الموضوع: نفسك تفطر ايه النهارده ؟؟!

المشاركة الأصلية كتبت بواسطة tarekomar66

مش عارف اقولك ايه يا عمر
ياسلام على صينيه مكرونه فرن غرقانه بالباشامل مكبوسه لحمه مفرومه والوش مدهون بيض ومستوى ع الاخر وبتلمع مع حته لحمه بارده وجنبها الصوص بتاع اللحمه مع طبق سلطه خضرا بالبصل وجنبه طبق سلطه مايونيز وبوله شوربه كريمه على وشها عود كسبره خضرا
اوعى يا معلم
بالهنا والشفا

انا عايييييز افطر دلوقتى حاااالا :b4_384::b4_384:

المشاركة الأصلية كتبت بواسطة hugan

افطر اي حاجه لو حتي فول نابت
المهم انا هاموت من العطش
العطش العطش العطش
وبعد كده اي حاجه مش مهم ولا سجاير ولا اكل

الحال من بعضه يا باشا

المشاركة الأصلية كتبت بواسطة yasserelsayad

اول يوم رمضان دا بيكون دلع والحمد لله السفره بتكون عليها كل ما لذ وطاب

خلاص تعالى بكره و قولنا نفسك تفطر ايه يا حج ياسر :))

المشاركة الأصلية كتبت بواسطة No Comment

انا بأطالب الادارة بغلق هذا الموضوع ... لانه مفسد للصيام .
ده انا بقراه وانا فاطر وريقى جرى ... فما بالكم وانتم عاملينه وبتتكلموا فيه وانتوا صايمين اصلاً .
ده حتى الفانوس اللى عامله فكرى مش مظبوط المرادى ... أكيد من تاثير الكلام ده عليه وهو صايم .

ههههههههه ليه كده دى حتى المشاركات بيبقى طعمها حلو
و المرادى يا حاج احمد ماكنش فانوس ........ المرادى كان صباع كفته :))) بس فك منى شويه فى الزيت و انا بحمره فطلع بالشكل اللى شايفه ده :)


متنشاش بكره قبل الفطار تكتبلنا نفسك تفطر ايه النهارده

المشاركة الأصلية كتبت بواسطة tarekomar66

انا اخدت بالى اهوه يا فكرى وانته بتكتب على شكل فانوس رمضان وكل سنه وانته وكل الهونداويه بخير

ههههه لا م هو كل موضوع و شكله :)) النهارده الموضوع ده كان على شكل صباع كفته :)) بس مشوه شويه

و حضرتك طيب يا طارق باشا و الفخايده كلها فخد فخد :)