الموضوع: بالعقل لو السيارة المصريه أغلى من الأجنبيه مش هتتباع و هتبقى مشروع فاشل

المشاركة الأصلية كتبت بواسطة prisoner

لا فيه كتيير صناعات وفشلنا فيهم برضوا زى الكاوتش بتاع الشكمانات رديئ جدا وتخاف تشتريه من شكله واحتمال يبقى اغلى من الصينى الاحسن منه جودة وقيس على كدة حاجات كتيرة زى البلاستيك.

عشان مفش رقابة كافية على الجودة

المشاركة الأصلية كتبت بواسطة manola

mailo
البلد دلوقتى مش محتاجة صناعة مواد بسيطة عشان تتعدل , البلد محتاجة صناعات تقيلة و تقدر تصدرها للعالم العربى ثم الأفريقى و الأسيوى ثم الأوروبى و أكيد مفيش دولة خاليه من الصناعات الخفيفة يبقى أحنا بقى نحاول نعمل صناعة عليها أقبال سواء محلى أو عالمى و فيها مكسب كبير , لكن مظنش و أستحاله تصدر سيارة سعرها فى مصر عالى يبقى بعد التصدير كمان هيبقى سعرها أية !! يبقى الصناعة برضة هتفشل

جميل قوي اعمل صناعة كبيرة قوي بس مش لازم يعني تبقى عربيات فيه صناعة كبيرة بالعبيط ممكن نشتغل فيها
وال أحسن إنها تكون حاجة ليها معاير جودة مخصوصة وحاجة تكون في شغلها خطر جدا ومتكونش متاحة للجمهور
يعني لو عملنا 10 مفاعلات نووية عندي أحسن من عربية واحدة

وممكن نشوف إيه اللي بيصرف كتير قوي في استيراده ونصنعه ونصدره

وبالنسبة للتصدير إزاي أروح دولة عربية وأقول لهم اشتروا عربية أنا بعملها ب 20000 أو 40000
هيشتروها ليه عشان مفيهاش امكانيات ؟ ولا عشان اسمها اللي مش معروف ؟
وطبعا احنا عارفين الخلايجه عربياتهم مواصفاتها إيه
يبقى الأحسن إني أشوف إيه الصناعة اللي ممكن تتصدر واصنعها حتى لو كانت اكياس بلاستيك
المهم إن يكون ليها الزبون بتاعها وبعدين احنا مش محتاجين ننزل في حاجة المنافسة فيها قوية قوي
عشان نجاحنا فيها يكون أسهل نسبيا وناخد منها خبرة وبعدها نكمل بقى فالأصعب

يعني مثلا إنت من اكبر مصدري الفوسفات الخام وبيشتريه ناس فالهند واندونيسيا ويصنعوه ويبيعوه باضعاف الاضعاف
اعمل مصانع هنا وبدل متصدر كام مليون طن كل سنة خد منهم كام طن صنعهم إنت وصدر أو غطي احتياجك منه