انا محتار بين الكاميرا الخلفية و الحساسات الخلفية؟؟!!

**saddam** · 09-08-2011 03:11 PM

المشاركة الأصلية كتبت بواسطة egytamer

طيب لو ممكن سؤال هلي جودة الكاميرا بتكون كويسة فممكن استخدمها بدل المرايات وانا ماشي في الطريق وهل تنفع بالليل ولا بليل مش هتبين اي حاجة.

أنا مركب شاشة نظيفة وكاميرا نظيفة ومعدتش أستخدم المرايات إلا للتسلية فقط بس إنتبه لازم الكاميرا يكون فيها حساس ليلي شرط أساسي عشان في كاميرات عادية أي كلام وبصراحة الكاميرات في مصر من وجهة نظري ضرورة وليست كماليات ياما الواحد بيرجع ورا يلاقي وراه عيل ولا حاجة أقصر من العربية ساعتها كنت حتقول يا ريت اللي جرى ما كان وحصلت معايه مرة وبسبب الكاميرا ربنا ستر

**aymanshebl** · 09-08-2011 05:40 PM

المشاركة الأصلية كتبت بواسطة saddam

أنا مركب شاشة نظيفة وكاميرا نظيفة ومعدتش أستخدم المرايات إلا للتسلية فقط بس إنتبه لازم الكاميرا يكون فيها حساس ليلي شرط أساسي عشان في كاميرات عادية أي كلام وبصراحة الكاميرات في مصر من وجهة نظري ضرورة وليست كماليات ياما الواحد بيرجع ورا يلاقي وراه عيل ولا حاجة أقصر من العربية ساعتها كنت حتقول يا ريت اللي جرى ما كان وحصلت معايه مرة وبسبب الكاميرا ربنا ستر

طيب ممكن اسال حضرتك جبت الكاميرا و الشاشة منين و بكام و هل هى شاشة بس ولا دى فى دى و شكرا

**king516** · 09-08-2011 05:48 PM

ادخل على المركز اليابانى فى ميدان الحجاز هيعجبك جدا جدا جدا وتلاقى رد لكل استفساراتك لأنى كنت محتار زيك كده وهما بأمانه ناس محترمه وفهمىن شغلهم غير انهم وكلاء لماركات متيره زى كلاريون وبيونير

**saddam** · 09-08-2011 06:01 PM

المشاركة الأصلية كتبت بواسطة aymanshebl

طيب ممكن اسال حضرتك جبت الكاميرا و الشاشة منين و بكام و هل هى شاشة بس ولا دى فى دى و شكرا

بص ركز معايه أنا عربيتي فيها دي في دي شاشة وتاتش وأغلى حاجة في مصر بس قلنا ونعيد تاني مش صح تركب الكاميرا على المرشدين بس لازم المحترف يركب شاشة دائمية ومستقلة للكاميرا الخلفية والشاشات أنواع يا صحبي بتبتدي عندك من 120 جنيه لغاية 1500 جنيه وأنا في عربيتي 9 شاشات من 1500 جنيه كنت عاملهم قبل منفلس بسبب الثورة وأم 120 جنيه دي زي بتاعت التكسي والتكاتك أما أنا ركبت فين فأنا ركبت عند أدريان في المطبعة الهرم بس هل يا ترى حيعملولك شغل بمستوى شغلي فأنا معرفش بس هم كويسين ومحترمين في الفرع ده غير فروعهم التانية مش أد كده وربنا يوفقك وتعمل الصح وسلامات أنا لسه شاري العربية رقم 5 في مجموعتي الخاصة وحروح أركب حساسات وكاميرا وشاشات وشوية إفتكاسات وربنا يسهلها على الكل

**ahmedsamy90** · 20-08-2011 08:00 AM

نصيحة بلاش الباركينج سنسور و خليك فى الكاميرا أحسن
الباركينج سنسور بيخرب شكل الإكصدام و لو رصيف واطى شوية مش هيلقطه ..... لأن هوا بيلقط الأجسام اللى قدام الحساس مباشرة خط مستقيم لا يمين و لا شمال ........ و بيبوظ مع الوقت .
ميزته الوحيدة انه رخيص شوية عن الكاميرا و الشاشة.
- ممكن أفضل تجيب مرايا بلوتوث و توصل عليها الكاميرا أحسن.
و القرار ليك فى الآخر....

**saddam** · 20-08-2011 08:33 AM

المشاركة الأصلية كتبت بواسطة ahmedsamy90

نصيحة بلاش الباركينج سنسور و خليك فى الكاميرا أحسن
الباركينج سنسور بيخرب شكل الإكصدام و لو رصيف واطى شوية مش هيلقطه ..... لأن هوا بيلقط الأجسام اللى قدام الحساس مباشرة خط مستقيم لا يمين و لا شمال ........ و بيبوظ مع الوقت .
ميزته الوحيدة انه رخيص شوية عن الكاميرا و الشاشة.
- ممكن أفضل تجيب مرايا بلوتوث و توصل عليها الكاميرا أحسن.
و القرار ليك فى الآخر....

كلام الأخ الصديق إنو بيوز بعد فترة ففيه شيء من الصحة بس بأي حال من الأحوال مش حتقل عن سنتين أما الحساسات مش حتلقط غير خط مستقيم فدي معلومة خاطئة جدا والحساس بيلقط بطريقة زي النور موجات توسعية يعني مثلا لو ركبت عدستين في نص الإكصدام ومحطتش في الأجناب لأن الحساس بينزل 4 قطع حيفضل برضو لاقط يا صديقي آخر جانبي الإكصدام ولك مني التحية والراجل اللي يحب يريح نفسو والصح يركب الجهازين وممكن مؤقتا تركب شاشة عادية مش شرط غالية من أم 130 جنيه وهكذا وتقبلوا مروري

**romioramy** · 20-08-2011 10:47 AM

باشا انا رايي الشخصي ... الاثنين حلوين و مفدين جداااااا

انا مركب كاميرا على الدي في دي و مركب سنسور باركنج 6 حساسات 4 خلف و اثنين امامي لإن الكارنز ضهرها عالي و العربية طويلة فالرؤية الخلفية تقريبا منعدمة و كمان والله كنت هشيل عيل صغير قبل ما أركب اي حاجة كان واقف ماسك يد امه و وواقف عند علامة كيا تقريبا و قصير يعني مش باين من مرايا خلفية و لا جانبية و ماكنتش شايف غير امه بس و كانت بجنب العربية بس ربنا ستر و لقيت امة محمد بتخبطلي على العربية و بيقولولي فتح عنيك يا عم القطر .... مش هطول عليك المهم روحت بسرعة بعديها و ركبت الاثنين فعلا لتفادي مثل هذه المواقف و لله الحمد،

المهم الكاميرا ماتقلقش من موضوع باليل ده خالص لإن نور المارشدير الأبيض قوي و بينور تمام و بالنسبة للدي في دي اللي هوا كامل باللبوتوث و الولاد عندك هيتبسطو بيه جدا و لو شغال فيلم مثلا و اول ما تجيب r و ترجع ورا يوقف الفيلم و يجبلك الكاميرا الخلفية .

أما السنوسور لازم تجيبه لإن صوته مهم جدا لو بتقرب من شئ خلف السيارة يبتدي الصوت الإنذار يسرع لحد ما يكون صوت متصل غير متقطع و فيه شاشة صغيرة بتبين كام سم باقي على هذا الشئ .

فرأيي الثنين مهمين جدا و لو الفلوس مقصرة معاك شوية خلاص إبدء بالكاميرا ثم ركب السنسور لإن الكاميرا كمان فيها تدريج بالشاشة يوضح مدى قربك من الاشياء بالخلف السيارة .

**michohat** · 28-01-2014 12:00 PM

موضوع جميل ومقارنه موضوعيه
شكرا لكل من نصح او ارشد

**Gamal.Eid** · 28-01-2014 03:19 PM

المشاركة الأصلية كتبت بواسطة king516

بص يااستاذى انا مركب الكاميرا عندى فى الأسبرانزا عشان الشنطه عاليه الى حد ما وطبيعه شغلى واعمالى بتخلينى ادخل فى حتت ومناطق لايعلمها الا الله وحده فعشان كده ركبتها لكن بص :

لو هتركب كاميرا :

يلزمك وجود dvd سواء بقى كان مرايه او شماسه او تابلوه ( فبريكه العربيه ) يركب عليها الكاميرا وبدون اى مشاكل اطلاقا وهتفيدك جدا جدا

لوهتركب حساسات :

مش محتاج كل ده لكن الكامير افيد

ولو قولتلى على نوع عربيتك هجيبلك الحل والخلاصه بالصور لأن عندى صور جميع اجهزه الدى فى دى لجميع الموديلات الحديثه

انا عايزاركب للفلوانس عندك صور ليه

**ahmedelfeky** · 31-01-2014 04:20 AM

المشاركة الأصلية كتبت بواسطة Gamal2000

انا عايزاركب للفلوانس عندك صور ليه

احنا مركبين الاتنين هو جهاز واحده كاميرا +4 حساس ركن الكاميرا بتشتغل بس لما تجيب ال R اللينك ده في كل التفاصيل والعربيتين فلوانس الشكل الجديد

http://www.nilemotors.net/Nile/398450-2014.html