ايه الفرق بين البلاك بيري و بين غيره من السمارت فون ؟

**MaZaGAngeE** · 31-07-2011 10:14 PM

طبعا من ناحية الأمان هوه الأفضل . لكن غير كده ايه اللي يخليني اشتريه و مشتريش اتش تي سي مثلا ؟

**MaZaGAngeE** · 02-08-2011 06:02 PM

ايه !!! محدش قادر يفيدنا في الموضوع ده و لا ايه ؟

**Curbis** · 02-08-2011 07:22 PM

مين قال ان من ناحية الأمان هو الأفضل

البلاك بيري كان اتمنع من الامارات فترة طويلة تقريبا بسبب اختراق الخصوصية والكلام ده تقريبا

وعلى فكرة كل السمارت فون فيها مشاكل الخصوصية

الفرق بينه وبين بقية السمارت فون هو نظام التشغيل

يعني الـ HTC عليه نظام اندرويد بتاع جوجل وده رغم انه لسه جديد انما متوقع يكتسح السوق العالمي ، هو مكنش منتشر في مصر عشان مكنش بيدعم اللغة العربية ، انما الفيرجن الجديد Gingerbird بقى بيدعم العربي

بالنسبة للـ Iphone ده عليه نظام IOS بتاع شركة Apple اللي بتعمل الماكبوك ، وكان مكتسح السوق برة قبل لما يظهر الاندرويد ، عيبه انه غالي قوي في مصر زي كل منتجات شركة أبل

الـ Samsung عليه نظام الـ Bada وده مشكلته انك مش هتلاقي له برامج وابليكشنز كتير زي الاندرويد والايفون

والنوكيا كان عليه Symbian وده بقى نظام عتيق قوي ونوكيا حاولت تطوره لنظام اسمه Meego بس فشل انه ينافس الاندرويد والايفون عشان كده اتعاقدو مع مايكروسوفت ، وكل السمارت فون الجديدة بتاعتهم هيبقى عليها windows 7 phone

أعتقد ان أحسن حاجة هي الاندرويد لأنه نظام مفتوح ومجاني وعملاه شركة جوجل (أي حاجة تعملها جوجل لازم تنجح) ، ولأن السمارت فون بتاعه بيبقى امكانياته كويسة رغم انه رخيص مقارنة بالبلاك بيري والايفون ، ولأن البرامج بتاعته منتشرة

**amribrahim** · 02-08-2011 07:31 PM

المشاركة الأصلية كتبت بواسطة curbis

مين قال ان من ناحية الأمان هو الأفضل

البلاك بيري كان اتمنع من الامارات فترة طويلة تقريبا بسبب اختراق الخصوصية والكلام ده تقريبا

وعلى فكرة كل السمارت فون فيها مشاكل الخصوصية

الفرق بينه وبين بقية السمارت فون هو نظام التشغيل

يعني الـ htc عليه نظام اندرويد بتاع جوجل وده رغم انه لسه جديد انما متوقع يكتسح السوق العالمي ، هو مكنش منتشر في مصر عشان مكنش بيدعم اللغة العربية ، انما الفيرجن الجديد gingerbird بقى بيدعم العربي

بالنسبة للـ iphone ده عليه نظام ios بتاع شركة apple اللي بتعمل الماكبوك ، وكان مكتسح السوق برة قبل لما يظهر الاندرويد ، عيبه انه غالي قوي في مصر زي كل منتجات شركة أبل

الـ samsung عليه نظام الـ bada وده مشكلته انك مش هتلاقي له برامج وابليكشنز كتير زي الاندرويد والايفون

والنوكيا كان عليه symbian وده بقى نظام عتيق قوي ونوكيا حاولت تطوره لنظام اسمه meego بس فشل انه ينافس الاندرويد والايفون عشان كده اتعاقدو مع مايكروسوفت ، وكل السمارت فون الجديدة بتاعتهم هيبقى عليها windows 7 phone

أعتقد ان أحسن حاجة هي الاندرويد لأنه نظام مفتوح ومجاني وعملاه شركة جوجل (أي حاجة تعملها جوجل لازم تنجح) ، ولأن السمارت فون بتاعه بيبقى امكانياته كويسة رغم انه رخيص مقارنة بالبلاك بيري والايفون ، ولأن البرامج بتاعته منتشرة

باشا بالعكس هو الإمارات منعت البلاك بري علشان الناس الغلط ممكن تستخدمو في حاجات مش مشروعة علشان البلاك بري مسنجر المسجات بتاعتو بتبقى صعب انك تقرها لو إنت عاوز تتجسس على مجموعة أو حاجة ذي كدة

**Curbis** · 02-08-2011 07:32 PM

شوف الـ HTC ده ، نزل في أمريكا الشهر اللي فات

هو لسه منزلش مصر بس جااااااااااامد

[youtube]http://www.youtube.com/watch?v=q1IhrSjMy0Q[/youtube]

**Curbis** · 02-08-2011 07:37 PM

المشاركة الأصلية كتبت بواسطة amribrahim

باشا بالعكس هو الإمارات منعت البلاك بري علشان الناس الغلط ممكن تستخدمو في حاجات مش مشروعة علشان البلاك بري مسنجر المسجات بتاعتو بتبقى صعب انك تقرها لو إنت عاوز تتجسس على مجموعة أو حاجة ذي كدة

صح كلامك مظبوط

آسف على الفتي ههههههههههه

تقرير بشأن اسباب منع خدمات " البلاك بيري " في دولة الإمارات - مكتبة الأخبار - منتدى الإمارات الاقتصادي - powered by Infinity

**amribrahim** · 03-08-2011 03:45 AM

المشاركة الأصلية كتبت بواسطة curbis

صح كلامك مظبوط

آسف على الفتي ههههههههههه

تقرير بشأن اسباب منع خدمات " البلاك بيري " في دولة الإمارات - مكتبة الأخبار - منتدى الإمارات الاقتصادي - powered by infinity

يا باشا ولا يهمك

**M.Zaher** · 03-08-2011 04:01 AM

الفرق ان البلاك بيري فيه البلاك بيري نيتورك

بس لو بتفكر في حاجة تانيه
Apple I phone is the model all competitors trying to follow

**E_Farid** · 03-08-2011 04:15 AM

من ناحية الأمان فمعروف أن البرامج مفتوحة المصدر تتفوق دوما في ناحية الأمان، وهذا يعني أن الأندرويد سيكون اكثرهم أمنا،
لكن مافيش حاجه في الكمبيوتر عموما اسمها آمنة 100% ﻷن هذا يخالف الطبيعة البشرية أصلا.

أندرويد زي اللينكس غالب اللي بيستعمله بيكون محب للحرية والخيارات التي لا تنتهي بلا قيود،

اما آبل فتتبع سياسة كل ما السعر زاد كل ما الناس جريت ورا المنتج، علشان كده تلاقي مثلا لابتوبات آبل نفس مواصفات أي لابتوب من توسيبا او ديل او سوني او اتش بي، وعلى الرغم من كده تلاقي سعره ضعفين أو 3 أضعاف نفس المواصفات من شركة تانية !
وعادي فيه ناس بتحب تجيب الغالي علشان غالي،

ويكفي اقولك ان iphone 4 فيه مشكلة في الشبكة بتاعته ولو مسكته بكامل يدك وانته بتتكلم الشبكة هتقع !!
ورغم كده كتير من الناس بتجري وراه علشان الإسم والشياكة والمنظرة ..

أما ويندوز فون فده المفروض يندثر بقى ويشوفله أي حته يموت فيها ..

-

الموضوع: ايه الفرق بين البلاك بيري و بين غيره من السمارت فون ؟

LinkBack

أدوات الموضوع

عرض

ايه الفرق بين البلاك بيري و بين غيره من السمارت فون ؟ - انشر الموضوع فى :

-

-

-

-

-

المواضيع المتشابهه

ايه الفرق بين البلاك بيري و الجالاكسي و الاي فون ؟؟

لخبراء البلاك بيري

سوال في البلاك بيري

البلاك بيري اتسرق ايه العمل؟

البلاك بيري ...

الكلمات الدلالية لهذا الموضوع

المفضلات

المفضلات

ضوابط المشاركة