الموضوع: تقريري عن صيانة دايموند موتورز

من يومين حجزت صيانة عند دايموند موتورز التوكيل الجديد
[caution]للحجز اتصل بـ
35390902
35390903
35390905
35390906[/caution]
انا كنت رايح اغير زيت وفلتر وفلتر هواء واشيك على العربية كلها وبالمررة اشوف المكان عامل ازاي

بتدخل عادي من عند المعرض اللي على الطريق وبتطلع للاستقبال الناس هناك ذوق جداً جداً بيقولك ايه هيتغير في الصيانة والاسعار وبيطلع يشوف العربية فيها خبطات ولا لأ والاريال والولاعة والكلام ده.............

المكان نضيف جداً ويعتبر نقلة حضارية كبيرة بعد المكان الـ............. بتاع مصرية وفي تلفزيونات lcd وبلاي ستاشين 2
وفي ازاز بتبص منه على العربية والورشة نضيفة جداً ومنظمة مفيهاش نقطة تراب ولا زيت ومكيفة مش بيرمو العربيات في الشمس والتراب زي التوكيل القديم والعمال بيدلعو العربية بمعنى الكلمة لدرجة انهم لما بيشيلو الكاوتش مبيحطوهوش على الارض ،بيحطوه على ترولي زي بتاع المستشفيات
وعجبني ان المهندس بيعدي كل شوية ويشوف المشاكل بنفسه مش .......بلاش اتكلم
وبيكشفو على العفشة بلمبة نيون صغيرة وبينضفو فلتر التكيف والهواء ويرجلشو الفرامل وبيرشو عليها سبراي غريب كدة وبيعملو تشيك على الاضاءة
وبعد ما بيخلصو العربية بيغسلوها (من ضمن الصيانة مش بفلوس زيادة) وانا خليتهم غسلو الموتور بالفوم (على حسابي مش من ضمن الصيانة)
دي صورة العربية في الورشة


طبعاً بعد كل ده مستغربتش لما عرفت ان مدير الصيانة كان مدير صيانة دايهاتسو مصر المشهورين بنضافتهم وهو راجل محترم جداً اتكلمت معاه شوية

لو كنت فرحت بكل ده استنى كله بتمنه!!
المصنعية 326.5 جنيه مصري!
وتيل الفرامل لما سألت عليه لقيته فوق الـ500 غير المصنعية
والكارثة الكبرى لما سألت على طقم ريش المساحات بـ300 جنيه!!!!
وطبعاً كانت الحجة الشماعة اللي بنرميها على بعض ان الرواس بيجيب قطع غيار مضروبة واي كلام وهما جايبين الديب من ديله ونوعية الكلام اللي لا بيجيب ولا بيودي ده رغم اني لحد دلوقتي مش لاقي سبب يخلي ريش مساحات ب300 جنيه انشاله تكون مصنوعة في المريخ الشرقية

بس للأمانة فلتر الهواء عندهم بـ120 جنيه بس والرواس بـ200 وشوية ،مش عارف ايه نظام الاسعار عند الرواس بس انا جبت شوية اسعار للعفشة اللي بقالي 130 الف كم مغيرتش فيها مسمار على بعضه وطبعاً عايزة شغل جامد
قاعدة جمل 311 - قاعدة فتيس 497 - 2 مساعد أمامي 2178 - 2 مساعد خلفي 1104 - طقم جلب مقصات خلفي 300 - 2 مسمار ميزان 150- مقص أمامي يمين 856

لمبة التابلوه وقاعدة الجمل وقاعدة الفتيس ملقيتهمش عندهم ويا ريت لو حد عارف اسعار الحاجات دي في الرواس بكام يقول

بالنسبة للمبيعات الناس محترمين جداً واستاذ محمود هناك راجل زي العسل وفاهم كويس وهو اللي خفف عليا الملل وعارف ناس من نايل موتورز
بالنسبة للأسعار تيييييييييييييييييييييييي ييت الشارك ب162 الف وفراملها الخلفية درامز وفتيسها اوتوماتيك 4 نقلات!
هما قالو انهم هيغيرو المواصفات السنة الجاية واحتمال تنزل بالموتور 4a92 1600 مايفيك ،ادينا مستنيين لما نشوف

دي فئات الشارك والاسعار مكتوبة بالجاف فوق