وسعرها أعلى بفرق ملحوظ
صيانة العربية الفيرنا واللانوس طبعا اسهل من اللوجان واسأل ميكانيكي يقولك الي معاه رينو الله يعينوا
سعر إعادة البيع الانوس وبعدها بقليل الفيرنا اما اللوجان فطسانة
أه نسيت الفرامل اللوجان ثم للانوس والفيرنا فلراملها مش اوي
الاتزان بعد المية اللوجان ثم اللانوس وبعدين الفيرنا
الارتفاع عن الارض اللوجان افضل بفرق بسيط ثم الفيرنا بعد تغيير العجل لاربعتاشر واللانوس
يعني القرار مبني على الاولويات
انا شخصيا افضل الفيرنا موتور قوي وسحب افضل وتكييف يتفوق (مهم أوي) وقطع غيار ببلاش وفي كل حتة ودول اولوياتي واخر واحدةاللانوس شيفورليه لو كانت لسه دايو كنت بعدت عن الرينو
على فكرة ماغبش حد صح وحد غلط ولولا اختلاف الاذواق لبارت السلع بس رتب أولوياتك