قدامي سيفيك 2009 أعلى فئة. أخلص ولا لأ

**Mahmode** · 26-08-2011 01:07 AM

شكرا أستاذ CosmicOne وأحترم رأيك وعاوز بس أقول لحضرتك إني قارنت بين كل العربيات اللي في حدود السيفيك والسيفيك أنسب عربية لمتطلباتي. وبالنسبة لموضوع عزلها مش قد كدة فا مافيش عربية كاملة. ماهو عندك الجيتا عزلها ممتاز بس خد عندك مشاكل الفتيس وضعف موتور وقلة اعتمادية. وموضوع علبة الدريكسيون بتبوظ فا دي أول مرة أسمع الكلام ده من حضرتم. ما يمكن حالة فردية ولا حاجة. بالنسبة للفانتازيا طبعا عربية فخمة وممتازة بس أولا غالية (أغلى من السيفيك بـشوية) وبعدين قطع غيارها الأصلية فعلا نار.

**kisho55555** · 26-08-2011 04:13 AM

المشاركة الأصلية كتبت بواسطة mahmode

والله يا باشا لو ظهرت قدامك حاجة في خلال اسبوع قوللي ولو أحسن من اللي أنا حاجزها أخلص فيها وأكلم الراجل بتاع اللي أنا حاجزها أعتذر له وهوا كدة كدة يقدر يبيعها في يوم! العربية عليها اقبال مش معقول. لكن إن شاء الله لو جه بعد العيد حاخلص في اللي قدامي. أنا ضيعت فرص كتير ومش عاوز أضيع دي كمان. وشكرا لاهتمامك.

ودي مواصفاتها:
سيفيك vti 2009 أعلى فئة - فرش جلد أصلي أسود في الكراسي وبطانة الأبواب - فابريقة جوة وبرة مش راشة أي حاجة - حالة ممتازة مافيهاش غير خرابيش بسيطة جدا وقطع بسيط في الجلدة اللي حوالين فتحة السقف - ماشية 44 ألف كم - لون فيراني وأنا باحب اللون ده - متركب لها بلو توث تليفون بالتوكيل - صيانات بالتوكيل - أول يد من صاحبها وليس معرض - السعر 147.5 ألف جنيه.

إيه رأيك؟

بالنسبة للجزء الاول من كلامك .... انا هكون فى بورسعيد احتمال على العيد او تالت يوم العيد ... وربنا يسهل ..

بالنسبة للعربية .... احسن كتير من الاولى .... وكويس انك مخلصتش ف الاولى .... واللون الفيرانى قليل فعلا وجميل ...

اكشف عليها وتوكل على الله ...

**kisho55555** · 26-08-2011 04:24 AM

المشاركة الأصلية كتبت بواسطة cosmicone

احب اقول حاجه مش هتعجب الناس بردوا ان حتى الأن الأختبرات الى شفتها فى امريكا (السيفيك هناك مشهوره اوى) للألنترا الجديده قدام السيفيك ال2012 الألنترا معديه عنها من وجهة نظر الناس و النقاد

وكمان الكورولا ... لكن معرفش حكاية الهوندا