من حق سواقين الاجرة والميكروباص رفع سعر التعريفة ولا مش من حقهم ....

**احمد عبدالله** · 08-05-2008 02:30 AM

المشاركة الأصلية كتبت بواسطة dr_3eshoo

طبعا من حقهم

+10000000000000000000

**محمد المشد** · 08-05-2008 02:35 AM

نعم من حقهم زيادة الاجرة ولكن بنسة معقولة وليس بشكل استغلالى ! لان الحكومة ممثلة فى شركاتها ايضاً رفعت اسعار بعض المعدات والات المستأجرة منها فما بالك بسائقى التاكسيات والميكروباصات
ولكن يجب تشغيل العدادات طبقا للقانون الجديد للمرور من اجل ضبط اصحاب الناكسيات شوية
اذا كان اعضاء مجلس الشعب تم زيادة بدلاتهم امس للجلسات من 100 الى 125 جنية للجلسة وزيادة فوايتر الهاتف الى 3000 جنية لكل عضو شهرياً 000000000000 الخ هنيجى على الغلبان ونقف عليه

**kh_talaat** · 08-05-2008 08:39 AM

يا جماعة كله هيزود وكله هيستفيد يعني سواق الميكروباص هيزود الأجرة والتاكسي هيزود والحرفيين وأصحاب المهن الحره هتزود والدكتور والمحامي هيزود حتى الحلاق هيزود !!!!!!!!!!

إلا الموظف الذي لا حول له ولا قوه هو إللي هيتحمل كل الزيادات دي ، والله حرااااااااام ، ربنا ينتقم منك يا حكومة .... هو المنتقم الجبار

**Ramy_2R** · 08-05-2008 09:06 AM

المشكله ان فى ناس بستغل الموضوع ده لحسابها
يعنى مثلا النهارده راكب تاكسى من أول ما دخلت عرفت أنه حيقلى لما أجى أدفع هات فلوس زياده عشان البنزين
رحت حاطط عنيا على عداد البنزين عنده لقيته واقع بصيت جنبه لقيت الجهاز بتاع قياس الغاز
وبعدين حصل زى ما توقعت لقيته بقلى هات 2 جنيه زياده بقوله له بيقولى البنزين بقه يا بيه
قولتلو ما انت غااز فضل يضحك ووشه احمر ومشى من سكات

بس الفكره هنا ان فى عربيات كتيره غاز وبالتالى لما اسعار التاكسيات التانيه الشغاله بالبنزين تغلى هم حيغلو برده

شكلى بكره حسيب التعليم واشتغل سواق على عربيه أجره بالجاز

**Ayman_Abdullah** · 08-05-2008 09:11 AM

تم رفع التسعيرة النهارده للمسافات أقل من 25 كم ترتفع الأجرة ربع جنيه
و اللى أكتر من 25 كم ترتفع 40 قرش

**aliabutaleb** · 08-05-2008 10:02 AM

من حقهم بس كل حاجة بالعقل
إنما الموضوع كدة بقى فرصة ذهبية للنصابين وما أكثرهم
امبارح ركبت مشوار بيتدفع فيه جنيه أخد فيه جنيه ونص
وأقل مشوار ولو بسيط الناس كانت بتدفع 50 قرش مبقاش بيقبل أقل من جنيه

**سمير يونس** · 08-05-2008 12:10 PM

المشاركة الأصلية كتبت بواسطة محمد ابراهيم 1

برضه نفس الكلام بالنسبه للميكروباص
المشوار اللى كان الميكروباص كان بيقطعه ب 3 لتر والأجره جنيه على فرض إن المشوار متوسطه 25 كم
التكلفه زاده من 225 قرش الى 315 قرش بمقدار 90 قرش
على 14 راكب بمعدل 6,5 قرش لكل راكب
يبقى من حقهم زياده الأجره بمقدار 10 قروش
وتزيد بزياده المشوار والمسافه

كلام سعادتك صحيح - دا لو كانت الزيادة في سعر الديزل بس

بس لازم كمان ندخل في حساباتنا إن اي حاجة هيشتريها السواق هتغلى لأن كل الناس هترفع أسعار سلعها أو خدماتها

و ما ننساش كمان إن سواق الميكروباص مخدش علاوة ال 30 % :D :D

**Abo_Lina** · 09-05-2008 12:16 PM

المشاركة الأصلية كتبت بواسطة mokhtar

عندنا فى دمياط بتحصل حاجه غريبه ..بعد ارتفاع سعر البنزين ..معظم المواصلات الداخليه عندنا اصلا كانت ب25 قرش بعد الزياده بقت رسمى 35 قرش فطبعا فيه ازمه فكه .....السواقين بقى بيستعبطوا كل واحد جايبله كيسين بونبونى او كرمله من اللى بشلن وتديله 50 قرش يديلك بونبونايه
...15 قرش على 15 قرش هو يطلع بالفرق والزبون هو اللى ياكل على قفاه ولو اديتله فكه 35 قرش تلاقيه اضايق قوى ....ايه اللى بيحصل ده ياجماعه ..الفرق بسيط اوى بس هو ليه الناس بقت وحشه كده والفهلوه هى اللى بتتحكم فى حياتنا

..mokhtar..

ده اكل لاموال الناس بالباطل و مهما زادت هاتفضل منزوعة البركة

**hazoma** · 10-05-2008 01:03 AM

هو بصراحه من حقهم يغلوا الاجره لان سعر البنزين والسولار غلي وبغلوه ده هامش الربح بتاع السواق الي متعود انه ياخده اخر اليوم قل فبالتالي لازم يرفع الاجره عشان يعوض الي اتاخد منه بس في بعض سواقين استغلاليين لانه بيستغل الازمه دي عشان يزود هامش ربحه عن الاول يعني مش بيزود عشان يرجع لمستوي الدخل الي كان بيحصله لا ده عاوز يعليه كمان وده حرررررررررررررررررررام...... .شكرا