الموضوع: لوجان ولا شيفروليه لانوس؟؟؟

انا ركبت الفيرنا واللانوس واللوجان

بصراحه انضفهم اللانوس بدون مقارنه خصوصا انه كلهم مش بعاد عن بعض في الاداء بس والامكانيات

بس لما عرفت اسعار قطع غيار اللانوس بصراحه انشحكت وانا اشتريت لانوس ومش ندمان ولو رجع الزمن تاني هجيب لانوس برضو تاني

الفيرنا سيبك منه لانها فعلا اوحش من اللانوس في المشي والسواقه وفقيره جدا من جوه في الصالون وشكل الدركسيون وكل حاجه واضيق من اللانوس

اللوجان حلوه بس قطع الغيار حرام حتى لو علبه الدركسيون ب 2000 جنيه برضو غاليه على الفئه دي وكل اسعار قطع غيارها تعتبر غاليه جدا على الفئه دي انما اللانوس بقى حدث ولا حرج اصلى وكوري نضيف وحاجات متوسطه الجوده واستيراد كمان يعني متوفر منها كل حاجه ومنتشره ومحدش يقدر يغلي عليك لانه كله عنده حاجتها وعربيه عموما مفيهاش اعطال تماما غير الرشاشات بتبوز بعد فتره وبتتغير ب 200 جنيه وشكرا على كده انما هي ك عربيه سواقتها حلوه وثباتها مرضى جدا وصالونها حلو برضو وتكييفها ممتاز هي متورها بس اقل من فيرنا ولوجان

انا بصراحه مش عارف اللي داخلين متحاملين على اللانوس ليه ممكن تكون الشيفرليه وحشه

انما الدايو لانوس بصراحه حلوه جدا وانا معايا موديل 2000 سعرها اخره 43 لو نضيفه اوي

لو عايز اوتوماتك في منها بس قليل وممكن تجيب نوبيرا

الناس كلها متحامله على العربيه دي وانا كنت منهم بس غيرت رايي

انا كنت راكب نيو اكسنت ف النترا واضطريت اركب حاجه اقل

عايز اقولك بعد الالنترا ركبت الفيرنا وسوقتها انسى اني اشتريها ده حتى النيو اكسنت بعد ما ركبت الالنترا سوقتها مع واحد صحبي خوفت امشي بيها

مفيش غير اللانوس الي عجبتني بصراحه راكبها ومش متدايق اني راكب لانوس

وفعلا موضوع قطع الغيار واعاده البيع فعلا مهم جدا في السوق المصريه يعني ايه اركب ميجان ب 140 وبعديها بكام شهر لو اتنزقت (والله عند الله الابتلاء بيجي امت) ابوس على رجول الناس عشان ابيعها واخسر فيها نص تمنها مهي عندك نوبيرا ولانوس وعربيات كتير اوي الناس ممكن تسافرلك عشان تشتريها

وعموما المشاكل الي بتحصل عند الناس دي بتبقى فرديه يعني اللي قالك التكييف بيطلع تلج انا محصلش معايا خلاص وتكييفها ممتاز فعلا ومشييها حلو وعفشتها كمان وسواقتها حاسس اني سايق عربيه مش لعبه زي الفيرنا انت ب 47 الف تركب انضف لانوس في السوق و ب 50 تركب حاجه بقى محصلتش ريحه الفبريكه فيها من جوه

وموضوع قطع الغيار ده مهم جدا عفشه اللانوس على بعضها كلها كامله جديده وحاجات محترمه متعملش 1500 جنيه على بعض ده انا حتى نفسي اروح البس في رصيف عشان اغير العفشه كلها

استخير واتكل على الله

مع إني مش طايق الشيفرولية اللانوس، بس للأمانة أنا كمان محصليش أي مشكلة في التكييف طول مدة السنة اللي كانت معايا فيها، مع إني كنت بشغل التكييف طول الوقت، ومش بطفيه حتى في الشتاء.