صيانة الألف للشارك في دايموند موتورز

**medociv** · 04-08-2011 11:02 AM

لو هو مهندس طويل واسمر يبقى م وائل
هما الصراحة محترمين جدا
وانتظرو مني قريبا تقرير عن صيانة الالف للبوما 2011

**szaalouk** · 04-08-2011 11:55 AM

الف الف الف مبروك
ربنا يديك خيرها و يكفيك شر طريقها و عقبال صيانه ال 1000000 انشاء الله .

رمضان كريم

**ma7oo** · 04-08-2011 03:26 PM

باسم الف مبرووووووووك عقبال 1000000000 كيلو .......كنت عاوز اعرف رقمهم والعنوان اروحلهم ازاى من المنصورة من على الزراعى؟؟؟؟

**basemsaeed** · 06-08-2011 03:44 AM

المشاركة الأصلية كتبت بواسطة just_magdy1

الف مبروك وعقبال صيانة ال 100 الف ان شاء الله
ياريت تقولنا هل شوفت او سالت عن الشارك 2011 هل فيها جديد عن موديل 2008 و 2009 وفئاتها ايه واسعارها كمان
مبروك مرة تانية

الله يبارك في حضرتك

انا فعلا شوفت الشارك 2011 و الاختلافات بسيطة جدا بينها و بين الموديل الاقدم
و ان شاء الله حعمل تقرير بكرةعن كماليتها و اسعارها
و اسف للتأخير في الرد

**basemsaeed** · 06-08-2011 03:52 AM

المشاركة الأصلية كتبت بواسطة tammmer

الف مبروك على الصيانة يا باسم
كنا عاوزين نركب بارك سنسور
يا تري سعرة كام فى التوكيل
وجهاز الانزار كمان كنا عاوزين نغيرة بواحد افضل
وكنا عاوزين نركب صب زى اللى نازل فى الخليجى
هما لو ياخدوا عربيتنا ويدونا بدلها موديل2011 يبقى مية مية
هههههههة

الله يبارك فيك يا تامر
بالنسبة للبارك سينسور و الانذار و اي حاجة متعلقة بالكهرباء
انا سألت في التوكيل,قالولي يستحسن تركبها عندنا عشان
الكهرباء متخرجش من الضمان

جهاز الانذار بتاعنا حلو على فكرة بش محتاج يتغير
انا بش عارف سعر السينسور كام,لاني لما روحت كانت قطع الغيار بش كاملة عندهم

هههههههههه,يدونا واحدة و يدفعونا تمنها

**basemsaeed** · 06-08-2011 03:57 AM

المشاركة الأصلية كتبت بواسطة devilishtigers

معلش هو الفرع الجديد اللي في ابو رواش ولا فين بالضبط.؟؟؟؟؟
تاني حاجة هو لازم الحجز بميعاد ولا ممكن على طول.؟؟؟؟؟
ثالث حاجة هو الزيت حضرتك اللي كونت جايب توتال معاك ولا هما اللي حطوه..؟؟؟؟؟؟
رابعا واخيرا
مصاريف الصيانة اخبارها ايه.؟؟؟؟؟؟

الفرع الجديد في ابو رواش قبل داندي مول
لازم تحجز الاول بالتليفون
لا ,هما اللي غيروا الزيت من عندهم
مصاريف الصيانة عادية
الزيت 4.25 ب 260 جنيه
و الفلتر بش عارف تمنه لاني اخدته مجانا
و المصنعية كانت تقريبا 90 جنيه

**basemsaeed** · 06-08-2011 04:01 AM

المشاركة الأصلية كتبت بواسطة m_marwan

أزيك يا باسم كل سنه وأنت طيب معلش أنا مسافر وبقالى فتره مكلمتكش

مبروك على الصيانه ربنا يباركلك فى العربيه

كنت عاوز أسألك أخبار زيت توتال ده أيه ؟؟ بصراحه الموبيل وان وحش أوى وعاوز أغيره على صيانه ال 20000 كم

ممكن تسألى صاحبك بتاع الرواس هل ينفع أشترى زيت أى نوع تانى وأخده معايا فى الصيانه وهما يحطوا ؟؟

رمضان كريم

الحمد لله
و انت بالف صحة و سلامة يا جميل
ترجع بالسلامة ان شاء الله
الله يبارك فيك
بالنسبة لزيت توتال هو كويس احسن من موبيل
من غير ما اسأل,اشتري الزيت اللي انت عاوزه,بس المهم يكون تخليقي,,و اديهم الزيت و هم يغيروه

الله اكرم

**basemsaeed** · 06-08-2011 04:05 AM

المشاركة الأصلية كتبت بواسطة bogy123

ارجو معرقه سعر الصيانه و سعر فلتر الزيت

الزيت 4.25 لتر ب 260
الفلتر بش عارف تمنه كام لاني واخده مجانا
بس تقريبا ب 60
المصنعية ب 90 تقريبا

**basemsaeed** · 06-08-2011 04:09 AM

المشاركة الأصلية كتبت بواسطة ahmed1718

الف مبروك على العربية بس احب ابشرك ان ده حال كل مركز او توكيل ف الاول بس

نضافة واهتمام بالعميل وعمل خصم غير مطلوب منهم ولو قطعة غيار بتشاور عقلها هتتغير وبعد كده هيقولك

بعد 6 شهور الحال هيبقا زى حال كيا ابو رواش على سبيل المثال علشان محدش يقول انى هتحيرز لحد

استفزاز ف التعامل
مفيش قطع غيار اسمها ضمان الا بالخناق
العربية تبقى حلوة قبل الصيانة وبعد كده متعفرتة
المواعيد زفت
وياااا لو عندك مشكلة اكنها حسبة برما الف واحد يفتى

من الاخر عملية الضمان والصيانات الدورية دى سبوبة مش اكتر

الله يبارك فيك

الصراحة انا معرفش حيبقى حاله زي بقية التوكيلات ولا لا
بس ممكن زي ما انت بتقول,مفيش شئ بعيد

يا رب يكون كويس فعلا بش في الاول بس

**basemsaeed** · 06-08-2011 04:18 AM

المشاركة الأصلية كتبت بواسطة sonasteel

ماشاء الله
الف مبارك عليك يابسوووووووم
ربنا يرزقك خيرها ويكفيك شرها
وتقرير ممتاز ....... وزيت توتال ايه ظروفه ؟ وبكام ؟ وحسيت بفرق بعد ما جربته يوم او يومين ؟؟
اقعد بالعافية :))

الله يبارك فيك يا سحس
امين يا رب
شكرا يا جميل,ده من ذوقك
زيت توتال كويس و احسن من موبيل و ممكن كمان احسن من شيل
انا عندي غير ال 4.25 لتر ب 260 جنيه

محستش بفرق في العربية عن الزيت اللي كان فيها

شكرا يا جميل على المشاركة
و نورت الموضوع و القسم

الموضوع: صيانة الألف للشارك في دايموند موتورز

LinkBack

أدوات الموضوع

عرض

-

-

-

-

-

-

-

-

المواضيع المتشابهه

تكلفة صيانة ال 40 الف كيلو فى الشارك عند دايموند موتورز .

حد جرب دايموند موتورز

هل فية خصم لحاملى الاستيكر فى دايموند موتورز

تقريري عن صيانة دايموند موتورز

تقرير صيانة الالف للانسر بوما2011-دايموند موتورز

الكلمات الدلالية لهذا الموضوع

المفضلات

المفضلات

ضوابط المشاركة