سخونيه غير متوقعة من الباجيرو

**MaNoLa** · 02-08-2011 04:49 AM

من كام يوم كده و احنا بنكشف على الباجيرو عشان لو فيها حاجة تتغير اتصدمنا بأن الراجل بيقولنا انها سخنه جدا و هتسخن اكتر و مشكله الباجيرو فى السخونه طبعا انا اتصدمت لانى اصلا مختاراها و مفضلاها عن تويوتا برادو و حسيت بقهره جامده طيب اية الحل بقى فى السخونيه دى ؟

**mado_9999** · 02-08-2011 05:27 AM

كشف عليها فين فى التوكيل ولا فين لو عند ايه حد بره التوكيل لازم يكون فاهم فيها فى ناس متخصص فى العربيات

**mr_vampire** · 02-08-2011 05:48 PM

-هي فعلا غير متوقعة وغير منطقية بالمرررررررررررة.

باجيرو ايه اللي مشكلتها فالبرودة ده. معلش يعني مين الكفتجي اللي كشف عليها ده ؟؟؟؟؟؟

لو حصل وسخنت هتبقي حالة طارئة مثلا مروحة التبريد مبتشتغلش او ترموستات المروحة فيها مشكلة. انما يكون ده الطبيعي بتاعها معلش يعني ده مش فور باي فور صيني. ده ياباني والياباني عموما معروف بقدرته علي تحمل درجات الحرارة مابالك بقي ان ده باجيرو يعني الطبيعي بتاعها انها لجو ناااااااااااااااار.

هو اللي كشف عليها توكيل ولا مركز خدمة؟؟؟؟؟؟؟؟

اعتقد انه مركز خدمة لانه لو توكيل مش هيقول كدة علي عربيته.

**Ralliart** · 02-08-2011 09:35 PM

لا لو العربية سخنة يبقى فيها مشكلة انما ده مش الطبيعي بتاعها
انا كنت في الكويت ودرجة الحرارة فوق 45 والناس بتشغل التكيف وتدخل بيها في الصحراء والحرارة مبتزيدش
وأساساً لو كانت بتسخن مكانتش انتشرت ونجحت في الخليج
وكقاعدة عامة مفيش ياباني بيعاني من مشكلة حرارة أبداً

**raouf** · 02-08-2011 09:56 PM

هى ماشية كام كيلو ؟ وعرف ازاى انها سخنة ؟ وامبير الحرارة على الربع ولا النص
هل المتور ال3000 ام ال3800 ؟

طبيعة السيارات دى ان ماكينتها تطلع حرارة كبيرة فطبيعى تكون سخنة طالما الحرارة ماعليتش اكثر من النص يبقى سيبك منه بيفتى