وكلنا عشاق ترابها النبيل

**alaa_dash** · 07-05-2008 02:40 PM

استمر يا كريم .......

بعلو الصوت هنتتكلم
ان شالله نموت هنتكلم
اللحظة دي واجبه علينا وفرض
مين يرضي يفرط يوم في العرض
وعشان منبصش يوم في الارض ولا نسلم هنتكلم
بيحتلونا وبيذلونا وبيحوجونا ويجوعونا ويشبعونا
استنسخونا ومسخونا وعولمونا ومن اصولنا بيجزرونا
لعبونا غيبونا فتعبونا عازونا فغزونا فاذونا خدونا لخبطونا من تاريخنا شطبونا
داينونا جننونا
عودونا عالمعونه
كان هتافنا في الجهاد لا اله الا الله
والنهارده هتافنا لله
يا محسنين لله...............
لو كنا ببعض مبنحسش
تتمس الارض متتمسش
مش فارقه كتير
دى اللعبه قديمه ومفهومه
خلينا كده فى سابع نومه
وتصبحوا على خير
لعبونا غيبونا فتعبونا عازونا فغزونا فاذونا خدونا لخبطونا من تاريخنا شطبونا
داينونا جننونا
عودونا عالمعونه
كان هتافنا في الجهاد لا اله الا الله
والنهارده هتافنا لله
يا محسنين لله

**Karim_Monir** · 07-05-2008 02:42 PM

المشاركة الأصلية كتبت بواسطة Engesso

يعني ايه كلمة وطن؟؟
مش الوطن ده هو اهلي واصحابي والناس اللي بتعامل معاها، والظروف المعيشية اللي بعيشها،
والشوارع اللي بمشي فيها، والاكل اللي باكله، والهوا اللي بتنفسه، والمية اللي باشربها؟
طيب اذا استثنينا اهلي واصحابي، قوللي في ايه تاني في الوطن نبكي عليه؟
كله بقى بيسرق، والطمع خلاهم بيتفننوا ازاي يفقروا الناس كمان وكمان،
يبقى احبها ليه؟
علشان الشباب اللي ماشي ونص مؤخرته باينة من البنطلون الساقط اللي لابسه، ولا شعره الطويل اللي انا متأكد ان كل انواع القمل عايشة فيه؟
ولا البنات اللي بقوا آخر انحلال؟
ولا الشباب اللي عملوا مظاهرة علشان تامر حسني يخرج من السجن؟ ياريتهم كانوا عملوها لما البنزين غلي...
احبها ليه؟؟؟

حبها عشان علمتك ببلاش واساتذتها خلوك راجل وليك شخصية
حبها عشان بتمشي في ارضها بتحس بالامان ومتقولش مستوي جريمة مرتفع ده من الفقر
حبها عشان ولادك فيها واهلك اللي اكيد بتحبهم
حبها عشان صاحب في يوم اشتكيتلة وفضفضت معاه وسمعلك وخدك في حضنة وعيطت على صدرة لما كنت متضايق
حبها عشان لسه بتتتسرق كل يوم ولسه بتدي خير
حبها عشان هيا الدولة الوحيدة اللي ربك ذكرها في القرءان وقال ان فيها خير كتير
حبها عشان مهد الانبياء
حبها عشان اهل بيت النبي اللي مدفونين فيها
حبها عشان تعرف تيجي في يوم ما نبقاش سلبيين ونقف في وش الظلم ونقول لاء

لسه بحلم ببكرة

**Karim_Monir** · 07-05-2008 02:51 PM

المشاركة الأصلية كتبت بواسطة Tyler_Durden

استغفر الله العظيم

احنا ولادنا هايطلعو يلعنونا

يلعنو مين يا عم
ده الرزق على الله

اسمع كدة منير بيقول ايه

رزقنا .. الرزق على الله
دربنا .. خلّيها على الله
باعشق الدروب .. و الدروب قلوب
و يهوّن الله
صابرة زيّي أنا .. صورة منّي أنا
فيها جرحنا .. فيها فرحنا
و الدايم الله

نفسنا .. حلمنا
تصدق الوعود .. و الغريب يعود
و يهوّن الله
ده احنا عمرنا .. صافي قلبنا
ده احنا للحياة .. و هي دي الحياة
و الدايم الله

**Karim_Monir** · 07-05-2008 02:54 PM

خدوا دي بقي واقوم ادخل اجتماع احسن قرفان ومش قادر اسمع ولا لاكتب حاجة تاني :

إسمع

إيدي واحدة .. و انتِ إيدك برضه واحدة
مدي إيدك ويّا إيدي .. إمسحي دمعة وليدي
عايز أصرخ لك و عاجز .. أسمعِك أو تسمعيني

نفسي .. نفسي
نفسي أقول لِك ألف حاجة
بس آه لو تفهميني

نفسي .. نفسي
شيء غريب حسّيته لمّا
كنتِ مرّة بتحضنيني

نفسي .. نفسي
يا بلدنا يا بلد .. هو من إمتى الولد
بيخاف من أمه .. لمّا في الضلمة تضمّه
صدقيني خُفت منّك .. خُفت منّك صدقيني

نفسي .. نفسي
بس آه لو تفهميني

بس اه لو يفهمونا
ويحسووووووووووووونا

**Sharky** · 07-05-2008 03:13 PM

إنت شكلك كده يا كريم ناوى تقفلهلنا و مش حنلاقى حتة نتكلم فيها

**سمير يونس** · 07-05-2008 03:19 PM

و الله غريبة البلد دي

مش عارفين نعيش فيها

و برضه منقدرش نبعد عنها

يعني في نفس الوقت اللي أنا شايف فيه كل أعضاء المنتدى الكرام زهقانين من مصر و عايزين يسيبوها (و ده كان حالي زمان لما سافرت)

أنا بحاول هذه الأيام و بكل جهدي إني أرجع لها في أسرع وقت ممكن و مش متخيل إني ممكن أقدر أعيش بعيد عنها للأبد

يا خساااااااااارتك يا مصر

**Ahmed Selim** · 07-05-2008 03:22 PM

خدوا دي عندكو

برضه **** منير
(الملك هو الله)
الادارة 1

يا عروسة النيل يا حتة من السما
ياللى صورتك جوا قلبى ملحمة

أحنا لو مرة نادينا
على أصغر ما فينا

من ورا الليل والمعابد
والكنايس والمساجد

تحضنينا وتحكى لينا
تصغر الدنيا فى عينينا

أنتى يا شمعة يا قايدة فى قلبنا
يا عروسة النيل يا حتة من السما

أحنا يا عروسة شبابك
تكتبى نقرا كتابك
تتعبى بنشيل عذابك
تأمرى بنكون جوابك

وأحنا صافيين زيك أنتى
أنت دايماً باقية أنتى طاهرة زر الشمس صافية زينا
يا عروسة النيل تعيشى يا مصرنا

يا عروسة النيل يا حتة من السما
يا عروسة النيل تعيشى يا مصرنا

اللهم أننا نشكوا اليك ضعفنا وهمنا وهواننا على الناس يا أرحم الرحمين

-

-

-

الموضوع: وكلنا عشاق ترابها النبيل

LinkBack

أدوات الموضوع

عرض

-

-

-

-

-

-

المواضيع المتشابهه

كل عيد اضحى وكلنا طيبين

عشاق ال 954

مين عشاق الماذدا 3 ومين عشاق المتسوبيشى شارك.

كل عام وكلنا بخير ....كارت تهنئة

الكلمات الدلالية لهذا الموضوع

المفضلات

المفضلات

ضوابط المشاركة