الموضوع: بالعقل لو السيارة المصريه أغلى من الأجنبيه مش هتتباع و هتبقى مشروع فاشل

ماهي القصه بردو هتبيع اد ايه و المكسب هيبقى اد ايه ؟؟!
عموما طالما الصناعه وطنيه اكيد تكاليف الانتاج هتبقى اقل مع وجود كميات كبيره حسب الطلب
يعني الي يخلي عربيه زي ال 128 كانت بتنتج لحد 2009 مع انها مفيهاش اي ميزه غير سعرها الي كل شويه يعلى
لكن يعتبر نصها بيتصنع هنا

من المعلومات الي عرفتها ان مصنع النصر من امكانياته انه ممكن يصنع ماتور من الالف للياء
لكن للاسف كان فيه ضغوط خارجيه ماخلتوش يكمل مشواره و وقف عند التجميع فقط

اكيد هيراعى في السعر انه يكون في متناول الجميع + برامج التقسيط اكيد هتبقى موجوده
يعني اما تجيب عربيه ب 40 الف مثلا و هتقسطها علي 5 سنين يبقى هتدفع كام ف الشهر !! كلام فارغ طبعا
بلاش 5 سنين ممكن يتعمل برامج تقسيط توصل ل 8 سنين وماله ؟ ماهو زيتنا في دقيقنا و الهدف من الاول مصلحه المواطن و مصلحه الوطن


بالنسبه للاعلان اكيد هتتبدر ف كل حته + السعر المغري مع كميه الكماليات اكيد هيعمل اقبال ع العربيه

في حته زي روسيا معروفه اللادا و غباوتها و خشونتها الي مفيش زيها و شكلها الي زي الزفت
بس بردو بيركبوها و مابيركبوش المستورد و بيعتزو بيها مع كل عيوبها
ليه مانعملش كدا طالما المنتج هيكون كويس و طبعا هيراعا فيه الجوده و الدقه و دا من اهم الحاجات الي بندور عليها

المشاركة الأصلية كتبت بواسطة Mik_t4

العربيات الروسي دي جبارة بجد بس بعيد عن الادا

فعلا كشكل و أداء يا رب نبقى زيهم

المشاركة الأصلية كتبت بواسطة Car's Sniper

احنا عندنا ازمة ثقة فى المنتج المصرى لازم نحله الاول

لما الناس تشوف حاجة كويسة هتتحل لكن عمرها ماهتتحل بحملات توعيه ممكن كمان بأعلانات زى أحمد عز كدة الممثل لما كان عامل أعلان لشيفروليه

المشاركة الأصلية كتبت بواسطة saadelden

ازمة الثقه جت من انعدام الضمير و الكسل و التنفيض
يعني لو فيه هيئه اشراف بجد و فيه عقوبات لاي حد بيغلط اكيد مكانش دا حالنا

ابسط حاجه مفتشين الصحه الي بيلفو ع المطاعم و المحلات بيشوفو الاطعمه الفاسده
طبعا الي مابيدفعش بيلبس و الي بيدفع بيعدي
في السعوديه كنا بنشوف مفتشين الصحه دول بيدخلو المحلات و بيقلبو فيها من اولها لاخرها و يكتب تقرير
كتير نبقى قاعدين ف كافيتيرا مثلا و نلاقي المفتش داخل بيكشف و يشوفهم شغالين بايدهم ولا بجوانتي و الاكل محفوظ ازاي

دا جانب من الجوانب الي لازم تتطبق و كفايه رشاوي بقى البلد باظت و الشعب اتبهدل

عندك حق أنا وجهة نظرى أننا نجيب عساكر الجيش بدل ماتبقى واقفة فى الفنادق الموجوده تابعة للجيش و فيه عساكر كتير مالهمش لزمة لأ يبقى فيه مصنع وطنى لصناعة السيارات المدنيه و يبقوا شغالين فيه أهى أيد عامله وفى نفس الوقت رقابة من حديد




بالنسبه لـ mailo
لو رقابة جامده و يبقى فيه خصومات يبقى كويس جدا
كدة كدة العامل بيروح عشان يقبض لكن لما ميقبضش مش هيعمل كدة تانى
و يبقى فيه كاميرات تصوير عشان محدش برضة يتظلم
بالنسبه للفوسفات و الكلام دة مش المفروض يكون عندك مواد خام ؟
أنا مفهمتش حاجة كويس من موضوع النووى لكن فهمت أن لو مصر دخلت منافسة فى صناعة نادره هنتفوق فيها بس أنا معاك أن كلامك صح بس صناعة السيارات العالم كله على الأقل بيغطى أحتياجاته منها عشان كدة الجمارك و الضرايب عندهم عاليه لكن مصر عاليه ليه ؟ يبقى لازم الأول يبقى فيه ثقافة للناس و تبقى عارفة هيا بتدفع جمارك وضرايب أد أية فى سيارة تمنها كذا يعنى مثلا أنا بشترى سيارة بتمن جنيه بحوالى 20 جنيه يبقى أبقى عارفه الـ19 جنيه راحوا فين هيا دى الثقافة لكن للأسف فى مصر محدش بيدور على كدة خالص و أكيد لو فيه منتج وطنى الناس هتبدأ تفهم و أسعار المنتجات التانيه غصب عنهم هترخص كمان رغم أن فيه منتج محلى و أن الجمارك هدفها حماية المنتج المحلى لكن على الأقل السرقة هتقف