الموضوع: تعديل للبونتو رجاء الترجمة و التوضيح

طيب هو حضرتك بتفكر تسقط موتور إيه ؟؟
الجيل الأول ده كان له مواتير أعلي من كده بس مش عارف نزلت مصر ولا لا ...
كان في 1582سي سي 87 هورس باور ... بس مش عارف هتلاقيه ولا لا ......
كمان أنا بحس أن العربية دي نفس شاسية السيينا 1st g ف ممكن تسأل ينفع موتور السيينا ال 1600 ...
وفي الأونو التربو ....
لكن الاتنين الأخرانين دول يمكن يحتاجو تعديلات ....

الاونو تربو موجود فى بورسعيد شوفت حد حاطة هناك و شوفت واحد حطة ساكن بالقرب منى بشوف عربيتة و هيا ماشية فى القاهرة مصر الجديدة فى شارع الميرغنى و مسقطلها تربو عرفتها من صوتها و شوفتوا مرة كان بيجمع و يفحت فى الارض جامد بس معرفتش اكلمة ولا مرة عشان اسالة و اى ماكنة للبونتو موجودة فى بورسعيد اى مكنة انتا عاوزها يجبهوالك فى بورسعيد و ممكن تيجى لحد مصر لو حد فى الحرفيين جامد شوية انا رايح اسال دلوقتى هناك و هشوف المكن و اسعارة اية و السيننا تركب على البونتو هما اصلا يعتبروا من نفس العيلة
البوجيهات السبليت فاير بالسلوك سمعت انهم ب 820 جنية دة عندى فى مصر الجديدة و من 8 شهور كدة الله اعلم دلوقتى عاملين كام و الهيدرز هيبقى غالى و علبتين شكمان نضاف و المصنعيات هتبقى مثلا 200 توتال فى كل التركيبات يبقى هيعملوا 1300 او 1500 كمان يبقى مكنة ولا تعديلات هههههههههه عالعموم هشوف المكنة دلوقتى و اعيد حساباتى
انا عن نفسى عايز اسقطلها البونتو ال 1300 زى بتاعها اللى هوا 1242 سى سى بس ال 16صمام المكنة دية بتدى 84 حصان و المكنة اللى عندى بتدى 59 حصان و جراية شوف بقى هتبقى العربية عاملة ازاى او اقل واجب اجيب ال 75 حصان و اعدل فيها شوية اوصلها ل 90 حصان ولا حاجة لو عرفت على عربية مفعوصة زى البونتو ان شاء الله تبقى عربية محترمة هههههههه
للعلم البونتو دية عربية مريحة اوى اوى و تستاهل فعلا الصرف انا كل ما بصرف عليها شوية بيبان عليها جامد اوى لان انا اصلا كان عندى اونو بصرف عليها بتبوظ لحد لما بيعتها و كل ما اروح لصنايعى بيعجب جدا بالعربية و يقولى حلوة اخرهم امبارح بتاع الشكمانات علما بانها شوارع من برة

البونتو التربو بتاع الجى تى موجود فى بورسعيد ب 4500 و البونتو ال 75 حصان موجود هنا 2500 ولازم يتركب كونترول يعنى الكومبيوتر بتاعة لان انا عندى الكومبيوتر بتاعة المكنة ال 60 حصان و تمنة الكونترول لوحدة ب 500 جنية ولاقيتة عند واحد تانى ب 900 لوحدة بس الموتور كل تمنة 2500 عندهم كلهم متفقين اظاهر يعنى 3000 و تسقيط 500 يبقى 3500