ياباشا ده لسة فى أسئلة تانية فى بالى كتير - بس قولت برضه ميصحش كده من أول مشاركة نزهق الراجل :_Alshmokh15[1]:
عرض للطباعة
أنت عارف - أنا شوفت العربية السبورتج واقفة امبارح قدام الكافيه اللى كنت قاعد فيه فى الرياض - وأنا واحد من الناس معجب جدا بشكل العربية الخارجى وأكيد من جوا كمان فيها كماليات هايلة - بس الخوف كله من ان اعربية تعتبر جديده لسة ومتجربتش زى النيسان اللى عدت المليون عربية فى انتاجها واللى المصنع بيعمل كل يوم تقريبا 1200 عربية منها - ده برضه غير ان اليابانى معروف انه معمر بكتيييير أكتر من الكورى - هية بينى وبينك مقارنة فعلا صعبة والله - وشكرا لمرورك الكريم يابرنس
يا زعيم السبورتاج بالذات من اشهر عربيات كيا
و كانت بتتجمع في المانيا و انجلترا برضه
و العربيه مبنيه علي السيراتو و الانترا و دول اعتقد اثبته نفسهم و لا ايه
انا مش عايز ابان اني متحيز للكيا و لا حاجه
انا بس معجب بطريقه تفكيرهم
يعني نيسان و ميتسوبيشي بجلاله قدرهم و خبرتهم و الهيلمان بتاعهم مش عارفين يحطوا متور 1600 مع فتيس اوتوماتيك في عربياتهم و يا ناخدها مانوال يا نشرب من البحر
اهي الكيا جت و سكتهم علي دماغهم
و بكره الهيونداي ال ix تنزل هي كمان بنفس المواصفات و الليله تكمل
عموما انا املي في المازدا ال cx5 ولو انها شكلها زي اخواتها اليابانيات 2000 سي سي بس
ياباشا لا خوف ولا تردد
انت بتسأل وتجاوب على نفسك ومن جواك حابب النيسان بس عينك هاتطلع ع الكيا للكماليات
بص من الاخر كل عربية فيها حاجات مش موجودة فى التانية وانا شايف ان المقارنة منحصرة فى ركن السعر وكماليات وفتيس وبس
انت راكب يابانى وعارف يعنى ايه موتور يابانى مهما كانت سعته