الموضوع: هركب فاميه حرارى

كلام جميل جدا
يعني انا لو نزلت التوفيقية هدور على ايه وعند مين؟؟؟
يعني هقول عايز رول فاميه حراري تايواني؟؟
العربية بتاخد كم رول تقريبا؟؟
وكده كده انا متأ:د انه هيكسر من الشمس ولو 10 %

شكرا جزيلا لتجربتك دي وربنا يباركلك فيه

اى حد بتاع اكسسورات قوله عاوز فاميه حرارى وفى منوا درجتين درجه غامقه ودرجه فاتحت
متقلهوش نوعه تيوانى لان مفيش غير التيوانى اصلا
هتلاقى اغلبيه بتوع التوفيقيه جمله بس فى ناس كتير جمله بتبيع قطاعى تمام وان شاء الله خير
والعربيه بتاخد رول واحد

تسلم للشرح المبسط

بس احنا عايزين تقييم حرارى للعازل الحرارى

يعنى لما حتك هتمشى بيه باذن الله فى النهار ياريت تلاحظ هل فيه فرق و لا فى درجة الحرارة و كمية الحرارة و نسبة العزل كام فى الميه

و كل سنة و انت طيب

والله يا جماعه انا نزلت شويه الصبح محستش باللسعه الى بتبقى على الايد الى كنت بحسهاوحسيت بالحراره
على الدركسيون اكتر من البيبان لان مركبتش امامى وده معناه انوا فعلا حاجب الشمس والضور والحراره

ان شاء الله عاوز يوم ولعه كدا اشغل التكييف برضوا واشوف العازل فعلا هيحسن منوا لانوا هيقلل من الحراره الى دخله العربيه ولا لا
بس انا متفائل خير

فيه محل فى شبرا مصر عندنا عند المتنزه قاللى افيملك العربية ب 60 جنيه واى فاميه تختاره وكان ممكن تنزل ل 50 لو حضرتك عايز مكانه بالظبط قولى

تمام يا ريس سعره حلو اوى بس ده فاميه عادى هيتجرح منا لاستيكه ومع الوقت هيبان انوا فاميه
اما الى بتكلم عليه فعل امش باين انو فاميه كل الى باين ان العربيه مغسوله والازاز متلمع كويس وفى لمعه بسيطه

ده كده الحكايه ف اسيوط عندي حلاوه....واحد صاحبي فيم لانسر كريستاله ب 35 جنيه بس طبعا بالعافيه

تمام وفى عندى انا واحد بيفيم ب 20 جنيه
بس ارجع واقول تانى ده حاجه والى بتكلم عليى حاجه تانيه

في الانتظار
يعني الفاميه بتركيبه اتكلف 70 جنيه ؟!
للاربع ابواب والزجاج الخلفي ؟!
مكان الراجل دا فين علشان لو كدة هجيله وهو يظبط الليلة يعني :d

الراجل فى القناطر الخيريه اكيد هيبقى بعيد عشان كدا بقول اشتروا الرول وخلى حد يركبوا
وياخد مصنعيه بس لو حد عنده بنفس السعر يبقى خير وبركه

سؤال بس يا كبير ...هو ايه اللي ب 70 جنيه البكرة بس ولا البكرة بالتركيب ...و العربية بتحتاج كام بكرة و لما اجي اسال اقول عايز رول فاميه حراري ولا لي اسم معين ...و ياريت تقولي انت جبتو منين و ركبت فين ...ممكن يطلع جنبي ..انا في مدينة نصر

بالتركيب ب 70 جنيه والعربيه بتاخد رول واحد
حضرتك هتنزل التوفيقيه تجيب رول من هناك وتخلى حد يركبه
طبعا المكان بعيد لانى بتكلم فى القناطر الخيريه

الزجاج الخلفي و الامامي ..... و لا الامامي ملوش ولا ايه ؟؟؟

مش هينفع فى الامامى عشان هيجى حتتين انت بقى عاوز تركبه حتتين ماشى
عاوز تعمل فاميه فوق وتحت وتسبلك مستطيل فى النص انت وذوقك

مستنين التجربه الصبح لو كده هركب الغامق عندي في البابين اللي ورا و الخلفي عشان مثبوت عندي في الرخصه ( زجاج خلفي ملون).

لو منك فعلا اركب ازاز ملون استيراد

اولاً الف مبروك على تركيب العازل الحرارى
ثانياً ياريت تقولنا مدى فعاليته بعد التركيب وقد ايه تقريباً الفرق قبل وبعد التركيب
ثالثاُ واسف لو هاطول عليك بس دا بخصوص الأفادة لجميع الاعَضاء ياريت تقولنا أسم الرول من على العلبة الخاصة بيه وكمان درجة الشفافية والوضوح واللون قد ايه , وياريت كمان بقا مكان الشراء بالظبط أى أن كان مكانه وأسم المحل ياريت وأللى عاوز يروح ويجيب مننه
متاااااااااااااابع وفى أنتظار ردك

حاضر